Habakuk 2:19 - Sơ̆p Hlabơar Nơ̆r 'Bok Kei-Dei

¹⁹ Răm-'băm tơpă kơ lu đe bu khan kơ 'long rup pơm 'bih thoi âu: ‘Ih hơđơ̆r bĕ! Păng khan kơ rup yang tơmo klĭk thoi âu: ‘Iung bĕ ih!’ Bơtho tơ'bôh lu nhôn? Âu, sư noh jơ̆ kơtuăl hu maih đĕch, ưh kơ gơh dui jơhngơ̆m.

Habakuk 2:19 ပူးပေါင်းရင်းမြစ်များ

Horiso 135:15

Lu rup mam pơm yang păng hu maih noh tơdrong jang đơ̆ng tơpang ti kon bơngai pơm.

Horiso 135:17

Đei đon mă-lei ưh kơ kơtơ̆ng păng kư̆m ưh kơ đei kial dui jơhngơ̆m lăm 'bơ̆r.

Horiso 97:7

Pơm bĕ kơ đĭ-đăng lu bơngai kơkuh kơ rup yang mơlâu. Lu gơnang kơ rup yang tơdrong kơ đei. Ơ lu yang, kơkuh bĕ kơ Kră Yang.

Êsai 26:14

Lu sư lôch bơih ưh kơ gơh iung arih dơ̆ng, đĭ jing atâu bơih ưh kơ gơh iung dơ̆ng. Tơpă Ih phak păng pơlôch lu sư boih. Tơdrong đe 'blŏk hơdơ̆r kơ lu sư ih kư̆m sŭt lê̆ đĭ.

Êsai 40:19

Minh pôm rup man mă kon bơngai tuh pơm hling hu lom maih, păng tuh pơm lu tơlei rơbưn hăm hu hă?

Êsai 41:26

Bu roi pơdah bơih tơdrong noh đơ̆ng blŭng-a wă kơ lu bơ̆n băt? Bu đei roi bơih đơ̆ng adrol sơ̆, wă kơ lu bơ̆n khan: “Sư trŏ bơih!” Ưh kơ đei bu ră roi ôh, ưh kơ đei bu năm khan ôh, ưh kơ đei bu kơtơ̆ng nơ̆r đơ̆ng lu iĕm ôh.

Êsai 44:17

'Long mă oei rơkah sư iŏk pơm rup yang, rup mă pơm kơdih na drap kŭp kơ̆l 'bơ̆t anăp rup noh na sư kơkuh, krao khan apinh rup yang sư pơm noh khan: “Apinh dŏng pơklaih inh yua kơ ih jơ̆ yang inh!”

Êsai 46:6

Lu sư iŏk maih đơ̆ng lăm kơdŭng păng iŏk hu kŏng hăm 'long kŏng, lu sư mưng apah bơngai tuh hling maih pơm rup yang, đơ̆ng noh drap kơkuh.

Êsai 57:6

Lu tơmo iel rang tơ lăm thŭng noh jing rup Yang iĕm. Tơ lu tơmo noh lu iĕm tuh đak rơmă păng pơyơ̆r tơmam huch, păng phe 'ba pơm tơmam soi kơ lu tơmo 'noh. Liơ mă inh gơh ngach ưh kơ blĕk kơ tơdrong 'noh?

Je 10:14

Đĭ-đăng bơngai jing kơtul kơwao păng ưh kơ hlôh tơdrong kiơ. Rim 'nu bơngai thơ̆ hling rup yang mơlâu yua kơ rup yang lu sư, yang lu sư hling noh chă hơlĕnh đĕch, ưh kơ gơh dui jơhngơ̆m.

Je 10:3

Yua kơ tơdrong juăt lu sư noh tơdrong kơ đei. Đe kăl 'long lăm bri, yua ti thơ̆ traih hơmet hăm sung.

Je 10:4

Đe pơgong pơrŏ 'long noh hăm hu hăm maih; iŏk mut kơđĭnh pơ̆ng kơjăp, wă huay kơ păk.

Je 10:9

Đe chĕp ba hu tơtang hơtăng đơ̆ng pơlei Tarsis, păng maih đơ̆ng char Uphas. Noh tơdrong jang lu thơ̆ hơjơ̆m, hăm ti thơ̆ hling maih, sĭt sôr pơgong lăm ao che jơk hơhĭm, noh đơ̆ng ti lu bơngai thơ̆ hơgei tanh.

Je 2:27

Lu sư khan kơ 'long, ‘Ih boih 'bă inh,’ khan kơ tơmo, Ih boih pơjing kơ inh. Lu sư tơwih rŏng kơ Inh, ưh kơ tơwih gah muh măt; Mă-lei kơplah lu sư đei tơdrong rŭng răng, lu sư khan: ‘Iung na pơklaih nhôn bĕ!’

