Galati 6:9 - Sơ̆p Hlabơar Nơ̆r 'Bok Kei-Dei

⁹ Mă-lei bơ̆n athei chu kơ Sư khŏm khŏm wă kơ bơ̆n gơh pơm đon 'lơ̆ng. Thoi noh dah bơ̆n huay kơ achăng lê̆ Sư na mưh trŏ kơ năr 'Bok Kei-Dei pơkă ning-mônh Sư gô ăn kơ bơ̆n tơdrong apah na bơ̆n oei hơdai hăm Sư ling-lang. Kư̆m thoi bơ̆n pơtăm găr, dah bơ̆n ưh kơ hŭt lê̆ tơdrong jang bơ̆n, lei trŏ bơyan plei, bơ̆n đei phĕ iŏk tơpă.

Galati 6:9 ပူးပေါင်းရင်းမြစ်များ

Bl 29:7

Jakôp khan: 'Nâu oei hrôih tam trŏ kơ triu akŭm; lu iĕm jah pơnhă triu lu iĕm wăi, na jah achăng lê̆ lu sư chă sa dơ̆ng.

Horiso 104:27

Đĭ-đăng lu sem brem chang gô Ih ăn tơmam sa kơ lu sư kiơ̆ kơ lăp.

Horiso 126:5

Bu rei adrĕch mă lĕch đak măt, Sư gô kĕch iŏk hăm hơri chơt hiôk.

Horiso 145:15

Đĭ-đăng măt kon bơngai oei chang Ih. Ih ăn kơ lu sư tơmam sa kiơ̆ trŏ 'bơ̆t sư kăl yua.

Tơdrông Pơđơk 11:18

Bơngai pơm kơnê̆ sa apah đơ̆ng tơdrong hơlĕnh; Mă-lei lu bơngai pơm 'lơ̆ng đei tơdrong apah sĭt.

Bôk Bơthô 11:1

Gơih bĕ mŭk tơmam ih tơ kơpal đak, na ning-mônh kơnh ih gô đei sư dơ̆ng.

Je 45:3

Ih khan boih ‘răm-'băm kơ inh, yua kơ Kră Yang pơthim ăn kơ inh tơdrong sơ'ngon, tơdrong ơh inh; inh lap dêh yua kơ tơtok tơtăm pă đei pơdơh.’

Lêwi 26:4

thoi noh Inh gô tơjur ăn đak 'mi trŏ kơ bơyan sư lăm teh gô đei lơ 'long plei sa tơ mir gô đei 'nhot sa.

Jêphania 3:16

Lăm năr noh, đe gô khan kơ pơlei Jêrusalem thoi âu: “Ơ Siôn 'nĕ pă hli, ti ih 'nĕ pă rơdu!

Malachi 1:13

Lu iĕm đei khan dơ̆ng thoi âu: “Ô! Tơdrong jang gleh dêh pă băt dang yơ! Na lu iĕm pơdê sư.” Kră Yang Tih Hloh khan thoi noh. “Lu iĕm năm pơyơ̆r tơmam đơ̆ng iĕm tơtông păng lu kon sem dơrong jo, jĭ na mă năm pơyơ̆r kơ Inh. Inh hăm đei iŏk tơmam âu đơ̆ng ti lu iĕm ưh?” Kră Yang khan thoi noh.

Mathiơ 10:22

Đĭ-đăng bơngai gô areh arĕnh kơ iĕm yua kơ tơdrong jang Inh. Thoi noh bu wă adrin lui kơ Inh truh tôch, bơngai 'noh gô klaih.

Mathiơ 24:13

Mă-lei dah bu adrin lui kơ Inh truh năr tôch, bơngai 'noh gô klaih.

Mathiơ 25:17

Bơngai mă iŏk 'bar hlak jên maih yŏng sư noh, kư̆m pơm lei-lăi, đei lơi kơ sư 'bar hlak jên maih dơ̆ng.

Mathiơ 9:19

Yêsu iung kiơ̆ hloi sư, lu bơngai pơhrăm kư̆m kiơ̆ Sư mơ̆n.

Markôs 3:3

Na Yêsu krao bơngai ti kue ei khan: “Năm tơ âu bĕ, dơ̆ng 'bơ̆t anăp đe tơpôl.”

Luka 18:1

Klaih kơ noh Yêsu pơma pơtih gia kơ lu sư thoi âu wă kơ lu sư băt kơ krao khan ling-lang huay kơ hăl:

Rom 2:7

Bơngai bu adrin pơm 'lơ̆ng hăm 'Bok Kei-Dei wă kơ 'Bok Kei-Dei lăp đon ăn kơ sư arih hiôk chơt păng wă kơ akâu sư huay kơ lôch hiong, bơngai noh 'Bok Kei-Dei gô ăn kơ sư đei tơdrong arih ling-lang tơpă.

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.

II Kor 4:1

Nhôn jang tơdrong tih rŏ âu yua kơ 'Bok Kei-Dei mơnat đĕch. Thoi noh na nhôn wă jang ling-lang ưh kơ lê̆ ôh.

II Kor 4:16

Thoi noh nhôn wă jang ling-lang ưh kơ lê̆ ôh, mă khan sĕch akar nhôn rai hŏnh, mă-lei jơhngơ̆m nhôn lăm to dang lĕ kơ ming 'nao rim năr.

