Habakuk 1:12 - Sơ̆p Hlabơar Nơ̆r 'Bok Kei-Dei

¹² Ơ Kră Yang, 'Bok Kei-Dei inh, Kră Yang mă Tơ'ngla 'lơ̆ng rơgoh! Ih bơih Kră Yang đei đơ̆ng blŭng-a ala chă sơ̆ mă truh tơ ning-mônh dah kiơ? Thoi noh na lu nhôn huay kơ lôch! Ơ Kră Yang, Ih đei hơmet pơjing boih kon pơlei pơla âu wă sek phak lu nhôn. Ơ Tơmo kơjăp! Ih đei dan boih sư wă kơ phak pơbral, bơtho pơjĭ nhôn.

Habakuk 1:12 ပူးပေါင်းရင်းမြစ်များ

Bl 21:33

Abraham đei pơtăm minh tơnơm 'long plei me tơ Bêrsêba păng tơ anih noh sư krao khan kơ Kră Yang, Kră Yang 'Bok Kei-Dei mă arih ling-lang.

II Pot 19:25

Tơdrong noh Inh pơkă wă pơm 'nâu đunh đơ̆ng sơ̆ bơih, ih ưh kơtơ̆ng hă? Tơdrong kiơ mă Inh pơkă wă pơm đơ̆ng sơ̆ noh dang ei Inh pơm truh bơih, wă kơ ih pơm kơ lu pơlei tih kơjăp dĭng jing anih rơ̆m rek.

Horiso 102:24

Inh khan: “Ơ Kră Yang 'Bok Kei-Dei inh! 'Nĕ kơ iŏk lê̆ inh tŏk-bŏk oei hơmuh hơmŏng. Lu sơnăm Ih oei oei ling-lang.”

Horiso 118:17

Inh pă đei lôch boih, mă-lei gơh arih. Păng gô ră roi dôm tơdrong jang Kră Yang đei pơm boih.

Horiso 149:2

Ăn kơ lu bơngai Isơrael chơt hiôk lăm Tơ'ngla mă pơjing lu sư; Hơpơi ăn kơ lu kon sâu Siôn chơt hiôk lăm Pơtao sư.

Horiso 17:13

Ơ Kră Yang, iung bĕ răp tơpơ̆k tơhuŏng lê̆ lu sư; Iŏk đao gưm han Ih dŏng pơklaih bơhngol inh klaih đơ̆ng lu bơngai kơnê̆.

Horiso 18:1

Ơ Kră Yang, inh 'mêm kơ Ih boih jơhngơ̆m inh pran.

Horiso 74:12

Mă-lei Kră Yang 'Bok Kei-Dei jơ̆ pơtao inh đơ̆ng sơ̆. Oei dŏng pơklaih tơ jơ̆p kơ teh đak.

Horiso 90:1

Ơ Kră Yang, Ih jơ̆ anih lu nhôn oei.a Lăm đĭ jơhnơr.

Horiso 90:2

Adrol kơ kông đak tam mă đei, teh hăm dêh char tam mă jing. Adrol kơ 'măng blŭng truh tơ ning-mônh Ih boih Kră Yang 'Bok Kei-Dei.

Horiso 93:2

Tang-dŏ pơtao Sư pơjing kơjăp đơ̆ng sơ̆. Sư đei adrol hloh kơ 'măng blŭng

Êsai 31:1

Răm-'băm dêh kơ lu đe năm jur tơ Êyiptơ wă chă apinh tơdrong dŏng tơgŭm, gơnang kơ lu aseh, lu gre aseh, yua kơ lu sư lơ; gơnang kơ lu linh hao gre aseh yua kơ lu sư pran, Mă-lei ưh pă lăng gơnang kơ Tơ'ngla 'Lơ̆ng Rơgoh đe Isơrael, păng ưh kơ chă Kră Yang dŏng Tơgŭm.

Êsai 37:23

Ih pơjăm 'bơm bu? Ih đei pơma ôr wă blah bu păng ngơk lăng muh măt pơang? Pơ̆n blah Tơ'ngla 'Lơ̆ng Rơgoh Isơrael.