Je 2:28

Thoi noh na tơ yơ yang mă lu iĕm đei pơm kơdih noh? Lê̆ lu yang noh năm pơklaih iĕm bĕ, kơplah iĕm đei tơdrong gleh, yua kơ lu yang iĕm lơ kư̆m dang dôm pơlei iĕm, ơ Juđa.

Je 51:17

Rim 'nu bơngai jing bơlŭk ưh kơ băt tơdrong kiơ: Lu bơngai hling rup yang hăm maih gô mơlâu đơ̆ng rup yang sư, yua kơ rup lu sư man ưh kơ sĭt chă hơlĕnh đĕch, ưh kơ đei kial dui jơhngơ̆m.

Je 51:47

Thoi noh, gô đei năr, Inh phak lu rup yang dêh char Babilôn; jơ̆p kơ teh đak gô mơlâu kơdơ̆; lu bơngai đe gô 'bet pơlôch pơ̆k lăm đĭ dêh char.

Da 3:1

Pơtao Nebukatnessar man minh pôm rup hăm maih, kơjung tơdrâu-jĭt hơgăt păng tih sư tơdrâu hơgăt; man pơdơ̆ng tơ lăm thŭng glă Dura, lăm char Babilôn.

Da 3:18

Mă ưh, ơ pơtao, apinh ih athei băt lu nhôn ưh kơ wă kơkuh dah bơ̆jang kơ yang ih păng kư̆m ưh kơkuh ôh kơ rup yang mă ih 'nao man hăm maih noh.

Da 3:29

Thoi noh inh ăn nơ̆r tơtă âu: Mă khan kon pơlei ayơ, dêh char ayơ, nơ̆r pơma kiơ, dah đei bu pơma kơnê̆ kơ Kră Yang 'Bok Kei-Dei Sadrak, Mêsak, Abetnigo gô koh pơhĕch sư, hnam dơnŏ noh kư̆m gô jing mơ̆r kơ teh, yua kơ ưh kơ đei yang kiơ mă gơh dŏng pơklaih thoi 'nâu.

Da 3:7

Thoi noh, na mưh lu kon tơring kơtơ̆ng keng, brŏ, tơgiĕp, 'lal re, đĭ-đăng teh đak, rim kơ nơ̆r pơma, drap đĭ wă kơkuh kơ rup man mă pơtao Nebukatnessar đei pơm noh.

Da 5:23

Mă-lei pôk kơdih akâu blah Kră Yang kơpal plĕnh păng iŏk pơđĭ lu kơchŏk pơnhan hu maih đơ̆ng hnam akŭm Kră Yang păng yua huch tơdrô hơdai hăm lu yŏng lăm hnam pơtao, lu akăn tơm, akăn kơnhŏng pơtao. Pơtao kư̆m kơkuh kơ rup yang pơm păng hu păng maih păng kong păng mam păng 'long păng tơmo; lu yang mă đei măt mă ưh kơ gơh 'bôh, đei đon mă ưh kơtơ̆ng ưh kơ băt kiơ păng pơtao ưh kơkuh kơ Kră Yang 'Bok Kei-Dei Sư boih Yang Tơ'ngla mă chĕp tơdrong arih păng tôm lu trong gơlong pơtao pơm.

Da 5:4

Thoi noh lu sư huch tơdrô păng drap kơkuh bơnê kơ rup yang đe man păng maih păng hu păng kong păng 'long păng bơsei păng tơmo.

Jôna 1:5

Lu bơngai wơ̆r duk păng lu bơngai jang lăm duk hli tơpă, rim 'nu bơngai hao lăm duk krao chă yang lu sư kơdih. Đơ̆ng noh, lu sư hŭt lê̆ đĭ tơmam đơ̆ng lăm duk tơ đak dơsĭ, wă kơ duk phiơl 'biơ̆. Mă-lei Jôna sư oei 'bĭch tep tơ anih ala lăm duk.

Jang 17:29

“Iĕm pơm rup yang phŏ păng maih, dah hu, dah păng tơmo. Iĕm pơm rup yang kiơ̆ kơ iĕm tơchĕng đon iĕm kơdih đĕch. Mă-lei 'Bok Kei-Dei pơjing bơ̆n kon Sư, na bơ̆n 'nĕ tơchĕng 'Bok Kei-Dei thoi lĕ rup yang đĕch ôh.

Tơdrông Tơ'bôh 17:4

Bơngai drŏ-kăn ei hrŭk ao tai 'brê 'lơ̆ng, 'băk kong kiơng maih, đoh sơle rang gơhlâu, ti sư chĕp pơnhan maih 'bĕnh kơ tơdrong 'mê̆-'mach păng tơdrong sư pơm kư̆ kă.