Hêbrơ 10:31 - Sơ̆p Hlabơar Nơ̆r 'Bok Kei-Dei

³¹ Na bơ̆n pơm ưh kơ 'blep trŏ kơ tơ'ngla mă arih ling-lang, hơmơt dêh hli kơ Sư phak.

Hêbrơ 10:31 ပူးပေါင်းရင်းမြစ်များ

Horiso 50:22

Thoi noh, ơ lu bơngai hiơt kơ Kră Yang 'Bok Kei-Dei, lăng bĕ tơdrong 'nâu. Inh gô hek pơrăm ih, ưh kơ đei bu dŏng ôh.

Horiso 76:7

Lăp minh 'nu Ih đĕch trŏ kơ hli yom; Layơ Ih hil bu kĕ dơ̆ng 'bơ̆t anăp Ih

Horiso 90:11

Bu băt tơdrong kơtang mă Kră Yang hil? Bu kĕ băt tơdrong Ih hil mĭl, sư gô jing thoi yơ?

Êsai 19:16

Lăm năr noh kơnh, bơngai Êyiptơ gô nhen thoi bơngai drŏ-kăn, hli tơrơ kơ ti Kră Yang Tih Hloh wă pơrăm lu sư.

Êsai 33:14

Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”

Mathiơ 10:28

Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.

Mathiơ 16:16

Simôn Pêtrôs khan: “Ih 'Bok Krist, Kon 'Bok Kei-Dei mă arih ling-lang.”

Luka 12:5

Iĕm athei hli kơ 'Bok Kei-Dei mă gơh pơlôch akâu iĕm păng gơh hơtat iĕm tơ dơnâu ŭnh. Minh 'nu 'Bok Kei-Dei đĕch iĕm athei hli yom.

Luka 21:11

Gô đei teh adrŏ kơtang păng đei tơdrong pơngot rơwĕt păng lôch hơbuh lơ tơring âu tơring to. Iĕm gô 'bôh tơdrong hlĭch hlăch krưp tơpă tơ kơpal plĕnh.

Jang 13:11

Na dang ei 'Bok Kei-Dei gô phak e. E gô tol măt minh yuh, ưh kơ 'bôh hơdah.” Na bơngai pơjâu ei tol măt hloi. Sư hơwơi chă hơbơ̆ đe wă kơ đe tơgŭm dui ba sư.

II Kor 5:11

Nhôn băt hli kơ Kră Yang na nhôn bơtho khan kơ đe athei lui kơ Sư. 'Bok Kei-Dei băt kơ nhôn bơngai thoi yơ, inh tơchĕng iĕm kư̆m băt kơ nhôn bơngai thoi ei mơ̆n.

Hêbrơ 10:27

pôm chang gô tơdrong 'Bok Kei-Dei sek tơlang wă phak lăm ŭnh kơdơ̆r tih đĕch, hli dêh. Ŭnh noh wă soh pơmat lu bơngai mă ayăt kơ 'Bok Kei-Dei.

Hêbrơ 12:29

yua kơ Sư Kră Yang bơ̆n, thoi lĕ kơ ŭnh soh chhông.

Hêbrơ 3:12

Ơ 'nhŏng oh, iĕm athei kơchăng hli kơ iĕm đei jơhngơ̆m kơnê̆ jing kuă kơ lui, achăng lê̆ 'Bok Kei-Dei Kră Yang mă arih ling-lang.