Galati 5:14 - Sơ̆p Hlabơar Nơ̆r 'Bok Kei-Dei

¹⁴ Yua kơ 'Bok Kei-Dei pơkă boih kơ bơ̆n thoi âu: “Bơ̆n athei 'mêm kơ bôl buăl thoi bơ̆n 'mêm akâu kơdih.” Bơngai bu răk tơdrong noh sư dang kiơ̆ tôm dôm tơdrong juăt 'Bok Kei-Dei pơkă.

Galati 5:14 ပူးပေါင်းရင်းမြစ်များ

Lêwi 19:18

'Nĕ kơ pơm 'mong răk rong mong găr hăm rông 'bôt kơtum kơtŏng 'nhŏng oh ih, athei 'mêm kơ lu sư thoi ih 'mêm akâu ih kơdih, Inh boih Kră Yang.

Lêwi 19:34

Bơngai tơmoi mă chă oei pơdơh hơdai lu iĕm, athei lăng sư thoi kon pơlei iĕm kơdih. Athei 'mêm kơ lu sư thoi iĕm 'mêm akâu kơdih; yua kơ lu iĕm kư̆m đêl jing bơngai tơmoi oei tơ char Êyiptơ sơ̆. Inh boih Kră Yang 'Bok Kei-Dei lu iĕm.

Mathiơ 7:12

Thoi noh na mă dôm tơdrong kiơ iĕm wă kơ đe pơm tơgŭm iĕm, iĕm athei pơm tơgŭm đe lei-lăi thoi noh. 'Noh trŏ kơ tơdrong juăt Môis păng tơdrong lu bơngai pơtruh nơ̆r 'Bok Kei-Dei sơ̆.

Markôs 12:31

Na tơdrong juăt mă 'bar thoi âu: ‘Bơ̆n athei 'mêm kơ bôl buăl thoi bơ̆n 'mêm akâu kơdih.’ Ưh kơ đei tơdrong juăt ayơ mă kăl hloh kơ 'bar tơdrong juăt âu.”

Markôs 12:33

Dah bơ̆n 'mêm kơ Sư hăm đĭ jơhngơ̆m klơm klak bơ̆n, hăm đĭ đon bơ̆n tơchĕng păng băt 'mêm kơ bôl buăl thoi bơ̆n 'mêm akâu kơdih, dah bơ̆n răk 'bar tơdrong juăt 'noh lei 'lơ̆ng hloh kơ đĭ-đăng tơdrong bơ̆n soi sơmah kơ 'Bok Kei-Dei.”

Yo 13:34

Na dang ei Inh wă pơkă ăn kơ iĕm tơdrong 'nao âu: Inh wă kơ iĕm băt 'mêm mơnat dih băl. Iĕm athei băt 'mêm mơnat dih băl kư̆m thoi Inh 'mêm mơnat kơ iĕm.

Galati 1:6

Inh sơleng kơ đon yua kơ kiơ iĕm lui kơ nơ̆r đe pơlung wă achăng lê̆ nơ̆r 'Bok Kei-Dei 'bônh đĕch. 'Bok Kei-Dei krao bơ̆n wă kơ bơ̆n jing kon Sư, yua kơ Yêsu Krist lôch tang bơ̆n. Mă-lei dang ei iĕm wă kiơ̆ tơdrong 'nao 'lơ̆ng nai dơ̆ng.

Galati 6:2

Iĕm gơh tơgŭm dih băl thoi noh trŏ tơpă, thoi Kră Yang Yêsu Krist pơkă.

I Tim 1:5

Inh athei ih khă lu sư thoi noh wă kơ lu sư đei đon 'lơ̆ng tơpăt, hăm lui mă trŏ, thoi noh na sư gơh 'mêm kơ 'Bok Kei-Dei hăm bôl buăl tơ ala teh âu mơ̆n.