Habakuk 3:8 - Sơ̆p Hlabơar Nơ̆r 'Bok Kei-Dei

⁸ Ơ Kră Yang hăm trŏ kơ Ih blĕk hil kơ lu đak krong ưh? Tơdrong hil Ih tuh kơ đak glung ưh? Hăm trŏ tơdrong hil Ih blah đak dơsĭ, kơplah Ih hao aseh hao gre aseh Ih năm wă dŏng pơklaih?

Habakuk 3:8 ပူးပေါင်းရင်းမြစ်များ

Horiso 104:3

Sư roh hơpok hnam kơpal sư tơ kơpal đak,a Sư yua hơmơ̆l pơm gre. Sư hao kơpal pơnăr kial.

Horiso 114:3

Đak dơsĭ 'bôh thoi noh, na kơdâu ôn; Đak Krong Jôrđăn ro hơlơ̆k tơ rŏng,

Horiso 114:5

Ơ đak dơsĭ yua kơ kiơ ih kơdâu ôn? Ơ đak Krong Jôrđăn, yua kơ kiơ mah ro hơlơ̆k tơ rŏng?

Horiso 18:10

Sư hao chêrubim, na păr; Sư păr đông hăm pơnăr jơwa kial.

Horiso 45:4

Hăm tơdrong tơpăt, tơdrong dim iơ̆m păng tơdrong 'lơ̆ng tơpăt, Iŏk bĕ tơdrong tih rŏ Ih năm tŏk kĕ jei, Ti 'ma Ih tơ'bôh dôm tơdrong krưp.

Horiso 68:17

Gre aseh Kră Yang 'Bok Kei-Dei 'bar hơngan. Lơ rơbâu hơngan, Kră Yang oei tơ lăm gre ei, năm đơ̆ng kông Sinai mơ̆t lăm anih rơgoh.

Horiso 68:4

Hơri pơư bĕ kơ Kră Yang 'Bok Kei-Dei bơnê bĕ kơ anăn Sư; Man hơmet bĕ trong kơ Kră Yang hao hơmơ̆l năm rok anih glă; Anăn Sư jơ̆ Kră Yang; Chơt hiôk bĕ 'bơ̆t anăp Sư.

Horiso 77:16

Ơ Kră Yang 'Bok Kei-Dei. Lu đak 'bôh Ih hli tơtơ̆; Lu sơlŭng jrŭ kư̆m tơrơ.

Le 14:16

Na ih athei yơ̆r 'long jra tơ kơpal, chro ti tơ đak dơsĭ, tơklah lê̆ đak 'bar pah, na kon pơlei Isơrael gô jur lăm đak dơsĭ yak năm thoi kơpal teh hrĕng.

Le 7:19

Đơ̆ng noh, Kră Yang khan kơ Môis, athei Arôn, iŏk 'long jra ih bĕ, yơ̆r ti ih tơ kơpal đak glung tih, tơ đak krong iĕ, đak dơnâu jơ̆p kơ anih đei đak lăm dêh Êyiptơ wă kơ đak jing pham ngăl; jơ̆p-jang lăm get mong đak sư pơm hăm 'long, hăm tơmo, kư̆m gô đei pham đĭ-đăng.

Le 7:20

Na, Môis păng Arôn pơm kiơ̆ thoi nơ̆r Kră Yang tơtă ăn kơ bre sư. 'Bơ̆t anăp Pharaôn păng đam sư; Arôn hiŏng 'long jra tơ kơpal na teh đak krong Nil na đak krong Nil jing pham hloi.

Êsai 19:1

Nơ̆r khan lê̆ adrol gah dêh đe Êyiptơ. Kră Yang jur hăm hơmơ̆l tĕnh truh tơ dêh Êyiptơ, lu rup yang dêh char đe Êyiptơ tơtơ̆ đĭ 'bơ̆t anăp Sư, jơhngơ̆m đe Êyiptơ hiong hach đĭ.

Êsai 50:2

Lơliơ mưh Inh truh ưh kơ đei 'bôh bơngai bu? Mưh Inh krao ưh kơ đei bơngai bu tơl? Ti Inh kơđeh hă na ưh kơ gơh dŏng pơklaih? Dah Inh ưh kơ đei jơhngơ̆m pran wă dŏng pơklaih iĕm hă? 'Nâu wă Inh chrih na đak dơsĭ hrơ̆ hloi. Inh ăn kơ đak krong jing char glă; ka tơ ala đak krong gô lôch đĭ jing 'bâu ôm yua ưh kơ đei đak.

Êsai 66:15

Lăng to, Kră Yang gô truh hăm ŭnh păng gre aseh Sư nhen thoi kial hơbŭt, wă pơm tơwih tơdrong ơh blĕk Sư hăm tơdrong hil mĭl, păng tơdrong Sư chrih nhen thoi pla ŭnh khơ̆ng.

Na 1:4

Sư chrih kơ đak dơsĭ, đak dơsĭ hrĕng kro hloi; păng pơhrơ̆ đĭ-đăng lu đak krong. Mir chŭn pơgar tơring Basan păng Karmel hrĕng kro, pơkao char Liban jô hơlŭng.

Habakuk 3:15

Ih hao aseh juă kơpal đak dơsĭ, Hao aseh yak kơpal đak dơsĭ blôk.

Markôs 4:39

Na Sư iung khă hloi kial păng khan kơ đak dơsĭ: “Thĕng bĕ, păt bĕ.” Kial thĕng hloi, đak poh-yă kư̆m pă adrŏ adrĕnh.

Tơdrông Tơ'bôh 16:12

Linh jang mă tơdrâu tuh đak pơgang đơ̆ng pơnhan sư tơ krong tih mă đe anăn krong Êphrat, na krong ei jing hrơ̆ hloi jing trong hrĕng 'lơ̆ng ăn kơ lu 'bok pơtao đơ̆ng gah hơlĕch wă năm tơblah.

Tơdrông Tơ'bôh 19:11

Inh kư̆m 'bôh plĕnh tơpơih păng 'bôh hloi aseh kok tơ noh. 'Bok mă oei hao aseh ei đe anăn Sư 'Bok 'Lơ̆ng Tơpăt. Tơdrong Sư sek tơlang đe kư̆m tơpăt, mă Sư blah rôp lu bơngai ayăt kơ Sư kư̆m kiơ̆ tơdrong tơpăt.

Tơdrông Tơ'bôh 19:14

Đĭ-đăng kơ linh kơpal plĕnh ti hrŭk ao kok rơgoh, tă kơ hao aseh kok kiơ̆ Sư ngăl.

Tơdrông Tơ'bôh 6:2

Na bơngai hao aseh kok ei năm hloi tơ sư chĕp jŏ hră. Đe ăn kơ sư agăl pơkao wă pơtih gia kơ tơdrong sư blah đe jei sư. Na sư năm tơblah. Sư blah đe jei sư tơpă.