Êsai 37:26

Ih ưh tam kơtơ̆ng ôh hă, Inh wă pơm tơdrong noh đơ̆ng sơ̆ đunh bơih? Inh đei pơkă bơih đơ̆ng chăl sơ̆ dang ei Inh ăn tơdrong noh truh jing, noh wă kơ ih pơrăm lu pơlei tih kơjăp pơm kơ lu pơlei tih jing anih pơchah hĕch hoch đĭ.

Êsai 40:28

Lơliơ iĕm ưh kơ băt hă? Ưh tam kơtơ̆ng hă? Kră Yang arih ling-lang Sư bơih, Tơ'ngla pơjing plĕnh teh, ưh kơ gleh lap ôh; păng tơdrong hlôh băt Sư ưh kơ đei bu gơh hlôh.

Êsai 43:15

Inh bơih Kră Yang, Tơ'ngla 'Lơ̆ng Rơgoh lu iĕm, Tơ'ngla pơjing Isơrael, Inh bơih Pơtao iĕm.”

Êsai 49:7

Kră Yang, Tơ'ngla dŏng pơklaih, Kră Yang 'Lơ̆ng Rơgoh Isơrael khan kơ bơngai mă kon bơngai pơjăm mă teh đak areh, hăm bơngai pơm đĭch kơ lu bơngai yŏng pơgơ̆r thoi âu: Lu pơtao gô 'bôh ih na iung; lu kon pơtao gô hơtơ̆p kŭl-tăng kơkuh. Yua kơ Kră Yang jơ̆ Tơ'ngla tơpăt, Tơ'ngla Rơgoh 'Lơ̆ng Isơrael, jơ̆ Tơ'ngla rơih iŏk ih.

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Je 30:11

Kră Yang khan: “Inh oei păng iĕm, wă dŏng pơklaih iĕm. Inh gô pơlôch pơrăm đĭ lu dêh char, mă Inh đei puh iĕm tơklah tơklang lăm noh, mă-lei Inh huay kơ pơlôch iĕm. Inh gô phak bơtho lu iĕm kiơ̆ kơ tơdrong trŏ, Inh ưh kơ lê̆ ôh phak bơtho lu iĕm.”

Je 4:27

Kră Yang khan: “Đĭ kơ dêh char gô juơ tơtŭng mă-lei Inh ưh tam pơrăm đĭ ôh.

Je 46:28

Kră Yang khan: “Ơ Jakôp đĭch đam Inh, ih 'nĕ kơ hli, Inh oei hơdai ih, Inh gô pơrăm đĭ lu dêh char mă Inh đei puh iĕm tơ noh; bĕ gah lu iĕm Inh ưh kơ pơlôch đĭ, mă-lei gô phak bơtho iĕm trŏ tơpăt hơnơ̆ng, ưh kơ đei lê̆ ôh tơdrong phak bơtho iĕm.”

Je 5:18

Kră Yang khan: “Mă khan lei lăm noh Inh kư̆m huay kơ pơlôch pơrăm đĭ lu iĕm ôh.

Nhom 5:19

Ơ Kră Yang, Ih pơgơ̆r oei đei ling-lang, Tang-dŏ pơtao Ih đơ̆ng chăl âu truh tơ chăl nai.

Êsêkiên 30:25

Inh gô ăn kơ ti pơtao Babilôn jing pran kơtang. Mă-lei lu ti Pharaôn gô huŏng. Na lu sư gô băt Inh boih Kră Yang. Inh ăn boih đao lăm ti pơtao Babilôn păng sư yơ̆r đao blah char Êyiptơ.

Mi 5:2

Thoi noh Sư gô jao lu đe noh kơ lu bơngai ayăt kơ Sư dĭng tơ bơngai drŏ-kăn tơpŭ kơ Sư, tơpŭ boih păng lu bơngai Isơrael mă oei oei đơ̆ng lu 'nhŏng oh Sư, lu sư gô wih brŏk tơ kon sâu bơngai Isơrael.

Habakuk 3:2

Ơ Kră Yang! Inh kơtơ̆ng boih đe roi gah anăn Ih păng tơdrong Ih pơm na inh hli tơrơ. Ơ Kră Yang! Apinh Ih ăn tơdrong jang Ih oei hơnơ̆ng rim khei rim sơnăm lăm teh đak. Apinh Ih bơtho tơ'bôh ăn kơ rim 'nu băt nhen! Kơplah Ih oei hil, apinh Ih 'nĕ kơ hiơt tơdrong mơnat!

