Galati 5:9 - Sơ̆p Hlabơar Nơ̆r 'Bok Kei-Dei

⁹ Bơ̆n pơm 'bĕng mi, bơ̆n tuh đak pơgang pông tơ lăm tơpŭng lăp tŏ sĕt đĕch, mă-lei tơpŭng noh pông jing tih. Na lu bơngai mă pơhlŭ pơlung iĕm dang ei kư̆m lei-lăi thoi noh mơ̆n, sư bơtho rai đunh rai tih.

Galati 5:9 ပူးပေါင်းရင်းမြစ်များ

Mathiơ 13:33

Yêsu oei bơtho pơtih gia kơ lu sư dơ̆ng: “Tơdrong 'Bok Kei-Dei pơgơ̆r kon bơngai thoi lĕ kơ 'buih pông. Minh 'nu drŏ-kăn iŏk 'buih pông tŏ sĕt bơlŭ păng tơpŭng mi minh kơthŭng na tơpŭng noh kư̆m pông pơđĭ kơ minh kơthŭng noh mơ̆n.”

Mathiơ 23:33

Iĕm pơm thoi lĕ kơ klăn tih 'bih tur makkang, ning-mônh 'Bok Kei-Dei phak iĕm lăm dơnâu ŭnh tơpă.

Markôs 8:15

Yêsu khan kơ lu sư: “Iĕm athei kơchăng weh ataih kơ 'buih 'bĕng mi pông đe Pharisi păng 'buih 'bĕng mi pông Hêrôt.”

Luka 12:1

Klaih kơ noh đei lơ rơbâu 'nu bơngai akŭm tơ Yêsu truh kơ lu sư mah tơhmĕt tơhmot dih băl. Na Yêsu pơma kơdrô̆ kơ lu bơngai pơhrăm păng Sư thoi âu: “Iĕm athei kơchăng kơ lu bơngai Pharisi hŏ yua kơ lu sư bơngai 'bơ̆r đak klak ŭnh.

Luka 13:21

Tơdrong 'Bok Kei-Dei pơgơ̆r kon bơngai thoi lĕ kơ 'buih pông. Minh 'nu drŏ-kăn iŏk 'buih pông tŏ sĕt đĕch, bơlŭ păng tơpŭng mi minh kơthŭng, na tơpŭng noh kư̆m pông pơđĭ kơ minh kơthŭng noh mơ̆n.”

I Kor 15:33

Iĕm 'nĕ kơ lui kơ lu bơngai wă pơlung iĕm, khan 'Bok Kei-Dei ưh kơ wă tơiung arih bơngai lôch, kơnh đơ̆ng bơngai 'lơ̆ng oei hơdai bơngai kơnê̆ sư jing kơnê̆ lei-lăi.

II Tim 2:17

Tơdrong sư bơtho thoi noh khŏm khŏm rai đunh rai tih kơjăp na lơ bơngai lui kơ nơ̆r sư bơtho na achăng tŭk tơdrong lui kơ Yêsu. Bre Himennuih păng Philat boih bre sư pran pơjah pơjăng kư̆ kă.