Habakuk 3:4 - Sơ̆p Hlabơar Nơ̆r 'Bok Kei-Dei

⁴ Tơdrong rang mơnhal Sư thoi măt 'năr. Dôm lu chră hơdah lĕch đơ̆ng ti 'ma Sư, Tơdrong mơsêh Sư ôn tơ lăm noh.

Habakuk 3:4 ပူးပေါင်းရင်းမြစ်များ

Ne 9:12

Kơ'năr Ih yua hơmơ̆l chông anhăk lu sư păng kơmăng Ih yua jrăng ŭnh, wă pơchrang hơdah kơ lu sư yak năm rok trong.

Jop 26:14

Noh lăng brih tŏ sĕt đĕch tơdrong jang Sư; Tơdrong mă đe roi bơ̆n kơtơ̆ng noh lăp iĕ ioch đĕch mă-lei bu hlôh rơđah jơwa grơ̆m re Mơsêh Mơyang Sư?

Horiso 104:2

Kră Yang gom Sư kơdih hăm tơdrong hơdah, Nhen thoi minh blah ao tai Sư bơyar plĕnh thoi bơyar bơsŭn.

Horiso 18:12

Đơ̆ng lăm rang mơnhal 'bơ̆t anăp Sư, đei lu hơmơ̆l đông lĕch hloi 'mi prĕl păng ngar ŭnh ngŭr.

Le 13:21

Kră Yang năm adrol kơ kon pơlei, tơ kơ'năr hăm minh pôm jrăng hơmơ̆l, wă ba trong yak năm; tơ kơmăng hăm minh pôm jrăng ŭnh, wă pơchrang ăn kơ lu sư, wă kơ lu sư gơh năm ling-lang kơ'năr păng kơmăng.

Le 14:20

Jrăng hơmơ̆l dơ̆ng sơlam khŭl linh bơngai Êyiptơ păng khŭl linh kon pơlei Isơrael, đei hơmơ̆l găn măng mu tơ minh pah âu, na minh pah to hơdah na prăt măng 'bar khŭl ưh kơ đei gơh năm tơ jê̆ băl.

Tơdrông Pơđơk 18:10

Anăn Kră Yang jing kơđông kơjăp; Lu bơngai tơpăt băt kơdâu tơ noh đei anih kơ'nơp hơđơ̆ng.

Êsêkiên 1:27

Inh 'bôh đơ̆ng kơiĕng sư tơ kơpal hơdah thoi mam kong hlơ-hlŏng thoi ŭnh tăp dăr păng đơ̆ng kơiĕng tơ ala, inh 'bôh thoi ŭnh hơdah rang jum dăr kơ Sư.

Êsêkiên 43:2

Inh 'bôh tơdrong ư-ang rang mơnhal Kră Yang 'Bok Kei-Dei Isơrael năm đơ̆ng gah hơlĕch đei jơwa nhen thoi đak ro tih, hơdah rang mơnhal ư-ang Kră Yang jơ̆p kơ teh.

Mathiơ 17:2

Na Yêsu tơwir akâu Sư kơdih 'bơ̆t anăp lu đe pêng 'nu noh, muh măt Sư, ao Sư, rang hơdah dang măt 'năr.

I Tim 6:16

Sư ưh kơ layơ lôch. Sư oei tơ anih rang mơnhal, ưh kơ đei bu gơh năm jê̆ Sư. Đơ̆ng sơ̆ khơ̆ ning-mônh kon bơngai ala teh ưh kơ đei bu 'bôh Sư. Na bĕ bơ̆n pơư pơang 'Bok Kei-Dei mă pơgơ̆r ling-lang. A-men.

Tơdrông Tơ'bôh 21:23

Pơlei noh ưh kơ kăl kơ măt 'năr dah khei pơchrang hơdah ăn ôh, yua kơ tơdrong mơsêh 'Bok Kei-Dei hăm Kon Triu pơchrang ăn hơdah boih.

Tơdrông Tơ'bôh 22:5

Măng klăm ưh pă đei boih păng lu sư ưh kơ kăl kơ măt 'năr dah ŭnh kiơ pơchrang hơdah kơ lu sư dơ̆ng ôh yua kơ akâu 'Bok Kei-Dei oei tơ noh pơchrang ăn kơ lu sư. Lu sư gô pơgơ̆r ling-lang khŏm khŏm tơ noh.