II Kor 9:6

Iĕm 'nĕ hiơt kơ tơdrong âu: Bơngai bu rei tŏ sĕt gô kĕch tŏ sĕt; bơngai bu rei lơ, sư gô kĕch lơ.

Êphêsô 3:13

Thoi noh na inh apinh iĕm 'nĕ kơ sơ'ngon kơ tơdrong inh pơmat yua kơ iĕm. Inh oei tơ lăm hnam phak kư̆m bưh mơ̆n yua kơ inh wă adrin bơtho tơgŭm iĕm; na iĕm athei hiôk bĕ.

Both 11:14

Na Sư gô ăn đak 'mi jur trŏ kơ bơyan mă bơyan nê̆-năm mă bơyan puih, lu iĕm gô đei 'ba hơ'bo, sik hơmu 'nao păng đak rơmă plei 'long ôliwơ.

II Tes 3:13

Ơ lu 'nhŏng oh, mă iĕm jang gleh, tơdah tơdrong 'lơ̆ng trŏ, iĕm 'nĕ kơ achăng hŏ.

Hêbrơ 12:3

Iĕm athei pơwao kơ Yêsu, Sư iŏk dôm tơdrong lu bơngai yoch pơm kơnê̆ pơ'brơh kơ Sư; thoi noh na iĕm kư̆m lei-lăi 'nĕ kơ klai, 'nĕ kơ lao đon; athei adrin hăt hăi thoi Sư ling-lang.

Hêbrơ 12:5

Iĕm hiơt boih hă tơdrong 'Bok Kei-Dei pơlung bơ̆n wă kơ bơ̆n huay kơ sơ'ngon? Lăm sơ̆p hla bơar Sư đei chih khan kơ bơ̆n thoi âu: “Ơ dăm, e 'nĕ kơ hli ôh 'Bok Kei-Dei bơtho pơjĭ 'biơ̆ e. E 'nĕ kơ rai pơhơi 'bơ̆t Sư bơtho tơbral e.

Hêbrơ 3:14

Tơdah bơ̆n lui kơjăp khŏm khŏm truh năr tôch, bơ̆n gô oei hơdai hăm Yêsu Krist ling-lang. Tơdah bơ̆n ưh kơ kiơ̆ Sư khŏm khŏm, bơ̆n ưh kơ gơh oei hơdai hăm Sư ôh.

Hêbrơ 3:6

Mă Yêsu Krist Sư kư̆m jang trŏ thoi 'Bok Kei-Dei pơkă mơ̆n, mă Sư jang wei-lăng đĭ-đăng kơ hnam dơnŏ 'Bok Kei-Dei hloi, yua kơ Sư Kon 'Bok Kei-Dei. Lu bơ̆n, tơ̆ng bơ̆n oei lui kơjăp, bơ̆n kư̆m hnam dơnŏ Sư mơ̆n, dah bơ̆n oei gơnang kơ Sư tơgŭm bơ̆n khŏm khŏm.

Ya 5:7

Ơ 'nhŏng oh, iĕm băt kơ thoi noh boih, na mă đe pơm kơnê̆ kơ iĕm, iĕm thĕng đĕch hŏ, truh tơ năr Kră Yang jur dơ̆ng. Pơtih gia thoi lu bơngai jang mir 'ba, lu sư băt tơpă gô đei 'ba na lu sư adrin jang truh kơ bơyan 'ba đum.

I Pet 2:15

'Bok Kei-Dei wă kơ bơ̆n pơm 'lơ̆ng ling-lang, thoi noh na lu bơngai ưh kơ hlôh pơŏm 'bơ̆r huay pă pơma kơ bơ̆n dơ̆ng.

I Pet 3:17

Phŏ phŏ 'Bok Kei-Dei wă kơ bơ̆n pơmat mơ̆n mă khan bơ̆n pơm 'lơ̆ng. Na tơ̆ng đe pơmat bơ̆n yua kơ bơ̆n pơm 'lơ̆ng, noh bơ̆n hiôk hloh kơ tơdrong đe pơmat bơ̆n yua kơ bơ̆n pơm kơnê̆.

I Pet 4:19

Mă 'Bok Kei-Dei ăn tơdrong gleh truh kơ bơ̆n, bơ̆n athei pơm 'lơ̆ng hơnơ̆ng păng pơjao kơ Sư tơdrong arih bơ̆n; yua kơ Sư pơjing bơ̆n, Sư ưh kơ lê̆ bơ̆n ôh.

Tơdrông Tơ'bôh 2:17

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh gô ăn kơ bơngai noh 'bĕng mana mă kon bơngai tơ ala teh ưh tam đei sa ôh păng Inh gô pôk anăn sư 'nao, anăn 'nao noh Inh chih tơ tơmo kok lat, na ăn kơ sư. Anăn noh lu đe nai ưh kơ băt ôh, pôm sư kơdih đĕch băt.’ ”

Tơdrông Tơ'bôh 2:3

Inh băt mơ̆n iĕm đei tơdrong gleh truh yua kơ jang tơdrong Inh, iĕm oei adrin khŏm khŏm ưh kơ lê̆.

Tơdrông Tơ'bôh 2:7

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh ăn kơ sư sa plei 'long kon bơngai arih. 'Long 'noh 'Bok Kei-Dei pơtăm tơ pơgar Sư tơ Pơlei 'Lơ̆ng Sư.’ ”