Habakuk 1:3 - Sơ̆p Hlabơar Nơ̆r 'Bok Kei-Dei

³ Kơlih kơ kiơ Ih ăn kơ inh 'bôh tơdrong đe pơm kơnê̆ păng yua kơ kiơ Ih kuăr ti lăng đĕch tơdrong ưh kơ trŏ noh? Tơdrong pơrăm 'bơ̆t anăp inh; đei tơdrong pơjah pơjăng băl.

Habakuk 1:3 ပူးပေါင်းရင်းမြစ်များ

Bôk Bơthô 4:1

Inh lăng tơ rŏng, 'bôh dôm tơdrong pơjuă pơđep băl tơ ala teh; to bơngai mă đe pơjuă pơđep nhơ̆m ơh sơ'ngon, ưh kơ đei bu pơlung lu sư! Lu bơngai gơh chă pơjuă pơđep, mă-lei ưh kơ đei bu dŏng pơlung lu bơngai mă đe pơjuă pơđep noh!

Bôk Bơthô 5:8

Dah ih 'bôh lăm tơring ih đei bơngai mă đe pơjuă pơđep sư dah 'bôh pơm ưh kơ trŏ, ưh kơ tơpăt hơnơ̆ng, lei ih 'nĕ kơ chrêu kơ đon; yua kơ đei bơngai pơm tih kư̆m đei bơngai tih hloh kơ sư oei răp lăng, đơ̆ng noh oei đei 'bok mă tih hloh đĭ kơ bre noh dơ̆ng.

Êsai 46:12

Ơ lu bơngai jơhngơ̆m arăng. Lu bơngai kơ chu mơ̆ng bĕ Inh pơma.

Êsai 5:7

Pơgar hơmu Kră Yang Tih Hloh noh jơ̆ adrĕch Isơrael, păng lu bơngai Juđa noh bơih tơm 'long pơtăm mă sư lăp đon. Hơmĕng wă kơ sư 'lơ̆ng tơpăt mă tă kơ pham lĕch sĕch huŏng, hơmĕng kơ sư tơpăt hơnơ̆ng mă tă đei tơdrong ôr krao.

Je 15:10

Răm-'băm kơ inh ơ mĕ, yua kơ ih tơpŭ boih kơ inh, Jing minh 'nu bơngai wă pơjah pơjăng hăm bơngai lăm teh đak âu! Inh ưh kơ đei ăn bu mưng, inh kư̆m ưh kơ đei mưng đơ̆ng đe, mă-lei lu sư hiap inh.

Je 20:18

Yua kơ kiơ đei tơpŭ kơ inh wă kơ inh pơmat-tat, gleh glăn, đĭ chăl arih inh mơlâu ling-lang?

Je 20:8

Mưh wă inh pơma, inh athei ôr kơtang. Inh khan: “Rŭng răng dêh tăm 'băm dêh.” Tơpă nơ̆r Kră Yang pơm boih kơ inh mơlâu păng đe hiĕk ăr kơ inh prăt năr.

Êsêkiên 2:6

Gah ih, ơ kon bơngai, 'nĕ kơ hli kơ lu sư păng kư̆m 'nĕ kơ hli nơ̆r lu sư pơma; 'nĕ kơ hli mă khan lu sư thoi jơla suĕng tăp dăr kơ ih păng mă ih oei tŏk-bŏk lu sư thoi hơguăt. 'Nĕ hli kơ nơ̆r lu sư pơma, kư̆m 'nĕ kơ hli tơrơ kơ muh măt krưp lu sư yua kơ lu sư adrĕch adrung ayăt.

Mathiơ 10:16

“Inh wơh iĕm năm chă bơtho đe iĕm athei kơchăng hŏ, yua kơ dang lĕ wơh triu năm tơ kŏ-so. Na iĕm athei chă đon hơgei thoi 'bih, iŏk jơhngơ̆m dim dang kơtơp.

II Pet 2:8

Sư oei hăm lu kon pơlei noh sơ̆, sư 'bôh dôm tơdrong kơnê̆ lu kon pơlei noh pơm păng kơtơ̆ng dôm 'bơ̆r pơma lu sư kơnê̆ ling-lang, dang lĕ pơjĭ đon sư, yua kơ sư bơngai đon tơpăt.