Galati 6:18 - Sơ̆p Hlabơar Nơ̆r 'Bok Kei-Dei

¹⁸ Ơ lu 'nhŏng oh, nhôn apinh Kră Yang Yêsu Krist wei-lăng rim 'nu kơ lu iĕm tôm tơdrong. A-men.

Galati 6:18 ပူးပေါင်းရင်းမြစ်များ

Jang 1:15

Kơplah noh sơ̆, minh năr ei đei dang lăp minh-hrĕng 'bar-jĭt 'nu bơngai akŭm dih băl, Pêtrôs iung 'bơ̆t tŏk-bŏk bôl sư khan hloi:

Rom 1:13

Ơ 'nhŏng oh, inh khan tơbăt ăn kơ iĕm tơdrong inh khan wă năm ngôi hơpong tơ iĕm lơ 'măng boih mă ưh kơ yĕng. Inh 'maih bơtho 'biơ̆ pơlei iĕm, wă kơ đei bơngai lui rai lơ thoi lu kon pơlei nai mă ưh kơ khŭl Juđê, lu sư lui đơ̆ng inh bơtho.

Rom 16:20

'Bok Kei-Dei wă kơ bơ̆n gơh oei hiôk hăm bôl buăl, thoi noh na Sư ưh kơ ăn kơ tơdrong kơnê̆ pran hloh kơ iĕm, Sư ăn kơ iĕm pran hloh kơ tơdrong kơnê̆; noh dang Sư ăn kơ iĕm juă bơhlơ̆r kơ̆l yang Satan. 'Noh na inh apinh Kră Yang Yêsu Krist wei-lăng iĕm.

Rom 16:23

Na âu akâu inh kơdih Pôl pơma dơ̆ng. Inh oei tơ hnam Guơs păng đĭ kơ nhôn juăt akŭm tơ hnam sư, sư kư̆m đei nơ̆r jet gia pơma dơnuh hăm iĕm mơ̆n.

Galati 3:15

Ơ 'nhŏng oh, inh wă pơma tơdrong pơtih gia ăn kơ iĕm thoi âu: Dah 'bar 'nu bơngai pơgơ̆p dih băl tơdrong kiơ kiơ, na chih anăn bre sư tơ lăm hla bơar pơgơ̆p noh, na lu bơngai nai ưh kơ đei bu gơh sut tơhiong lê̆ dah chih pơthim ăn tơ lăm hla bơar pơgơ̆p noh dơ̆ng.

Galati 4:12

Ơ lu 'nhŏng oh mă 'mêm, inh wă kơ lu iĕm thoi inh. Inh kư̆m lei-lăi thoi iĕm mơ̆n sơ̆. Inh ưh pă gơnang kơ tơdrong juăt kon bơngai, na lui hloi kơ Yêsu. Iĕm huay kơ pơm glăi hăm inh ôh sơ̆, mă-lei đei pơm glăi hăm Kră Yang boih.

Galati 4:28

Nge Isăk sơ̆, mĕ sư Sara tơpŭ kiơ̆ thoi 'Bok Kei-Dei mơnat khan wă gô ăn kơ Abraham kon. Thoi noh na bơ̆n dang ei kư̆m lei-lăi mơ̆n, bơ̆n jing kon 'Bok Kei-Dei yua kơ Sư mơnat khan wă gô ăn kơ bơ̆n jing kon Sư.

Galati 6:1

Ơ 'nhŏng oh, dah iĕm 'bôh lu 'nhŏng oh bơ̆n bơngai lui pơm tơdrong yoch, na lu iĕm mă lui kơjăp, iĕm athei tơgŭm sư pơm mă 'lơ̆ng hŏ. Iĕm tơgŭm sư, iĕm kư̆m athei 'mêm mơnat kơ sư mơ̆n, 'nĕ hil kơ sư păng iĕm athei kơchăng akâu iĕm kơdih mơ̆n, hli kơ yang Satan kư̆m wă pơhlŭ pơlung iĕm.

II Tim 4:22

Inh apinh Kră Yang Yêsu Krist oei păng ih ling-lang păng apinh Sư wei-lăng rim 'nu kơ iĕm tôm tơdrong.

Phil 1:25

Nhôn apinh Kră Yang Yêsu Krist wei-lăng rim 'nu kơ iĕm tôm tơdrong.

Tơdrông Tơ'bôh 22:21

Inh apinh Kră Yang Yêsu wei-lăng đĭ-đăng kơ lu kon 'Bok Kei-Dei lăm tôm tơdrong. A-men.