Hêbrơ 10:11 - Sơ̆p Hlabơar Nơ̆r 'Bok Kei-Dei

¹¹ Đĭ kơ lu 'bok soi oei jang hơnơ̆ng rim năr soi kơ 'Bok Kei-Dei, mă-lei tơdrong soi noh ưh kơ gơh pơklaih tơdrong yoch ôh.

Hêbrơ 10:11 ပူးပေါင်းရင်းမြစ်များ

Le 29:36

Rim năr ih athei pơyơ̆r minh pôm rơmo dăm pơm tơmam soi tang tơdrong yoch; păng pơm ăn kơ chơnang soi rơgoh, hăm tơdrong sơmah huai đơ̆ng yoch, păng tuh đak 'bâu phu, wă kơ chơnang soi jing 'lơ̆ng rơgoh.

Êsai 1:11

Kră Yang khan: “Hơdôm yơ tơmam mă iĕm soi sơmah hăm yua kiơ kơ Inh? Inh bơ̆l bơih dôm tơmam soi 'buh păng triu tơno hăm rơmă lu kon sem dơrong bek. Inh ưh kơ lăp đon ôh kơ pham rơmo tơno, triu kon păng bơbe tơno.

Êsêkiên 45:4

Noh boih anih teh 'măn lê̆ 'lơ̆ng rơgoh ăn kơ lu 'bok soi bơngai bơ̆jang lăm anih hnam akŭm 'lơ̆ng rơgoh, lu bơngai năm jê̆ bơ̆jang kơ Kră Yang. Noh anih mă lu sư pơm hnam oei păng anih 'lơ̆ng rơgoh ăn kơ hnam akŭm 'lơ̆ng rơgoh.

Da 11:31

Lu linh mă sư lăp đon, gô iung pơm 'mê̆-'mach kơ anih kơđông rơgoh, iŏk lê̆ tơmam soi 'buh mă juăt kơ pơyơ̆r păng pơm tơdrong kơnê̆, pơm kơ anih noh jing juơ.

Da 12:11

Đơ̆ng chăl mă lê̆ boih dôm tơdrong soi, tơmam soi 'buh mă juăt kơ pơyơ̆r păng tơdrong kơnê̆ 'mê̆ brư̆ jing juơ juŏ gô pơjing ming plơ̆ng dơ̆ng, gô đei minh-rơbâu 'bar-hrĕng tơsĭn-jĭt năr.

Da 8:11

Sư pơm akâu sư rai tih dĭng truh tơ yŏng pơgơ̆r linh; sư iŏk lê̆ tơmam pơyơ̆r đơ̆ng 'bok noh păng anih rơgoh sư tơhuŏng lê̆ tơ teh.

Da 9:21

thoi ei inh oei pơma lăm tơdrong krao khan âu, Gabrel, bơngai mă inh đei 'bôh lăm tơdrong tơ'bôh kơ inh blŭng-a, đei wơh păr hrĕnh năm hơtŭt kơ inh 'bơ̆t jơ đe pơyơ̆r tơmam soi 'buh kơsơ̆.

Da 9:27

Sư pơjing tơdrong kơjăp hăm lơ bơngai lăm minh 'măng giĕng păng truh lăm tŏk-bŏk 'măng giĕng noh, Sư kư̆m ăn kơ tơmam soi 'buh pơyơ̆r kư̆m pơdơh. Lu bơngai nai mă pơrăm gô truh hao pơnăr sem krưp dêh păng gô đei tơdrong hil krưp dêh tuh tơ anih juơ dĭng truh tơ sơnăm tôch, mă sơnăm đei pơkă lê̆ boih.

Mi 6:6

Inh gô chĕp ba tơmam kiơ̆ 'bơ̆t anăp Kră Yang păng drap kơkuh 'bơ̆t anăp 'Bok Kei-Dei Kră Yang Tih Hloh. Inh gô năm dơ̆ng 'bơ̆t anăp Sư hăm tơmam soi 'buh kon rơmo 'nao minh sơnăm hă?

