Galati 5:4 - Sơ̆p Hlabơar Nơ̆r 'Bok Kei-Dei

⁴ Bơngai bu gơnang kơ akâu sư kơdih wă pơm kiơ̆ tơdrong juăt Môis, khan 'Bok Kei-Dei jô̆ sư bơngai 'lơ̆ng tơpăt hăm Sư, bơngai mă tơchĕng thoi noh, sư wă achăng lê̆ Kră Yang Yêsu Krist boih păng 'Bok Kei-Dei ưh kơ jô̆ kơ sư bơngai 'lơ̆ng tơpăt hăm Sư ôh.

Galati 5:4 ပူးပေါင်းရင်းမြစ်များ

Rom 11:6

Sư rơih iŏk yua kơ Sư mơnat, ưh kơ sĭ yua kơ lu bơngai noh kĕ kiơ̆ tôm tơdrong juăt Sư pơkă ôh. Tơ̆ng Sư rơih iŏk lu bơngai noh kĕ kiơ̆ tôm tơdrong juăt Sư pơkă, lei thoi yơ 'Bok Kei-Dei khan Sư rơih iŏk yua kơ Sư mơnat đĕch?

Rom 3:20

Na mă bơngai Juđê mă bơngai nai, dah bơ̆n oei gơnang kơ akâu bơ̆n kơdih wă kiơ̆ dôm tơdrong juăt 'Bok Kei-Dei pơkă sơ̆, 'Bok Kei-Dei ưh kơ jô̆ bơ̆n bơngai 'lơ̆ng tơpăt ôh, yua kơ tơdrong Sư pơkă noh sư pôm tơbăt kơ bơ̆n bơngai yoch hăm 'Bok Kei-Dei đĕch.

Galati 2:21

Dah 'Bok Kei-Dei jô̆ bơ̆n bơngai 'lơ̆ng tơpăt hăm Sư yua kơ bơ̆n lui kiơ̆ tơdrong juăt Môis đĕch, lei Yêsu Krist lôch tang bơ̆n tơ 'long pơglang noh ưh kơ yua kiơ ôh kơ bơ̆n. Gah inh, inh băt tơpă 'Bok Kei-Dei jô̆ inh bơngai 'lơ̆ng tơpăt hăm Sư yua kơ Kon Sư lôch tang yua kơ tơdrong yoch inh.

Galati 5:2

Iĕm mơ̆ng lăng mă nhên bĕ. Inh Pôl bơtho ăn kơ iĕm thoi âu: Lu đe ei bơtho iĕm dang ei, khan athei iĕm kăt tơdra akar kơdih 'mơ̆i na gơh klaih đơ̆ng tơdrong yoch, dah iĕm chu kơ lu sư wă pơm kơ iĕm tơdrong 'noh, lei iĕm ưh pă gơnang kơ Kră Yang Yêsu Krist boih.

Hêbrơ 12:15

Đĭ-đăng kơ iĕm athei kơchăng, wă kơ lơ̆m lu iĕm huay kơ đei bu achăng lê̆ tơdrong 'Bok Kei-Dei đêl pơm kơ iĕm lui kơjăp boih; wă kơ lơ̆m lu iĕm huay kơ đei bu pơhlŭ bôl iĕm kiơ̆ sư pơm yoch.

Hêbrơ 4:1

'Bok Kei-Dei kư̆m pơkă kơ bơ̆n gơh mơ̆t pơdơh tơ dêh char Sư, thoi noh na bơ̆n athei kơchăng tơpă hli kơ bơ̆n lê̆ tơdrong lui, Sư ưh kơ ăn mơ̆t.

Tơdrông Tơ'bôh 2:5

Na dang ei iĕm 'blŏk hơdơ̆r kơ tơdrong iĕm 'mêm sơ̆ dang yơ, iĕm athei 'mêm dang noh, 'nĕ kơ pơhơi. Tơ̆ng iĕm ưh kơ 'mêm dang tơm hmơm iĕm lui sơ̆, lei Inh wă năm hloi pơdrĕo iŏk jơ̆ng kơđeng maih đơ̆ng pơlei iĕm.