Habakuk 3:6

Sư iung pơtŏ teh; Sư lăng đĕch pơm kơ lu kon pơlei tơklah tơklang; Lu kông mă oei oei kư̆m hĕch đĭ. Rim lu groi kông oei ling-lang gô drap kơkuh. Dôm lu trong Sư oei oei ling-lang thoi so.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Malachi 3:6

“Yua kơ Inh jơ̆ Kră Yang, Inh ưh kơ đei layơ tơplih, yua kơ thoi noh, lu iĕm jơ̆ kon drŏ-nglo Jakôp, huay kơ lôch hiong.

Both 32:4

Kră Yang thoi Tơmo Tih 'lơ̆ng tôm; lu tơdrong Sư jang keh dang 'lơ̆ng tôm, trong Kră Yang tơpăt hơnơ̆ng. Sư boih Kră Yang 'Bok Kei-Dei sĭt, 'lơ̆ng tơpăt ưh kơ đei hơlĕnh. Sư tơpăt ling-lang 'lơ̆ng hơnơ̆ng.

Both 33:27

Kră Yang 'Bok Kei-Dei arih ling-lang noh anih ih kơ'nơp, gah ala kơ ih đei tơpang ti Kră Yang drơng tơgŭm, Sư puh lê̆ lu bơngai ayăt 'bơ̆t anăp ih, Na sư khan: Pơrăm pơlôch lu sư bĕ.

I Tim 1:17

Bĕ bơ̆n ư-ang kơ 'Bok Kei-Dei, Sư Pơtao bơ̆n mă arih ling-lang. Đei minh 'nu Sư đĕch. Sư Kră Yang ưh kơ đei layơ lôch. Bơ̆n ưh kơ gơh 'bôh Sư ôh. Bĕ bơ̆n ư-ang kơ Sư ling-lang ưh kơ đei layơ tôch. A-men.

I Tim 6:16

Sư ưh kơ layơ lôch. Sư oei tơ anih rang mơnhal, ưh kơ đei bu gơh năm jê̆ Sư. Đơ̆ng sơ̆ khơ̆ ning-mônh kon bơngai ala teh ưh kơ đei bu 'bôh Sư. Na bĕ bơ̆n pơư pơang 'Bok Kei-Dei mă pơgơ̆r ling-lang. A-men.

Hêbrơ 13:8

Gah Yêsu Krist sư oei hơnơ̆ng ling-lang, mă đơ̆ng sơ̆ khơ̆ dang ei truh tơ ning-mônh.

Tơdrông Tơ'bôh 1:11

khan kơ inh thoi âu: “Dôm tơdrong ih wă pơtơm 'bôh dang ei, ih chih răk tơ hla bơar. Hla bơar noh ih pơtruh kơ tơpơh tŏ hnam akŭm 'Bok Kei-Dei: Hnam akŭm Pơlei Êphêsô, hnam akŭm Pơlei Samina, hnam akŭm Pơlei Pêgam, hnam akŭm Pơlei Thiatir, hnam akŭm Pơlei Sadis, hnam akŭm Pơlei Philadêphi păng hnam akŭm Pơlei Laodisê.”

Tơdrông Tơ'bôh 1:8

'Bok Kei-Dei Kră Yang tih hloh kơ đĭ-đăng păng pơgơ̆r tôm tĕch tơdrong, Sư đei đơ̆ng sơ̆ khơ̆ dang ei, mă gô jur ning-mônh, Sư khan thoi âu: “Inh thoi chư A, jĭ blŭng-a kơla chă hơdrol kơ đĭ-đăng lăm dôm tơdrong. Păng Inh kư̆m thoi chư Y, tuch-luch năr tôch kư̆m oei đei Inh.”

I Sam 2:2

Ưh kơ đei bu 'lơ̆ng rơgoh thoi Kră Yang ôh, Ưh kơ đei bu nai thoi Ih; ưh kơ đei tơmo ayơ pĕng lu nhôn thoi Kră Yang 'Bok Kei-Dei.