Jo 28:24

Athei pơyơ̆r rim năr lăm tơpơh năr, lu iĕm athei pơyơ̆r tơmam soi 'buh lăm ŭnh, đei 'bâu phu ăn kơ Kră Yang. Ăn kơ lu iĕm pơyơ̆r tơmam soi noh 'nguaih kơ tơmam soi 'buh đei hơnơ̆ng păng pơyơ̆r hơdai hăm tơmam huch hai.

Jo 28:3

Roi bĕ kơ lu kon pơlei Isơrael thoi âu: 'Nâu tơmam pơyơ̆r soh hăm ŭnh na lu iĕm gô pơyơ̆r kơ Kră Yang: Rim năr 'bar tŏ triu kon iĕ tơno đei minh sơnăm ưh kơ đei jĭ kiơ, jing tơmam pơyơ̆r ling-lang.

Jo 29:6

Lu iĕm athei pơyơ̆r lu tơmam soi 'nâu 'nguaih kơ tơmam soi 'buh mă juăt rim năr lăm khei hơdai hăm pơyơ̆r tơpŭng phe 'ba, hăm tơmam soi 'buh juăt kơ đei ling-lang păng tơmam pơyơ̆r tơpŭng hơdai hăm tơmam huch, kiơ̆ thoi đei pơkă lê̆ boih kơ rim tơmam soi noh, na yua ŭnh soh đei 'nhui 'bâu phu ăn kơ Kră Yang.

Hêbrơ 10:1

Tơdrong juăt 'Bok Kei-Dei pơkă sơ̆, wă pơtih gia kơ dôm tơdrong hiôk 'lơ̆ng wă truh đơ̆ng rŏng. Mă-lei tơdrong juăt noh sơ̆ ưh kơ lei-lăi thoi tơdrong mă wă truh noh ôh. Thoi noh na lu bơngai mă kiơ̆ tơdrong juăt so noh, lu sư oei gơnang kơ tơdrong soi sơmah ling-lang rim sơnăm oei hơnơ̆ng thoi đêl. Pơm thoi noh lu sư ưh kơ jing bơngai 'lơ̆ng hăm 'Bok Kei-Dei ôh.

Hêbrơ 10:4

yua kơ lu sư gơnang kơ soi hăm pham rơmo pham bơbe khan klaih kơ tơdrong yoch. Thoi yơ pham rơmo pham bơbe gơh pơklaih tơdrong yoch? Pham noh ưh kơ gơh pơklaih minh tơdrong kiơ.

Hêbrơ 5:1

Rim 'nu lu 'bok soi tih 'Bok Kei-Dei rơih iŏk sư đơ̆ng khŭl kon bơngai wă jang tang lu bôl sư lơ̆m tơdrong soi sơmah kơ 'Bok Kei-Dei, wă kơ 'Bok Kei-Dei huay kơ jô̆ yo kơ tơdrong yoch lu bôl sư.

Hêbrơ 7:27

Lu 'bok soi nai, rim năr lu sư soi kơ 'Bok Kei-Dei. Lu sư soi pơ'lơ̆ng gah tơdrong yoch lu sư kơdih 'mơ̆i, na soi kơ lu kon pơlei pơla. Mă-lei gah Yêsu ưh ôh, Sư soi akâu Sư kơ 'Bok Kei-Dei minh 'măng tơ 'long pơglang tôm boih.

Hêbrơ 8:2

Sư jang tơ lăm hnam 'Bok Kei-Dei tơ plĕnh ti, tơ lăm anih mă 'Bok Kei-Dei oei hloi. Hnam noh 'Bok Kei-Dei pơjing 'lơ̆ng tơpă, 'lơ̆ng hloh kơ hnam 'Bok Kei-Dei mă kon bơngai pơm tơ teh âu.

Hêbrơ 8:4

Tơ̆ng Yêsu oei tơ teh, đe ưh kơ ăn Sư pơm 'bok soi ôh, kơlih kơ Sư adrĕch adrung kon sâu bơngai nai, ưh kơ trŏ kơ adrĕch adrung lu bơngai noh. Lu bơngai noh lu sư adrĕch adrung 'bok Lêwi, lu sư soi kiơ̆ kơ tơdrong juăt 'Bok Kei-Dei pơkă sơ̆.