Habakuk 1:10 - Sơ̆p Hlabơar Nơ̆r 'Bok Kei-Dei

¹⁰ Lu sư hiĕk pơjăm lu pơtao, hiĕk ăr kơ lu kuan pơgơ̆r păng hiĕk pơjăm kơ lu kơđông kơjăp. Sư kôch teh bơ̆ kơjăp, wă tŏk blah iŏk.

Habakuk 1:10 ပူးပေါင်းရင်းမြစ်များ

II Pot 24:12

Na Jêhôiachin, pơtao đe Juđa, lu sư đe mĕ sư, đĭch đam sư, lu yŏng linh lu 'bok tih linh, năm kŭp kơ̆l yơ̆r ti kơ pơtao đe Babilôn. Lăm sơnăm mă tơhngam chăl pơtao đe Babilôn pơgơ̆r na rôp lu sư pơm bơnă.

II Ho 36:10

Truh lăm bơyan puih, pơtao Nebukatnessar wơh đe năm rôp chông ba sư tơ dêh char Babilôn, kư̆m iŏk dôm tơmam 'lơ̆ng gĭt đơ̆ng lăm Hnam Kră Yang, na pôk Sêdêkia ma sư pơm pơtao pơgơ̆r dêh char Juđa păng pơlei Jêrusalem.

II Ho 36:6

Nebukatnessar pơtao char Babilôn tŏk blah sư, rôp chô̆ sư hăm glang kong chông ba sư tơ dêh char Babilôn.

Êsai 10:9

Hăm trŏ kơ pơlei Kalnô kư̆m thoi pơlei Karchêmis, pơlei Hamat kư̆m thoi pơlei Arpat, pơlei Samari kư̆m thoi pơlei Đamas?

Êsai 14:16

Lu bơngai 'bôh ih gô lăng pơglăn tơ ih ưh kơ tơtĕp măt, lăng tơdrong truh kơ ih hlĭch na khan: “Hăm trŏ kơ bơngai âu pơm kơ teh tơdrŏ, pơm kơ lu dêh char hli tơtơ̆?

Êsai 37:13

Pơtao pơlei Hamat, pơtao pơlei Arpat, pơtao pơlei Sepharwaim, pơtao pơlei Hêna păng pơtao pơlei Iwa tơ yơ?

Je 30:5

'Nâu Kră Yang khan: “Inh đei kơtơ̆ng boih nơ̆r ôr krao hli tơrơ, ưh kơ đei hiôk-hian.

Je 32:24

To lu linh Kalđê wang blah pơlei; lu sư oei bơ̆ teh wă tŏk blah iŏk pơlei. Pơlei âu gô huŏng lăm ti lu sư, kơplah oei tơblah, đei tơdrong pơngot rơwĕt, tơdrong jĭ apoh. Tơdrong Ih khan truh boih, 'nâu âu, Ih 'bôh boih.

Je 33:4

'Nâu Kră Yang 'Bok Kei-Dei Isơrael khan: “Gah lu hnam lăm pơlei tih, hnam pơtao đe Juđa, pơrăm lê̆ boih, wă yua găn tơblah hăm đao gưm lu bơngai Babilôn.

Êsêkiên 21:31

Inh gô tuh tơdrong hil mĭl Inh tơ ih; Inh gô soh ŭnh tơdrong Inh blĕk tơ ih păng Inh gô pơjao ih ăn kơ lu bơngai kơnê̆, juăt kơ pơrăm đe.

Êsêkiên 26:8

Sư gô yua đao pơlôch lu kon pơlei ih tơ lăm chŭn mir, Sư gô bơ̆ bơnơ̆ ter dur păng hiŏng khêl blah ih.

Jêphania 1:8

Lăm năr soi sơmah kơ Kră Yang, Inh gô phak lu Kuan pơgơ̆r păng lu kon drŏ-nglo pơtao păng đĭ-đăng lu bơngai hrŭk hơbĕn ao tơmoi.