Habakuk 2:17 - Sơ̆p Hlabơar Nơ̆r 'Bok Kei-Dei

¹⁷ Tơdrong ih pơm kơnê̆ tơ tơring Liban gô blơ̆ klơ̆p ih păng tơdrong ih pơlôch lu sem brem pơm ăn kơ ih hli tơrơ, yua kơ đơ̆ng pham đe ih yua pơlôch, yua kơ tơdrong kơnê̆ ih pơrăm teh, pơrăm lu pơlei tih păng đĭ-đăng kon pơlei pơla lu sư.

Habakuk 2:17 ပူးပေါင်းရင်းမြစ်များ

Horiso 137:8

Ơ lu kon drŏ-kăn Babilôn, lu bơngai đe wă pơrăm. Pŭn hiôk dêh bu wă pơm tơwih kơ iĕm, kiơ̆ tơdrong ih pơm kơnê̆ kơ lu nhôn.

Horiso 55:23

Ơ Kră Yang 'Bok Kei-Dei ih boih gô. Klơ̆m lu bơngai pơm kơnê̆ chă pơhlŭ đe. Lu sư ưh pă đei arih truh minh puăt chăl đêl pơkă. Gah inh gô lui gơnang kơ Ih.

Tơdrông Pơđơk 28:17

Bơngai bu tuh pham pơlôch đe, lê̆ sư kơdâu ôn truh tơ lôch; 'nĕ ăn bu tơgŭm sư.

Je 50:14

Ơ lu bơngai chĕp hră, Dă bĕ lu iĕm tăp dăr dêh char Babilôn, Prah bĕ 'nĕ 'mêm kơ 'brơ̆m, Yua kơ sư pơm yoch blah Kră Yang.

Je 50:28

Mơ̆ng bĕ, nơ̆r krao ôr đơ̆ng lu bơngai kơdâu klaih hlôi đơ̆ng dêh char Babilôn, Roi tơbăt lăm pơlei Siôn. Tơdrong Kră Yang, 'Bok Kei-Dei lu bơ̆n, Sư pơm 'mong hnam Sư.

Je 51:24

Inh gô pơm tơwih kơ dêh char Babilôn păng đĭ-đăng bơngai oei lăm char Kalđê 'bơ̆t anăp lu iĕm yua kơ đĭ-đăng tơdrong yoch lu sư pơm boih lăm pơlei Siôn.” Noh Kră Yang khan.

Êsêkiên 28:16

Đơ̆ng ih mơdro sa tih đei mơdrŏng ih pơm kơnê̆ păng yoch; thoi noh na, ơ chêrubim gak bơwei, Inh puh lê̆ ih đơ̆ng kông Kră Yang 'Bok Kei-Dei; păng pơlôch ih đơ̆ng lu jơmŏng rang hơdah thoi ŭnh.

Êsêkiên 31:16

Inh ăn kơ lu adrĕch adrung hli tơrơ kơplah kơtơ̆ng tơdrong sư pơchah răm 'bơ̆t Inh tơhuŏng sư tơ anih lôch, hơdai hăm đĭ-đăng lu bơngai huŏng tơ sơlŭng jrŭ! Dang ei đĭ-đăng lu 'long tơ pơgar Êđen, lu 'long 'lơ̆ng đei rơih iŏk lu 'long 'lơ̆ng đơ̆ng kông Liban, đĭ-đăng lu 'long mă đei đak hơiuh lơ̆m, đĭ lu 'long noh đei tơdrong pơlung lăm hơlŭng jrŭ.

Jôel 3:19

Dêh Êyiptơ gô jing bri juơ, Eđôm kư̆m gô jing bri rơwơ̆ng, yua kơ lu sư pơm kơnê̆ kơ lu kon sâu Juđa, păng đei pơlôch tơlĕch pham lu bơngai tơpăt lăm teh đak Juđa.

Habakuk 1:17

Lei na wă dăng klơ̆m hơnhuăl pơlôch pơrăm lu kon pơlei ưh kơ pơdơh hă?

Habakuk 2:8

Yua kơ ih đei blah iŏk lơ dêh char nai, na lu kon pơlei mă oei oei gô plah tơgar iŏk đơ̆ng ih dơ̆ng, yua kơ pham lu sư, yua kơ tơdrong kơnê̆ ih pơrăm teh đak, pơrăm pơlei tih păng đĭ-đăng kon pơlei lu sư.

Sa 11:1

Ơ Liban, pơih bĕ 'măng, wă kơ ŭnh sa pơđĭ 'long dơnơ̆ng ih!