Hêbrơ 10:27 - Sơ̆p Hlabơar Nơ̆r 'Bok Kei-Dei

²⁷ pôm chang gô tơdrong 'Bok Kei-Dei sek tơlang wă phak lăm ŭnh kơdơ̆r tih đĕch, hli dêh. Ŭnh noh wă soh pơmat lu bơngai mă ayăt kơ 'Bok Kei-Dei.

Hêbrơ 10:27 ပူးပေါင်းရင်းမြစ်များ

Horiso 21:9

Lăm năr Ih pơdah akâu. Ihb gô pơm kơ lu sư khơ̆ng thoi pla ŭnh, Kră Yang gô luăn lu sư, lăm năr Kră Yang hil blĕk, Păng ŭnh gô soh chhông đĭ lu sư.

Êsai 26:11

Ơ Kră Yang ti Ih yơ̆r bơih, mă-lei lu sư oei ưh kơ 'bôh, lê̆ lu sư 'bôh gô mơlâu năr Ih pơm tơ'bôh 'lơ̆ng ăn kơ kon pơlei Ih. Tơpă ŭnh mă 'măn kơ lu bơngai ayăt kơ Ih gô sa lu sư.

Êsai 33:14

Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”

Je 4:4

Kăt tơdra akar iĕm bĕ 'bơ̆t anăp Kră Yang, ơ kon drŏ-nglo Juđa păng kon pơlei Jêrusalem, Kăt bĕ akar jơhngơ̆m iĕm. Kơnh hli kơ tơdrong Inh hil iung thoi ŭnh sa, ưh kơ đei bu kĕ pĭt, yua kơ tơdrong yoch lu iĕm pơm boih.”

Êsêkiên 36:5

Kră Yang khan thoi âu: Lăm tơdrong Inh hil gar tơtŏ thoi ŭnh, inh wă blah lu dêh char mă oei oei păng đĭ kơ char Eđôm, lu dêh char mă đĭ jơhngơ̆m chơt hiôk pơjăm tơgar iŏk teh Inh jing tơmam sư kơdih păng tơgar iŏk lu tơmăn 'nhĕt,

Êsêkiên 38:19

Lăm tơdrong Inh gar, lăm tơdrong Inh hil mĭl tơpă, lăm năr noh gô đei tơdrong pơpơ̆ tih dêh truh kơ char Isơrael.

Da 5:6

Na muh măt pơtao păng đon tơchĕng sư tơplih pơm kơ sư hơwơ̆l hơwang; lu kơting rŏng sư pă tơklep păng 'bar pah kŭl-tăng sư pơpơ̆ hơtŭt băl.

Hôsia 10:8

Lu anih kơjung tơ Awen, wă khan anih đei tơdrong yoch lu bơngai Isơrael, đe gô pơrăm đĭ, 'long jơla, păng jơla bơmrôm gô chăt hro tơ kơpal chơnang soi lu sư. Kơplah noh lu sư gô khan kơ kông: Klơ̆p lê̆ nhôn bĕ păng khan kơ lu groi. Gom đơ̆p lê̆ lu nhôn bĕ!

Jôel 2:30

Inh gô tơ'bôh ăn dôm tơdrong hlĭch chrơp tơ kơpal plĕnh ti păng kơpal teh đak âu, noh wă khan ŭnh, pham, păng lu jrăng 'nhui ŭnh.

Na 1:2

Kră Yang jơ̆ 'Bok Kei-Dei gar păng pơm 'mong; Kră Yang pơm tơwih păng 'bĕnh kơ tơdrong hil mĭl. Kră Yang pơm 'mong kơ bu mă blah Sư păng hil kơ lu đe bu mă ayăt kơ Sư.

Jêphania 1:18

Mă hu dah maih lu sư kư̆m ưh kơ gơh pơklaih lu sư đơ̆ng tơdrong Kră Yang hil mĭl; đĭ-đăng kơ teh gô răm đĭ lăm ŭnh mă Kră Yang hil mĭl, yua kơ Sư pơlôch pơđĭ kon bơngai kơpal teh âu ưh kơ tam kơ băt.”

