Habakuk 3:16 - Sơ̆p Hlabơar Nơ̆r 'Bok Kei-Dei

¹⁶ Inh kơtơ̆ng nơ̆r 'nâu, na akâu jăn inh tơtơ̆, Kơtơ̆ng nơ̆r Sư hơkŭng inh pơpơ̆; Kơting inh thoi bŭk răm, Tơdrong bŭk ôm mơ̆t lăm kơting inh; Păng jơhngơ̆m inh hli tơrơ tơtơ̆ tăr wăr. Yua kơ inh athei ngăn hreh gô năr pơmat truh, Noh jơ̆ năr mă lu đe năm blah teh đak lu nhôn.

Habakuk 3:16 ပူးပေါင်းရင်းမြစ်များ

Jop 30:17

Kơmăng đei tơdrong jĭ truh tơ kơting inh, Tơdrong jĭ rĕn sa inh, ưh kơ pơdơh.

Jop 30:30

Akar inh jing găm păng tơlŏng akâu jăn inh yuh tơtŏ kơ chĕp bơlŏ.

Horiso 119:120

Akâu inh pơpơ̆ yua kơ hli kơ Ih. Kŭm hli kơ tơdrong Ih sek tơlang.

Horiso 91:15

Sư gô krao khan apinh Inh, Inh gô tơl tơwih kơ sư; Lăm năr pơmat-tat, Inh oei hơdai sư, dŏng pơklaih sư păng pôk pơư kơ sư.

Tơdrông Pơđơk 12:4

Bơngai drŏ-kăn iơ̆m dim thoi môk pơtao ăn kơ klo sư. Mă-lei đei bơngai drŏ-kăn mơkoh noh thoi tơmam pơm kơ kơting bŭk.

Tơdrông Pơđơk 14:30

Jơhngơ̆m hiôk-hian tơkan ba tơdrong arih kơ akâu jăn. Mă-lei areh hơrĕnh pơm kơting tĕnh kơ bŭk.

Êsai 21:3

Na kơdŭ inh jĭ dêh, inh jĭ tuĕnh nhen thoi drŏ-kăn tơpŭ, lăp inh kơtơ̆ng inh pơ̆k lăp inh 'bôh inh hli tơrơ.

Je 23:9

Gah lu bơngai khan lê̆ adrol: Jơhngơ̆m inh pơchah boih lăm inh, kơting inh đĭ tơtơ̆, inh thoi bơngai suai kơ sik, thoi bơngai wing măt yua kơ sik pơm kơ sư, đơ̆ng Kră Yang hăm đơ̆ng nơ̆r 'lơ̆ng rơgoh Sư.

Je 30:7

Ô! Năr noh kơnê̆ krưp tih tơpă, mă ning-mônh kư̆m ưh kơ đei năr kơnê̆ dêh thoi noh. Noh boih năr truh răm kơ Jakôp! Mă-lei Inh gô dŏng lu sư klaih đơ̆ng noh.”

Je 4:19

Ô! Răm, inh chhŭr nuih, inh jĭ lăm jơhngơ̆m, jơhngơ̆m inh rŭng răng, ô plei nuih inh 'bôm dĕnh, inh ưh pă kĕ chơ̆n boih. Inh kơtơ̆ng đe hlôm keng roi tơbăt, tơdrong ôr tơblah wă truh.

Je 5:15

Kră Yang khan: “Ơ adrĕch Isơrael, Inh gô ăn đei minh adrĕch adrung đơ̆ng dêh ataih năm blah iĕm, Adrĕch adrung pran kơtang oei tơ âu đunh boih. Lu iĕm ưh kơ băt ưh kơ hlôh nơ̆r lu sư. Kŭm ưh kơ hlôh lu sư pơma kiơ.

Nhom 1:13

Sư đei tơjur boih ŭnh đơ̆ng kơpal, mơ̆t lăm tơring inh na kĕ jei. Sư đei dăng boih hơnhuăl ala jơ̆ng inh, pơm kơ inh kơdŭn tơ rŏng. Sư đei pơm boih kơ inh rơdu rơmơ̆n, rim năr rai hiong hiach.

Nhom 1:20

Ơ Kră Yang, lăng bĕ, yua kơ inh tơ'bơ̆p tơdrong gleh truh, Jơhngơ̆m inh chhŭr nuih, plei nuih inh pơpơ̆, Yua kơ inh pơm kơnê̆ dêh. Tơ 'nguaih đei đao gưm pơrăm đe, Tơ lăm hnam đei tơdrong lôch.

Êsêkiên 3:14

Yang Bơhngol hơtŏk inh tơ kơpal păng anhăk inh năm, inh năm hăm jơhngơ̆m chhŭr nuih blĕk dêh tơpang ti Kră Yang kơtĭt kơpal inh trăp dêh.

Da 10:8

Thoi noh oei pă minh 'nu inh păng inh 'bôh tơdrong tơ'bôh tih noh na inh pă đei jơhngơ̆m hloi. Muh măt inh jing hơ'blă păng jing ưh kơ đei jơhngơ̆m dơ̆ng.

Da 10:9

Đơ̆ng noh inh kơtơ̆ng lu nơ̆r sư, lăp inh kơtơ̆ng inh pơ̆k kơmŭ brum muh măt inh tơ teh na tep hloi.

Da 8:27

Đơ̆ng noh, inh, Đaniel lap dêh na jĭ jăn lăm akâu jing bơlŏ lăm dôm năr hloi; đơ̆ng noh inh iung bơ̆jang kơ pơtao. Inh 'bôh thoi noh hlĭch tơpă gah tơdrong mă đei tơ'bôh kơ inh noh, mă-lei ưh kơ đei bu băt tơdrong noh wă khan kiơ.

Habakuk 3:2

Ơ Kră Yang! Inh kơtơ̆ng boih đe roi gah anăn Ih păng tơdrong Ih pơm na inh hli tơrơ. Ơ Kră Yang! Apinh Ih ăn tơdrong jang Ih oei hơnơ̆ng rim khei rim sơnăm lăm teh đak. Apinh Ih bơtho tơ'bôh ăn kơ rim 'nu băt nhen! Kơplah Ih oei hil, apinh Ih 'nĕ kơ hiơt tơdrong mơnat!

Luka 21:19

Dah iĕm adrin tơpă lei iĕm huay kơ hiong tơdrong arih ling-lang ôh.”