Galati 4:7 - Sơ̆p Hlabơar Nơ̆r 'Bok Kei-Dei

⁷ Thoi noh bơ̆n huay pă thoi bơngai đĭch dơ̆ng boih yua kơ 'Bok Kei-Dei ăn kơ bơ̆n jing kon Sư. Yua kơ bơ̆n kon Sư na Sư ăn kơ bơ̆n tôm tơdrong 'lơ̆ng.

Galati 4:7 ပူးပေါင်းရင်းမြစ်များ

Bl 15:1

Đơ̆ng rŏng kơ tơdrong noh, đei nơ̆r Kră Yang khan dơ̆ng kơ Abram lăm tơdrong tơ'bôh thoi âu: “Ơ Abram ih 'nĕ kơ hli; Inh âu jơ̆ khêl pĕng ih; ih gô đei tơmam apah tih tơpă.”

Horiso 16:5

Kră Yang jơ̆ mŭk inh yua păng kơchŏkb inh nhă: Ih boih wei-lăng chăl arih inh.

Horiso 73:26

Sĕch akar păng jơhngơ̆m inh gô răm; Mă-lei Kră Yang 'Bok Kei-Dei ăn jơhngơ̆m inh pran kơtang păng tơmam inh yua gĭt ling-lang.

Je 10:16

Tơmam Kră Yang 'Bok Kei-Dei 'măn kơ Jakôp ưh kơ trŏ thoi noh ôh, yua kơ Sư boih pơjing kơ đĭ-đăng tôm tơmam, mă bơngai Isơrael kư̆m adrĕch adrung Sư; Kră Yang Tih Hloh noh anăn Sư.

Je 31:33

“'Nâu mă nơ̆r Inh gô pơgơ̆p hăm adrĕch Isơrael đơ̆ng rŏng kơ năr noh kơnh,” Kră Yang khan. “Inh gô 'măn tơdrong juăt Inh tơ lăm kơ̆l 'ngok lu sư; păng chih tơdrong juăt Inh tơ lăm jơhngơ̆m lu sư. Inh Kră Yang 'Bok Kei-Dei lu sư na lu sư jing kon pơlei pơla Inh.”

Nhom 3:24

Bơhngol inh khan: Kră Yang jơ̆ tơdrong jang sa inh, Na jơhngơ̆m inh gơnang kơ Sư.

Mathiơ 6:24

“Minh 'nu đĭch ưh kơ gơh jang kơ 'bar 'nu yŏng ôh, hli kơ sư 'mêm kơ yŏng âu, areh kơ yŏng to; chu yom kơ yŏng to, pơjăm pơjuă yŏng âu. Na mŭk tơmam kư̆m dang pơm yŏng mơ̆n. Dah iĕm băt 'mêm kơ 'Bok Kei-Dei Yŏng iĕm tơpă lei iĕm ưh kơ 'mêm kơ dôm mŭk tơmam tơ ala teh âu ôh.

Galati 3:26

Dang ei đĭ-đăng kơ bơ̆n jing kon 'Bok Kei-Dei boih yua kơ bơ̆n lui kơ Yêsu.

Galati 3:29

Dah bơ̆n pôm đon hăm Yêsu Krist, lei lu bơ̆n dang kon sâu Abraham tơpă, na 'Bok Kei-Dei gô tơgŭm bơ̆n dôm tơdrong 'lơ̆ng thoi Sư pơkă kơ Abraham sơ̆.

Galati 4:31

Na gah bơ̆n dang ei, bơ̆n ưh kơ sĭ thoi kon mă akăn đĭch sư noh ôh, bơ̆n thoi kon mă akăn rơngei sư noh.

Tơdrông Tơ'bôh 21:7

Bu adrin tơblah păng yang kơnê̆ jei sư, sư gô đei tôm tơdrong noh, Inh jing Kră Yang sư, sư jing kon Inh.