Galati 4:29 - Sơ̆p Hlabơar Nơ̆r 'Bok Kei-Dei

²⁹ Hơtai noh sơ̆ kon yă Hơgar bơngai mă tơpŭ rok thoi bôl buăl, lăp sư 'lŏ boih sư pơm kơnê̆ kơ kon mă tơpŭ kiơ̆ thoi Yang Bơhngol 'Lơ̆ng tơgŭm. Na dang ei kư̆m thoi noh mơ̆n. Lu bơngai mă gơnang kơ akâu sư kơdih wă kiơ̆ tơdrong juăt Môis, lu sư pơm kơnê̆ kơ lu kon 'Bok Kei-Dei mă đơ̆ng Yang Bơhngol 'Lơ̆ng ăn tơpŭ kiơ̆ thoi Sư wă.

Galati 4:29 ပူးပေါင်းရင်းမြစ်များ

Bl 21:9

Sara 'bôh kon drŏ-nglo mă Hagar, bơngai Êyiptơ, đei tơpŭ ăn kơ Abraham kon drŏ-nglo noh hiĕk che bơle kơ Isăk.

Yo 15:9

Inh 'mêm kơ iĕm kư̆m thoi 'Bă Inh 'mêm kơ Inh mơ̆n. Iĕm 'nĕ kơ achăng Inh hŏ na Inh gô 'mêm kơ iĕm, wei-lăng iĕm ling-lang.

Yo 3:5

Yêsu khan kơ sư: “Inh khan kơ ih boih, bơngai bu ưh kơ tơpŭ ming 'nao, bơngai 'noh ưh kơ layơ wă đei 'Bok Kei-Dei pơm Pơtao pơgơ̆r sư, mă dang ei mă tơ dêh char Sư ning-mônh. Tơdrong tơpŭ ming 'nao 'noh đơ̆ng Yang Bơhngol 'Lơ̆ng. Sư pơm kơ bơ̆n jơhngơ̆m 'lơ̆ng, na bơ̆n iŏk 'batem păng đak, thoi noh boih tơdrong tơpŭ ming 'nao.

Rom 8:1

Yua kơ thoi noh na dôm lu bơ̆n bơngai mă lui kơ Yêsu Krist, 'Bok Kei-Dei ưh pă wă phak lu bơ̆n dơ̆ng boih.

Rom 8:13

Dah bơ̆n oei gơnang kơ akâu bơ̆n kơdih, bơ̆n gô pŭ tơdrong phak. Dah bơ̆n gơnang kơ Yang Bơhngol 'Lơ̆ng wă hŭt lê̆ tơdrong bơ̆n kơdih lei ning-mônh bơ̆n gô arih ling-lang.

Galati 4:23

Kon sư mă tơpŭ đơ̆ng sư iŏk kơdih đĭch sư noh, sư tơpŭ rok thoi bôl buăl hmă. Mă-lei kon đơ̆ng akăn tơm sư noh, sư tơpŭ kiơ̆ thoi 'Bok Kei-Dei mơnat kơ Abraham khan wă gô ăn kơ sư kon.

Galati 5:11

Ơ 'nhŏng oh, dah inh bơtho athei đe kăt tơdra akar, lei lu bơngai Juđê huay kơ pơm kơnê̆ kơ inh ôh. Na 'nâu inh bơtho gah tơdrong lu bơ̆n lui kơ Yêsu lôch tang bơ̆n tơ 'long pơglang wă kơ gơh klaih đơ̆ng tơdrong yoch ră, na dang ei lu sư ưh kơ lăp đon kơ inh boih. Lu sư oei hăt kơ tơdrong kăt tơdra akar đĕch khan trŏ dêh.