Hagai 2:2 - Sơ̆p Hlabơar Nơ̆r 'Bok Kei-Dei

² “Dang ei athei roi kơ Sôrôbabel kon drŏ-nglo Salathiel, yŏng pơgơ̆r Juđa păng Jôsua kon drŏ-nglo Jêhôsađak 'bok soi tơm păng lu kon pơlei mă oei đei, khan kơ sư thoi âu:

Hagai 2:2 ပူးပေါင်းရင်းမြစ်များ

Esơra 1:8

Sirus, pơtao Phersia, athei Mitrêdat, bơngai wei tơmam, iŏk lu tơmam yua lăm hnam akŭm tơlĕch đĭ tơ 'nguaih, jô̆ păng pơjao kơ Sêsbasar kuan tih lăm dêh Juđa.

Esơra 2:63

'Bok pơgơ̆r ưh kơ ăn lu sư sa tơmam rơgoh 'lơ̆ng tôch bơneh wă gô dĭng truh tơ layơ đei 'bok soi yua Urim păng Thumim mă krao apinh Kră Yang 'Bok Kei-Dei. Wă kơ băt lu sư hăm trŏ kơ adrĕch 'bok soi ưh.

Esơra 3:2

Kơplah noh, Jêsua, kon drŏ-nglo Jôsađăk păng lu 'bok soi hăm Serubabel, kon drŏ-nglo Sêathiel păng lu 'nhŏng oh sư, đĭ-đăng wang iung pơdơ̆ng chơnang soi Kră Yang 'Bok Kei-Dei đe Isơrael, wă pơyơ̆r tơmam soi 'buh tơ noh, kiơ̆ kơ đei chih lăm hla bơar khôi juăt Môis, bơngai Kră Yang 'Bok Kei-Dei.

Ne 8:9

Nêhêmi kră pơgơ̆r, Esơra 'bok soi păng pơm thây bơtho khôi juăt, lu bơngai Lêwi mă bơtho kon pơlei, kư̆m pơma khan kơ đĭ-đăng Isơrael thoi âu! 'Năr 'nâu jơ̆ 'lơ̆ng rơgoh ăn kơ Kră Yang 'Bok Kei-Dei lu iĕm; 'nĕ kơ sơ'ngon, kư̆m 'nĕ kơ nhơ̆m hmoi, yua kơ kon pơlei nhơ̆m kơplah lu sư kơtơ̆ng đŏk dôm lu nơ̆r khôi juăt.

Hagai 1:1

Sơnăm mă 'bar chăl pơtao Đarius, năr mônh khei tơdrâu, đei nơ̆r Kră Yang yua Hagai 'bok khan lê̆ adrol roi tơbăt ăn kơ Sôrôbabel, kon drŏ-nglo Salathiel kră wei-lăng char Juđa păng ăn Jêhôsua, kon drŏ-nglo Jêhôsađak, 'bok soi tơm thoi âu:

Hagai 1:12

Thoi Sôrôbabel kon drŏ-nglo Salathiel păng Jôsua kon drŏ-nglo Jêhôsađak, 'bok soi tơm păng lu kon pơlei mă oei đei. Mơ̆ng kiơ̆ nơ̆r Kră Yang 'Bok Kei-Dei sư păng nơ̆r Hagai khan lê̆ adrol mă Kră Yang 'Bok Kei-Dei đei wơh, thoi noh đĭ-đăng kon pơlei tă hli yom 'bơ̆t anăp Kră Yang ngăl.

Hagai 1:14

Đơ̆ng noh, Kră Yang pơtrŭt jơhngơ̆m Sôrôbabel, kon drŏ-nglo Salathiel, yŏng pơgơ̆r Juđa păng pơtrŭt jơhngơ̆m Jêhôsua kon drŏ-nglo Jêhôsađak 'bok soi tơm păng kư̆m pơtrŭt jơhngơ̆m kon pơlei mă oei oei; lu sư tă kơ năm bơ̆jang tơ anih hnam Kră Yang Tih Hloh noh jơ̆ Kră Yang sư.