Galati 5:3 - Sơ̆p Hlabơar Nơ̆r 'Bok Kei-Dei

³ Inh wă khan dơ̆ng kơ iĕm tơpă: Bơngai bu chu kăt tơdra akar, bơngai noh athei kiơ̆ tôm tơdrong juăt Môis nai.

Galati 5:3 ပူးပေါင်းရင်းမြစ်များ

Ne 9:34

Lu pơtao nhôn lu kră pơgơ̆r, lu 'bok soi păng lu 'bok nhôn, ưh kơ bơwei khôi juăt Ih, kư̆m ưh kơ wă mơ̆ng nơ̆r Ih tơtă păng tơbăt, Ih phak bơtho lu nhôn.

Mathiơ 23:16

“Ơ lu iĕm, khan bơngai 'bôh hơdah wă tơ'bôh kơ đe trong, mă-lei iĕm dang bơngai măt tol. Ning-mônh iĕm pơmat-tat dêh, yua kơ iĕm khan dah bu wă mơng tơmam kiơ kiơ wă kơ băt sư gô 'mong, athei bơngai noh tơhlâu hnam akŭm 'Bok Kei-Dei tơm. Mă-lei dah sư pơm thoi noh tơpă, iĕm khan tŭk tơdrong 'mong dơ̆ng kư̆m bưh. Dah sư tơhlâu maih hnam akŭm 'Bok Kei-Dei noh iĕm khan trŏ kơ 'mong.

Mathiơ 23:18

Păng iĕm khan dah bu wă mơng tơmam kiơ kiơ wă kơ băt sư gô 'mong tơpă, iĕm athei bơngai noh tơhlâu chơnang 'măn tơmam soi kơ 'Bok Kei-Dei. Mă-lei dah bơngai noh sư pơm thoi noh tơpă, iĕm khan bơngai noh tŭk tơdrong 'mong dơ̆ng kư̆m bưh. Dah sư tơhlâu tơmam soi 'măn kơpal chơnang soi noh iĕm khan trŏ kơ 'mong.

Luka 16:28

wă kơ lu sư tơbral kơdih tơdrong yoch na huay kơ phak lăm dơnâu ŭnh thoi inh âu.’

Jang 15:1

Đei bơngai đơ̆ng dêh char Juđê năm tơ Pơlei Antiôs bơtho lu bơngai lui khan: “Bơngai bu ưh kơ chu kăt tơdra akar sư kơdih kiơ̆ tơdrong juăt Môis pơkă sơ̆, lei ưh kơ gơh klaih đơ̆ng tơdrong yoch.”

Jang 2:40

Pêtrôs bơtho lơ tơdrong dơ̆ng hăm pơlung lu sư thoi âu: “Lu iĕm athei weh đơ̆ng adrĕch adrung bơngai pơm kơnê̆ 'nâu.”

Jang 20:21

Inh bơtho bơngai Juđê hăm bơngai nai lei-lăi đĕch mơ̆n, khan kơ sư athei tơbral kơdih tơdrong yoch sư, na brŏk tơ 'Bok Kei-Dei păng lui kơ Kră Yang bơ̆n Yêsu Krist.

Rom 2:25

Lu iĕm bơngai Juđê kăt tơdra akar khan kăl tơpă wă tơbăt kơ đe iĕm kiơ̆ tơdrong juăt 'Bok Kei-Dei pơkă truh um. Trŏ mơ̆n dah iĕm kiơ̆ tơdrong juăt 'Bok Kei-Dei pơkă truh um, lei tơdrong iĕm kăt tơdra akar noh kư̆m kăl mơ̆n. Mă-lei iĕm ưh kơ kiơ̆ tơdrong 'Bok Kei-Dei tơpă ôh, thoi noh tơdrong iĕm kăt tơdra akar dang ưh kơ yua ôh.

Galati 3:10

Mă-lei dôm lu bơngai mă gơnang kơ akâu sư kơdih wă kiơ̆ tơdrong juăt Môis khan gơh klaih đơ̆ng tơdrong yoch păng khan gơh jing bơngai 'lơ̆ng tơpăt hăm 'Bok Kei-Dei, lu bơngai noh kơnh 'Bok Kei-Dei wă phak lu sư, kơlih kơ lăm sơ̆p hla bơar 'Bok Kei-Dei khan boih hơdrol sơ̆ thoi âu: “'Bok Kei-Dei wă phak dôm lu bơngai mă ưh kơ kiơ̆ tôm tơdrong mă chih boih lăm sơ̆p hla bơar tơdrong juăt 'Bok Kei-Dei.”

Galati 5:2

Iĕm mơ̆ng lăng mă nhên bĕ. Inh Pôl bơtho ăn kơ iĕm thoi âu: Lu đe ei bơtho iĕm dang ei, khan athei iĕm kăt tơdra akar kơdih 'mơ̆i na gơh klaih đơ̆ng tơdrong yoch, dah iĕm chu kơ lu sư wă pơm kơ iĕm tơdrong 'noh, lei iĕm ưh pă gơnang kơ Kră Yang Yêsu Krist boih.

Galati 5:6

Bu kiơ̆ Kră Yang Yêsu Krist, tơdrong kăt tơdra akar ưh kơ đei kăl kiơ ôh. Minh tơdrong lui kơ Kră Yang Yêsu Krist păng 'mêm mơnat kơ đe, noh kăl.

Êphêsô 4:17

Âu inh wă bơtho kơ lu iĕm tơdrong 'Bok Kei-Dei, wă kơ iĕm mơ̆ng inh păng pơm kiơ̆ kơ nơ̆r inh pơma. Lu iĕm 'nĕ pă pơm thoi lu buăl iĕm mă ưh kơ lui. Lu sư tơchĕng kư̆ kă,

Both 27:26

Hiap pơtê̆ bĕ kơ bơngai bu ưh kơ wei răk pơm kiơ̆ dôm lu nơ̆r lăm khôi juăt 'nâu! Đĭ-đăng kon pơlei gô khan: A-men!

Both 31:21

Lăp lu sư đei tơdrong pơmat-tat anat anot tơdrong kơnê̆ truh kơ lu sư, tơdrong hơri 'nâu gô roi tơbăt tơ'blŏk kơ lu sư, yua kơ tơdrong hơri 'nâu ưh kơ hiơt ôh, gô oei ling-lang lăm 'bơ̆r lu kon sâu lu sư. Inh băt lăm kơ̆l đon lu sư tơchĕng wă pơm hơmet boih, adrol kơ Inh wă chông ba lu sư mơ̆t lăm dêh char mă Inh đei pơkă wă ăn.

Both 8:19

Tơdah iĕm hiơt kơ Kră Yang 'Bok Kei-Dei iĕm, na kiơ̆ lu yang nai, bơ̆jang păng drap kơkuh kơ lu yang ei, inh khan tơpă năr âu. Lu iĕm gô lôch hiong đĭ!

I Tes 4:6

Sư wă kơ bơ̆n gơ̆t tơdrong pơ'brơh kơ klo đe, dah akăn đe. Hơtai ki nhôn bơtho iĕm boih tơdrong 'noh khan 'Bok Kei-Dei wă phak dôm lu bơngai mă pơm kư̆ kă thoi noh.

I Yo 4:14

Nhôn 'bôh tơpă tơdrong 'Bok Kei-Dei wơh Kon Sư jur tơ ala teh âu wă dŏng pơklaih đĭ-đăng kon bơngai, thoi noh na nhôn gơh roi kơ đe Kon Sư jur tơpă.