Galati 5:11 - Sơ̆p Hlabơar Nơ̆r 'Bok Kei-Dei

¹¹ Ơ 'nhŏng oh, dah inh bơtho athei đe kăt tơdra akar, lei lu bơngai Juđê huay kơ pơm kơnê̆ kơ inh ôh. Na 'nâu inh bơtho gah tơdrong lu bơ̆n lui kơ Yêsu lôch tang bơ̆n tơ 'long pơglang wă kơ gơh klaih đơ̆ng tơdrong yoch ră, na dang ei lu sư ưh kơ lăp đon kơ inh boih. Lu sư oei hăt kơ tơdrong kăt tơdra akar đĕch khan trŏ dêh.

Galati 5:11 ပူးပေါင်းရင်းမြစ်များ

Êsai 8:14

Sư gô jing anih kơ'nơp kơjăp Mă Sư kư̆m thoi tơmo pơm kơ đe kơtơih pơ̆k păng tơmo tih pơm kơ Isơrael păng Juđa huŏng păng thoi hơđong hơnhuăl đăk kơ kon pơlei oei lăm pơlei Jêrusalem mơ̆n.

Jang 16:3

Pôl wă kơ Timôthê năm hơdai păng sư bơtho tơdrong 'Bok Kei-Dei. Na sư kăt tơdra akar Timôthê wă kơ lu bơngai Juđê oei tơ tơring ei huay kơ ơh klai, yua kơ đĭ-đăng bơngai Juđê ei băt kơ 'bă sư bơngai Grĕk.

Jang 21:21

Lu sư kơtơ̆ng đe jô̆ kơ ih bơtho lu bơngai Juđê tơ dêh đe tơmoi khan ih athei lu sư tŭk đĭ tơdrong juăt Môis păng tŭk tơdrong kăt tơdra akar lu kon sư păng tŭk đĭ dôm tơdrong juăt Juđê mơ̆n.

Jang 21:28

Lu sư pơma 'bơ̆r re khan: “Ơ bơngai Isơrael, tơgŭm nhôn 'biơ̆ bĕ. Bơngai âu boih năm jơ̆p-jang kơ teh đak bơtho athei đe hil areh kơ bơngai Isơrael bơ̆n, athei đe tŭk lê̆ tơdrong juăt Môis păng hnam akŭm 'Bok Kei-Dei tơm âu. Na dang ei sư kư̆m anhăk ba bơngai tơmoi khŭl nai lăm hnam akŭm 'Bok Kei-Dei tơm âu, na pơm kơ hnam 'Bok Kei-Dei âu đơ̆ng 'lơ̆ng jing kơnê̆ 'mê̆-'mach.”

I Kor 1:18

Lu bơngai wă hiong răm, lu sư lăng tơdrong bơ̆n bơtho gah tơdrong Yêsu Krist lôch tơ 'long pơglang, lu sư lăng dang tơdrong kơtul đĕch. Mă-lei gah bơ̆n, bơ̆n băt tơpă tơdrong Yêsu lôch tơ 'long pơglang kăl dêh, noh tơdrong mơsêh mơyang 'Bok Kei-Dei pơklaih bơ̆n.

I Kor 1:23

Gah bơ̆n bơtho khan kơ đe tơdrong Yêsu lôch tơ 'long pơglang, mă-lei bơngai Juđê ơh klai, na mă lu bơngai nai lăng bơ̆n bơtho tơdrong 'noh nhen tơdrong kơtul đĕch.

I Kor 15:30

Gah inh đe ling-lang wă pơm kơnê̆ kơ inh kơlih kơ inh adrin jang tơdrong 'Bok Kei-Dei. Na dah inh lôch ning-mônh ưh kơ đei iung arih đơ̆ng lôch, lei thoi yơ inh wă adrin jang thoi dang ei?

Galati 2:3

Tĭt sư bơngai Grĕk sư kư̆m lui kơ Yêsu boih, sư ưh tam mă kăt tơdra akar sư kiơ̆ kơ tơdrong juăt nhôn bơngai Juđê, mă-lei lu bơngai pơgơ̆r bơngai lui kư̆m ưh kơ đei athei Tĭt kăt tơdra akar sư mơ̆n.

Galati 3:1

Ơ bơngai Galati, iĕm ưh kơ hlôh tơpă iih, iĕm lui kiơ̆ kơ đe pơtuah iĕm? Sơ̆ nhôn bơtho iĕm nhên tơpă boih gah tơdrong Kră Yang Yêsu Krist lôch tang iĕm tơ 'long pơglang.

Galati 4:29

Hơtai noh sơ̆ kon yă Hơgar bơngai mă tơpŭ rok thoi bôl buăl, lăp sư 'lŏ boih sư pơm kơnê̆ kơ kon mă tơpŭ kiơ̆ thoi Yang Bơhngol 'Lơ̆ng tơgŭm. Na dang ei kư̆m thoi noh mơ̆n. Lu bơngai mă gơnang kơ akâu sư kơdih wă kiơ̆ tơdrong juăt Môis, lu sư pơm kơnê̆ kơ lu kon 'Bok Kei-Dei mă đơ̆ng Yang Bơhngol 'Lơ̆ng ăn tơpŭ kiơ̆ thoi Sư wă.

Galati 6:12

Lu bơngai wă pơang akâu kơdih, sư wă kơ đe jô̆ sư bơngai 'lơ̆ng, mă tơpă sư boih wă pơgŏ iĕm kăt tơdra akar. Sư pơgŏ iĕm thoi noh sư wă kơ đe huay kơ areh păng pơm kơnê̆ kơ sư. Dah sư khan bơ̆n ưh kơ kăl kăt tơdra akar, athei lui kơ Yêsu Krist lôch tang bơ̆n tơ 'long pơglang đĕch, lei sư hli kơ đe nai pơm kơnê̆ kơ lu sư dơ̆ng.

Galati 6:17

Đơ̆ng âu tơ anăp, mă bu bu 'nĕ pă pơma khan inh ưh kơ trŏ kơ bơngai jơ̆ng 'bang Yêsu dah khan inh ưh kơ bơtho tơdrong Sư tơpă. Inh jơ̆ng 'bang Sư tơpă na inh gơh đei rơka đêl đe tôn teh inh âu.