Hêbrơ 11:19 - Sơ̆p Hlabơar Nơ̆r 'Bok Kei-Dei

¹⁹ Abraham sư băt kơ 'Bok Kei-Dei gơh tơiung arih kon bơngai đơ̆ng lôch, na sư tơchĕng kon sư kư̆m gô iung arih, na sư chu wă soi kơ 'Bok Kei-Dei. Kon sư dang lĕ kơ lôch, dang lĕ kơ 'Bok Kei-Dei tơiung arih boih, yua kơ pă 'biơ̆ đĕch wă lôch boih.

Hêbrơ 11:19 ပူးပေါင်းရင်းမြစ်များ

Bl 22:13

Abraham ngơk hue 'bôh đei minh pôm kon triu tơno tơ rŏng sư oei đom kơ hơmŭl 'long, na sư rôp iŏk triu 'noh 'buh pơm tơmam pơyơ̆r tơplih kơ kon sư.

Mathiơ 12:36

Inh khan kơ iĕm tơpă, na mưh truh năr 'Bok Kei-Dei sek tơlang ning-mônh, Sư roi tôm dôm tơdrong 'bơ̆r iĕm pơma kơnê̆.

Mathiơ 9:28

Lăp Yêsu mơ̆t tơ hnam, bre sư kư̆m mơ̆t kiơ̆ mơ̆n. Na Yêsu jet bre sư khan: “Biĕm hăm lui kơ Inh gơh pơklaih biĕm?” Bre sư khan: “Lui.”

Rom 5:14

Iŏk đơ̆ng chăl arih 'bok Ađam truh tơ chăl arih Môis kon bơngai kư̆m đei lôch. 'Bok Ađam yoch yua kơ sư ưh kơ chu kơ nơ̆r 'Bok Kei-Dei pơkă, na kơplah noh sơ̆ lu bơngai mă ưh kơ pơm yoch thoi sư kư̆m wang lôch thoi sư mơ̆n. 'Bok Ađam pơm kơ bơ̆n tơm, noh wă pơtih gia kơ Yêsu wă truh đơ̆ng rŏng, kư̆m pơm tơm kơ bơ̆n mơ̆n.

Êphêsô 3:20

Bơnê kơ 'Bok Kei-Dei Kră Yang mơsêh tăp pang mơyang tăp dăr tơgŭm bơ̆n lơ hloh kơ đêl bơ̆n apinh, lơ hloh kơ đêl đon bơ̆n tơchĕng.

Hêbrơ 9:24

Thoi noh na dang ei Yêsu Krist tŏk tơ plĕnh ti mơ̆t tơ hnam 'Bok Kei-Dei tơ plĕnh ti boih. Sư ưh kơ mơ̆t tơ hnam 'Bok Kei-Dei mă kon bơngai pơm tơ teh âu ôh, hnam 'Bok Kei-Dei mă kon bơngai pơm tơ teh âu noh, wă pơtih gia kơ hnam 'Bok Kei-Dei tơ plĕnh ti. Dang ei Yêsu Krist tŏk oei tơ noh tơpă boih, Sư oei 'bơ̆t anăp 'Bok Kei-Dei tang đĭ-đăng rim 'nu bơngai.

Hêbrơ 9:9

Tơdrong noh Sư tơbăt ăn kơ lu bơ̆n dang ei ưh pă giĕng năm 'bơ̆t anăp 'Bok Kei-Dei boih. Kiơ̆ kơ tơdrong so noh sơ̆, lu 'bok soi, lu sư đei tơmam đe pơyơ̆r wă soi kơ 'Bok Kei-Dei. Mă-lei tơdrong lu sư soi noh ưh kơ pơm kơ lu bơngai mă kơkuh kơ 'Bok Kei-Dei 'lơ̆ng tơpăt hăm 'Bok Kei-Dei ôh.