Galati 6:7 - Sơ̆p Hlabơar Nơ̆r 'Bok Kei-Dei

⁷ Iĕm 'nĕ tơchĕng khan iĕm gơh hơlĕnh kơ 'Bok Kei-Dei, yua kơ Sư băt tôm tơdrong. Bơ̆n pơtăm găr kiơ gô đei plei 'nei tơpă.

Galati 6:7 ပူးပေါင်းရင်းမြစ်များ

Jop 15:31

'Nĕ kơ gơnang kơ tơdrong ưh kơ yua chă hơlĕnh kơdih akâu yua kơ tơmam ưh kơ yua noh wă apah sư.

Jop 4:8

Kiơ̆ thoi inh 'bôh bơngai mă choh hăm tơdrong kơnê̆, lu bơngai rei tơdrong pơmat-tat đĕch, gô kĕch iŏk tơdrong noh.

Tơdrông Pơđơk 1:31

Na lu sư gô luăn sa pŭ iŏk thoi trong lu sư kiơ̆, Păng phĭ hrăp lăm tơdrong lu sư hơlĕnh.

Tơdrông Pơđơk 11:18

Bơngai pơm kơnê̆ sa apah đơ̆ng tơdrong hơlĕnh; Mă-lei lu bơngai pơm 'lơ̆ng đei tơdrong apah sĭt.

Tơdrông Pơđơk 6:14

Jơhngơ̆m kơnê̆ chă đon wă pơm kơnê̆, Ling-lang chă tơdrong tơhil.

Tơdrông Pơđơk 6:19

Bơngai pơm kơdranh hơlĕnh pơma plêl, Bơngai chă tơdrong tơhil tơduă 'nhŏng oh.

Je 37:9

Kră Yang khan: “Lu iĕm 'nĕ chă hơlĕnh kơdih khan: ‘Bơngai Kalđê khan gô weh ataih đơ̆ng lu bơ̆n; lu sư ưh kơ weh ôh.’

Êsêkiên 14:5

Inh pơm thoi noh wă kơ Inh iŏk dơ̆ng jơhngơ̆m Isơrael, lu bơngai mă yua kơ đơ̆ng rup yang na weh tơklah đơ̆ng Inh.

Hôsia 10:12

Rei bĕ lu iĕm kơdih hăm tơdrong 'lơ̆ng tơpăt, yuă iŏk bĕ plei đơ̆ng tơdrong 'mêm sĭt, choh bĕ teh lu iĕm mă lê̆ bri! Truh boih jơ chă Kră Yang, dĭng truh tơ Sư ăn jur tơdrong tơpăt thoi đak 'mi tơ lu iĕm.

Hôsia 10:13

Lu iĕm choh rơuơ boih tơdrong kơnê̆, lu iĕm yuă iŏk boih tơdrong kơnê̆ boih, lu iĕm sa plei đơ̆ng tơdrong hơlĕnh pơdăr. Yua kơ lu iĕm gơnang boih kơ trong lu iĕm kơdih, păng lu linh pran kơtang lu iĕm.

Hôsia 8:7

Yua kơ lu sư rei boih kial, lu sư gô yuă iŏk hơbŭt tih; tơm 'ba lu sư oei dơ̆ng, mă-lei pă đei hnông, 'ba lu sư ưh pă đei găr pă jing phe; mă khan đei găr ră mă-lei lu bơngai tơmoi gô luăn sa đĭ.

Ob 1:3

Ơ lu khŭl bơngai oei lăm sơlam tơmo, lăm anih kơjung, lu iĕm đei khan lăm jơhngơ̆m iĕm thoi âu: Hăm đei bu kĕ tơlơ̆ inh huŏng tơ teh? Tơdrong pơang lăm jơhngơ̆m iĕm hơlĕnh kơdih akâu iĕm boih.

Luka 16:25

“Mă-lei Abraham khan kơ sư: ‘Ơ dăm, ih athei 'blŏk mơ̆n kơplah ih oei arih tơ ala teh sơ̆ ih jơnap tơpă, đei tơmam lơ tơpă. Mă-lei Lasarơ ưh kơ đei kiơ păng jĭ ling-lang tăm. Dang ei sư oei tơ âu hiôk dêh, mă-lei ih oei lăm dơnâu ŭnh tŏ hang ling-lang.

Luka 21:8

Na Yêsu khan: “Iĕm athei kơchăng kơdih hli kơ đe wă pơhlŭ pơlung iĕm kiơ̆ sư. Ning-mônh gô đei lơ bơngai truh, na lu sư anăn măt Inh khan sư kơdih 'Bok Krist păng khan wă jê̆ truh năr tôch boih. 'Noh iĕm 'nĕ kiơ̆ kơ lu sư hŏ.

