Habakuk 1:9 - Sơ̆p Hlabơar Nơ̆r 'Bok Kei-Dei

⁹ Đĭ lu sư noh truh wă pơm kơnê̆ ngăl, chă pơlôch đe linh lu sư nuih năm tơ anăp, thoi hơbŭt păng akŭm pơpôi lu bơnă lơ thoi chuơh dơsĭ.

Habakuk 1:9 ပူးပေါင်းရင်းမြစ်များ

Bl 41:49

Thoi noh, Jôsep akŭm lê̆ 'ba mi lơlang lơlap, thoi pơlao chuơh cheng dơsĭ, dĭng mah đe pă kĕ jô̆, yua kơ lơ dêh.

II Pot 12:17

Hơtai noh, Hasael pơtao đe Aram năm blah tơgar iŏk teh Pơlei Gat đơ̆ng noh sư kư̆m chĕp linh wă blah tơgar Pơlei Jêrusalem hai dơ̆ng.

Jop 29:18

Inh tơchĕng khan: “Inh gô lôch lăm anih tơpu inh; Năr inh gô rai lơ thoi chuơh đak dơsĭ;”

Horiso 139:18

Tơdah inh jô̆ dôm tơdrong tơchĕng noh lơ hloh kơ găr chuơh. Wă inh hơđơ̆r inh oei oei hăm Ih.

Êsai 27:8

Kŭm thoi noh lăm tơdrong Ih phak lu sư dă 'biơ̆ na puh lu sư năm tơ nai, Ih yua kial tih pơpuh lê̆ lu sư tơ ataih, thoi lăm năr đei kial bah đơ̆ng hơlĕch.

Je 15:8

Inh gô ăn kơ drŏ-kăn adro rai lơ hloh kơ chuơh đak dơsĭ. Inh gô ăn bơngai năm pơrăm lu sư kơplah 'năr dơ̆ng, pơrăm lê̆ mĕ lu bơngai tơdăm. Inh gô tuh ăn tơdrong gleh truh kơ lu sư, jơhngơ̆m rŭng răng hli tơrơ.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 34:22

Kră Yang khan: “'Nâu Inh gô chông lu sư brŏk hơlơ̆k blah pơlei âu; lu sư gô soh pơlei 'nâu, Inh gô ăn đĭ-đăng lu pơlei lăm char Juđa jing juơ, ưh kơ đei bơngai oei.”

Je 4:11

Kơplah noh, đe gô khan kơ kon pơlei âu păng pơlei Jêrusalem: “Kial tơtŏ đơ̆ng kơpal kông lăm char glă tơthu bah tơ lu kon pơlei Inh, ưh kơ sĭ wă pơliĕng dah wă kơ goh ôh.

Je 4:7

Dăm-brang lĕch boih đơ̆ng anih sư, lu bơngai chă pơrăm dêh char đe, pơtơm lĕch đơ̆ng anih lu sư boih wă pơrăm pơm ăn kơ teh âu jing bri brah, Lu pơlei tih iĕm jing juơ, pă đei bơngai oei.

Êsêkiên 17:10

'Nâu, mă khan đe hlôi pơtăm sư tơ nai, sư hăm gơh chăt 'lơ̆ng ưh? Hla sư kư̆m ưh kơ jô đĭ hă? Mưh kial đơ̆ng gah hơlĕch tơthu, sư hăm gô kro hloi 'bơ̆t teh mă đe pơtăm chăt 'lơ̆ng boih?”

Êsêkiên 19:12

Mă-lei sư buch đĭ lăm năr hil mĭl păng klơ̆m lê̆ tơ teh. Kial đơ̆ng hơlĕch tơthu pơm kơ tơm sư kro, plei sư hơlŭng, đĭ dơng tih kư̆m jô kro păng ŭnh sa đĭ.

Da 11:17

Sư krao tơiung iŏk đĭ jơhngơ̆m pran kơtang đơ̆ng jơ̆p lăm dêh char sư kơdih năm blah sư hơlĕnh khan wă pơhiôk hăm pơtao gah gơal rôp ăn kon adruh sư pơm akăn wă pơrăm pơtao gah gơal ră, mă-lei sư ưh kơ kĕ păng ưh kơ jei sư.

Hôsia 1:10

Mă-lei ră kon sâu Isơrael gô jing lơ thoi chuơh cheng đak dơsĭ, ưh kơ kĕ kơ jô̆, pă kĕ tơng. Kơplah noh kơnh, ki Inh krao lu iĕm âu ưh pă trŏ kon pơlei Inh boih, na dang ei Inh gô krao lu iĕm jing kon Kră Yang 'Bok Kei-Dei mă arih ling-lang.

Hôsia 13:15

Mă khan Êphraim đei pơjing rai lơ hloh kơ lu 'nhŏng oh sư, mă-lei kial đơ̆ng gah hơlĕch gô truh, wă khan kial Kră Yang đơ̆ng char glă, gô truh pơhrĕng pơhrơ̆ lê̆ tu đak, păng pơhrơ̆ lê̆ kro lu sơlŭng đak sư, Lu bơngai ayăt gô blah tơgar iŏk lu tơmam gĭt đơ̆ng lăm hnam mong tơmam sư.

Habakuk 1:17

Lei na wă dăng klơ̆m hơnhuăl pơlôch pơrăm lu kon pơlei ưh kơ pơdơh hă?

Habakuk 1:6

'Nâu Inh ăn kơ lu bơngai Kalđê iung blah, sư jing minh adrĕch kơnê̆ pran kơtang năm tơ jơ̆p teh đak wă blah tơgar iŏk lu anih mă ưh kơ trŏ kơ teh đak lu sư.

Rom 9:27

Gah tơdrong lu bơngai Isơrael, Êsai sư khan thoi âu: “Mă lu bơngai Isơrael lơlap lơlang dang pơlao chuơh dơsĭ, hui bơngai klaih đơ̆ng tơdrong yoch,

Lu 7:12

Tơ noh kon pơlei Miđian, kon pơlei Amalek păng đĭ-đăng bơngai đơ̆ng gah hơlĕch nai oei tơ lăm thŭng lơlang lơlap nhen thoi lep tung-nut, lu aseh lăk-đa lu sư lơ ưh, kơ kĕ kơ jơ̆ nhen thoi pơlao chuơh tơter đak dơsĭ.