Jêphania 3:8

Thoi noh, Kră Yang khan: “Lu iĕm athei gô Inh dĭng truh tơ năr Inh gô iung blah rôp; yua kơ Inh wă iŏk akŭm pơpôi đĭ lu kon pơlei păng akŭm đĭ lu dêh char Inh, Inh wă tuh tơdrong hil păng tơdrong blĕk Inh tơ lu sư, yua kơ đơ̆ng ŭnh Inh gar gô luăn sa đĭ teh âu.

Malachi 4:1

“Yua kơ âu, năr truh thoi ŭnh sa khơ̆ng lăm tơnuh đe tơkuh. Dôm lu bơngai pơang, lu bơngai pơm yoch kơnê̆ lu sư nhen thoi hơnong 'ba, 'nhĕt kro;” Kră Yang Tih Hloh khan: “Truh năr ei kơnh, Inh gô soh pơđĭ lu sư, ưh pă lê̆ mă dơng mă rơh.

Jo 16:35

Đơ̆ng noh, đei ŭnh đơ̆ng Kră Yang dơhlông sa pơđĭ 'bar-hrĕng pơđăm-jĭt 'nu lu bơngai drŏ-nglo mă đei soh pơyơ̆r tơmam 'bâu phu.

Mathiơ 13:42

na klơ̆m tŭk lu sư tơ dơnâu ŭnh, lê̆ lu sư nhơ̆m hmoi tơkăp sơnĕnh tơ noh.

Mathiơ 13:50

tơlơ̆ tŭk lu sư tơ dơnâu ŭnh, lê̆ lu sư nhơ̆m hmoi kăp sơnĕnh tơ noh.”

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Mathiơ 3:10

Sung Sư, Sư 'măn hiă rim kơ tơnơm 'long boih. Dah 'long ayơ ưh kơ đei plei 'lơ̆ng lei 'Bok Kei-Dei gô kăl tŭk 'long noh klơ̆m tơ ŭnh.

Mathiơ 3:12

'Bok ei sek tơlang kon bơngai thoi lĕ kơ Sư chĕp minh hlak kơđum wă um tŭk đĭ dôm lu 'ba bo. Na Sư iŏk lu 'ba liĕng wă tah lê̆ lăm kŭ 'ba Sư. Na dôm lu 'ba bo noh Sư wă soh tŭk đĭ tơ ŭnh mă ưh kơ layơ păt.”

Mathiơ 8:29

Lăp truh tơ Yêsu bre sư pơma 'bơ̆r re khan: “Ơ Kon 'Bok Kei-Dei, Ih truh tơ âu wă pơrăm nhôn hă? Ưh tam mă trŏ kơ năr Ih wă pơrăm nhôn ôh lah.”

Luka 16:24

Na 'bok mơdrŏng ei krao pơret Abraham thoi âu: ‘Ơ Abraham, apinh ih mơnat kơ inh 'biơ̆, ih wơh Lasarơ năm djrŭ ti sư tơ đak năm kơtoh kơ 'bơ̆r inh 'biơ̆ bĕ wă klaih rơhing 'biơ̆, yua kơ inh oei lăm dơnâu ŭnh tŏ hang dêh.’

Luka 19:27

Gah lu bơngai mă ayăt kơ inh, ưh kơ wă kơ inh pơm pơtao pơgơ̆r lu sư, iĕm dui anhăk lu sư tơ âu, pơlôch lu sư 'bơ̆t anăp inh.’ ”

Luka 21:26

'Bok Kei-Dei gô gơgŭ sơnglŏng đơ̆ng plĕnh na kon bơngai chang gô kơ tơdrong anat anot wă truh tơ jơ̆p-jang kơ ala teh âu, na lu sư hli dang lĕ kơ wă lôch.