I Kor 15:33

Iĕm 'nĕ kơ lui kơ lu bơngai wă pơlung iĕm, khan 'Bok Kei-Dei ưh kơ wă tơiung arih bơngai lôch, kơnh đơ̆ng bơngai 'lơ̆ng oei hơdai bơngai kơnê̆ sư jing kơnê̆ lei-lăi.

I Kor 3:18

Iĕm 'nĕ khan akâu iĕm kơdih, khan iĕm hơgei. Dah bu lăm lu iĕm tơchĕng khan sư hơgei tơdrong ala teh âu, bơngai 'noh athei hŭt lê̆ dôm tơdrong sư hơgei noh, na iŏk tơdrong hơgei 'lơ̆ng tơpăt 'Bok Kei-Dei.

I Kor 6:9

Iĕm ưh kơ băt ôh hă lu bơngai pơm kơnê̆ ưh kơ gơh tŏk oei tơ dêh char 'Bok Kei-Dei ôh? Lu bơngai ngôi pơyô kư̆ kă, lu bơngai kơkuh kơ rup yang, lu bơngai plah klo kăn đe, lu bơngai tơduă drŏ-nglo tơngơ̆r băl,

II Kor 9:6

Iĕm 'nĕ hiơt kơ tơdrong âu: Bơngai bu rei tŏ sĕt gô kĕch tŏ sĕt; bơngai bu rei lơ, sư gô kĕch lơ.

Galati 6:3

Mă-lei dah bơngai bu lui ưh kơjăp na sư roi kơ đe khan sư lui kơjăp, bơngai 'noh bơngai hơlĕnh.

Êphêsô 5:6

Iĕm 'nĕ kơ lui kơ đe pơhlŭ iĕm kiơ̆ dôm tơdrong kơnê̆ noh mă sư khan tơdrong 'lơ̆ng. Lu bơngai thoi noh ưh kơ chu 'Bok Kei-Dei. 'Bok Kei-Dei hil tơpă kơ lu sư, gô phak lu sư.

II Tes 2:3

Bơngai ei sư khan năr tôch wă jê̆ truh boih sơmă iĕm 'nĕ kơ lui kơ sư hŏ. Kơlih kơ ning-mônh gô đei lơ bơngai akŭm wă pơtơm blah 'Bok Kei-Dei păng gô đei minh 'nu bơngai kơnê̆ tơpă tơ ala teh âu. 'Bok Kei-Dei wă phak sư tơpă ning-mônh. Mă tơpă, hơdrol kơ bơngai kơnê̆ ei truh, năr tôch ưh tam mă truh tơpă ôh.

Ya 1:22

Păng bơ̆n 'nĕ kơ mơ̆ng lăm đon đĕch, khan 'Bok Kei-Dei kư̆m iŏk. Ưh ôh, bơ̆n mơ̆ng păng pơm kiơ̆ hloi dôm tơdrong đe bơtho, noh na 'Bok Kei-Dei iŏk.

Ya 1:26

Bơngai bu khan sư lui kơjăp, mă ưh kơ gơh gơ̆t 'bơ̆r, nŏng kơ chă hil kơ đe, pơang kơ đe lơ tơdrong mă sư pơngêh đon khan sư lui kơjăp, 'Bok Kei-Dei ưh kơ pơklaih sư ôh.

I Yo 1:8

Dah bơ̆n khan bơ̆n ưh kơ đei tơdrong yoch, 'noh bơ̆n kư̆m hơlĕnh kơdih bơ̆n mơ̆n păng 'bơ̆r bơ̆n kư̆m ưh kơ gơh pơma tơpăt tŏ sĕt.

I Yo 3:7

Ơ lu kon hơ'lơ̆p, 'nĕ lui kơ đe hơlĕnh kơ iĕm khan bơngai lui bơ̆n ưh kơ kăl pơm 'lơ̆ng tơpăt. Inh khan kơ iĕm thoi âu: Bơngai bu pơm 'lơ̆ng tơpăt, bơngai 'noh đei đon 'lơ̆ng tơpăt kư̆m thoi Yêsu bơngai 'lơ̆ng tơpăt mơ̆n.

Ju 1:18

Lu sư khan: “Khei 'năr wă tôch ning-mônh, đei lơ bơngai che bơle kơ tơdrong lui bơ̆n; lu sư kiơ̆ kơ jơhngơ̆m lu sư kơdih 'maih pơm tơdrong kư̆ kă na lu sư che bơle.”