Hagai 2:14 - Sơ̆p Hlabơar Nơ̆r 'Bok Kei-Dei

¹⁴ Hagai khan thoi âu: “Kră Yang khan kon pơlei 'nâu. ‘Dêh char 'nâu, oei 'bơ̆t anăp Inh kư̆m thoi noh, mă đĭ dôm tơdrong lu sư jang kư̆m lei-lăi tơmam sa sư pơyơ̆r tơ âu kư̆m kơnê̆ 'mê̆-'mach.’

Hagai 2:14 ပူးပေါင်းရင်းမြစ်များ

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Tơdrông Pơđơk 21:27

Tơmam soi pơyơ̆r đơ̆ng lu bơngai pơm kơnê̆ Kră Yang areh dêh, pơma kiơ tơdah lu sư pơyơ̆r hăm jơhngơ̆m kơnê̆ tăm.

Tơdrông Pơđơk 21:4

Măt lăng pơrŏ, păng jơhngơ̆m pơang, Ŭnh kơđeng lu bơngai kơnê̆, tă kơ yoch ngăl.

Tơdrông Pơđơk 28:9

Bơngai bu ưh kơ wă kuă pơgling đon mơ̆ng kiơ̆ khôi juăt. Nơ̆r krao apinh sư Kră Yang areh krưp.

Êsai 66:3

Mă-lei bơngai bu pơlôch minh pôm kon rơmo soi sơmah, kư̆m thoi pơlôch minh 'nu bơngai; bu soi sơmah hăm minh pôm kon triu kư̆m thoi gơ̆ hơko minh pôm kŏ bu pơyơ̆r tơmam soi phe 'ba kư̆m thoi pơyơ̆r pham nhŭng; bu soh tơmam 'bâu phu kư̆m thoi kơkuh kơ rup yang. Lu bơngai noh rơih bơih trong lu sư kơdih, jơhngơ̆m lu sư 'maih wă pơm tơdrong jang krưp kơnê̆,

Hôsia 9:4

Lu sư kư̆m ưh pă đei tuh pơyơ̆r boih sik hơmu kơ Kră Yang, păng dôm tơmam soi lu sư kư̆m ưh kơ pơm kơ Kră Yang hiôk ôh, mă-lei jing thoi 'bĕng mi đe sa nhơ̆m hmoi ơh sơ'ngon kơ bơngai lôch, đĭ-đăng lu bơngai sa 'bĕng noh jing 'mê̆-'mach, yua kơ 'bĕng mi noh 'măn kơ lu sư kơdih đĕch 'bĕng noh ưh kơ truh ôh tơ hnam Kră Yang.

Tit 1:15

Bơngai bu đei đon 'lơ̆ng tơpăt, sư huay kơ tơchĕng kơ tơdrong giĕng ôh yua kơ sư pơm tôm tơdrong 'lơ̆ng tơpăt ngăl. Bơngai bu yoch ưh kơ wă lui kơ 'Bok Kei-Dei, bơngai 'noh mă sư kiơ̆ tơdrong giĕng mă ưh, sư ưh kơ đei layơ pơm tơdrong 'lơ̆ng, kơlih kơ đon sư lơ kơnê̆ tơpă.

Ju 1:23

Lu mơ'nah wă huŏng tơ lăm dơnâu ŭnh, iĕm athei rôp pơkơ̆ng sư, 'nĕ ăn năm, hli kơ ŭnh sa. Lu mơ'nah sư wă kiơ̆ kơ jơhngơ̆m sư kơdih pơm dôm tơdrong kơnê̆, truh tơ bơ̆n lăng hơbĕn ao sư thoi lĕ 'bĕnh kơ tơdrong kơnê̆ sư pơm. Bơ̆n athei mơnat kơ sư mơ̆n, bơtho pơlung sư. Mă-lei bơ̆n athei kơchăng, hli kơ sư bơtho pơlung bơ̆n pơm kơnê̆ thoi sư dơ̆ng; thoi lĕ kơ bơ̆n 'bôh bơngai jĭ, bơ̆n hli kơ tơdrong jĭ sư apoh kơ bơ̆n đơ̆ng hơbĕn ao mơgrĭ sư.