Luka 23:30

Hơtai ei kơnh đe gô khan kơ kông thoi âu: ‘Hiŏng tơlơ̆ kơpal nhôn âu bĕ.’ Na đe kư̆m khan kơ groi thoi âu mơ̆n: ‘Klơ̆p lê̆ nhôn bĕ.’

Yo 5:29

na lu sư lĕch đơ̆ng bơsat. Lu bơngai đei đon 'lơ̆ng tơpăt sư iung arih đơ̆ng noh sư gô arih ling-lang. Lu bơngai pơm kơnê̆, sư iung arih đơ̆ng noh Inh gô phak sư.

Both 32:43

Ơ lu adrĕch adrung kon bơngai! Hiôk chơt bĕ hăm kon pơlei Kră Yang. Yua kơ Sư gô iung kơting, pơm 'mong pham kơ đĭch đam Sư, Sư pơm 'mong blah lu bơngai ayăt kơ Sư, mơnat ăn kơ dêh char Sư păng lu kon pơlei pơla Sư.

Hêbrơ 12:25

Iĕm athei kơchăng, 'nĕ kơ sơngah kơ nơ̆r 'Bok Kei-Dei bơtho pơkă kơ iĕm. Tơ̆ng iĕm sơngah kuă kơ chu nơ̆r Sư pơma kơ iĕm, lei iĕm gô pŭ tơdrong phak thoi lu bơngai noh sơ̆ ưh kơ chu kơ nơ̆r Sư pơma kơ lu sư tơ ala teh âu, na 'Bok Kei-Dei phak lu sư. Na dang ei Sư pơma kơ bơ̆n đơ̆ng plĕnh, tơ̆ng bơ̆n sơngah kuă kơ chu kơ nơ̆r Sư, Sư wă phak lu bơ̆n tơpă.

Hêbrơ 12:29

yua kơ Sư Kră Yang bơ̆n, thoi lĕ kơ ŭnh soh chhông.

Hêbrơ 2:3

Mă tơdrong Yêsu Kon 'Bok Kei-Dei kăl hloh kơ noh dơ̆ng. Thoi noh, tơ̆ng bu ưh kơ gơnang kơ Yêsu pơklaih sư, bơngai noh gô đei tơdrong phak tơpă. Tơdrong Kră Yang Yêsu Krist pơklaih bơ̆n, Sư kơdih tơbăt ăn kơ đe sơ̆ na đe tơbăt ăn kơ bơ̆n.

Hêbrơ 9:27

Kon bơngai bơ̆n lôch minh 'măng đĕch, klaih kơ noh năm tơ tơdrong sek tơlang.

Ya 5:3

tơmam hu maih iĕm gô đĭ kơ gơsang sa, noh na đe băt kơ iĕm bơngai hưch kơ mŭk tơmam dêh, tơmam iĕm gô hiong đĭ. Gơsang noh kư̆m wă sa akâu iĕm mơ̆n thoi lĕ kơ ŭnh. Iĕm chă mong mŭk tơmam lơ, mă-lei ưh kơ yua kiơ kơlih kơ wă jê̆ truh năr tôch boih.

Tơdrông Tơ'bôh 20:15

Bơngai bu ưh kơ đei anăn đe chih tơ lăm sơ̆p hla bơar tơdrong arih, bơngai noh kư̆m trŏ kơ đe tơlơ̆ sư tơ lăm dơnâu ŭnh mơ̆n.

I Sam 2:25

Tơdah minh 'nu bơngai pơm yoch hăm bơngai nai, Kră Yang 'Bok Kei-Dei pơm 'long sơlam bre sư; mă-lei tơdah pơm yoch hăm Kră Yang, bu mă gơh krao tơgŭm sư? Mă-lei bre sư ưh kơ wă mơ̆ng ôh nơ̆r 'bă lu sư; Thoi noh Kră Yang pơlôch bre sư.