Galati 4:26 - Sơ̆p Hlabơar Nơ̆r 'Bok Kei-Dei

²⁶ Mă-lei kư̆m đei minh pôm Pơlei Jêrusalem nai tơ kơpal plĕnh ti đĕch gơh rơngei. Lu bơngai mă gô oei tơ noh gơh rơngei, yua kơ lu sư lui kơ Yêsu Krist. Pơlei noh wă pơtih gia kơ yă Sara mĕ bơ̆n.

Galati 4:26 ပူးပေါင်းရင်းမြစ်များ

Êsai 50:1

Kră Yang khan: “Hla bơar achăng mĕ lu iĕm tơ yơ bơih? Bơngai mă Inh hrĕch achăng bơih. Dah bu mă tơ'ngla Inh hre. Mă đêl inh tĕch lu iĕm ăn kơ tơ'ngla noh? Inh tĕch iĕm yua kơ đơ̆ng tơdrong yoch iĕm kơdih: Hrĕch achăng lê̆ mĕ lu iĕm yua kơ đơ̆ng tơdrong kơnê̆ lu iĕm pơm.

Êsai 52:9

Ơ lu anih bri juơ pơlei Jêrusalem, iung hơri hiôk chơt hơdai bĕ, yua kơ Kră Yang pơlung kon pơlei Sư, huai iŏk dơ̆ng bơih Jêrusalem.

Êsai 65:18

Mă-lei athei 'nă hal păng chơt hiôk ling-lang khŏm khŏm lăm tôm tơdrong kiơ Inh đei pơjing. Tơpă Inh đei pơjing pơlei Jêrusalem thoi tơm tơdrong hiôk chơt păng pơjing kon pơlei lăm pơlei noh thoi minh tơdrong hiôk chơt.

Êsai 66:10

“Hiôk chơt bĕ hơdai hăm pơlei Jêrusalem ơ lu bơngai mă 'mêm kơ pơlei Jêrusalem. Hiôk chơt bĕ yua kơ sư, ơ lu bơngai mă nhơ̆m hmoi kơ Jêrusalem, athei đĭ jơhngơ̆m chơt hiôk 'nă hal hơdai hăm sư.

Hôsia 2:2

Chrih bĕ kơ mĕ lu iĕm, chrih bĕ yua kơ sư noh ưh kơ sĭ akăn Inh, Inh kư̆m ưh kơ sĭ kơ klo sư! Sư athei hŭt lê̆ mă ataih tơdrong pơm pơyô kư̆ kă đơ̆ng sư tơdrong kơđang kơ̆l hơko đơ̆ng alam toh sư;

Hôsia 2:5

Mĕ lu sư pơm boih pơyô kư̆ kă, anăp kơ lu sư hăm tơdrong mơlâu. Sư khan: Inh gô kiơ̆ lu pơyô inh, lu sư ăn kơ inh por sŏng đak nhă, che, sŏk triu, đak rơmă păng ăn kơ inh tơmam huch sa.

Hôsia 4:5

Ih gô kơtơih kơ năr, kơmăng gah 'bok khan lê̆ adrol kư̆m gô kơtơih pơ̆k hăm ih păng Inh gô pơlôch mĕ ih.

Jôel 3:17

Kơplah noh na lu iĕm gô băt Inh boih Kră Yang 'Bok Kei-Dei lu iĕm, oei tơ kông Siôn, noh kông rơgoh Inh. Pơlei Jêrusalem jing 'lơ̆ng rơgoh, păng lu bơngai tơmoi ưh pă năm yak trong noh dơ̆ng.

Yo 8:36

Thoi noh na dah Kon Sư ăn iĕm rơngei, na iĕm gô rơngei tơpă.

Rom 6:14

Bơngai bu oei gơnang kơ akâu sư kơdih kiơ̆ tơdrong juăt 'Bok Kei-Dei pơkă ưh kơ kĕ ôh, lei bơngai 'noh sư oei pơm yoch hơnơ̆ng; bơ̆n athei gơnang kơ tơdrong Yêsu lôch tang bơ̆n păng tơgŭm bơ̆n, na bơ̆n huay pă pơm yoch.

Rom 6:18

Dang ei iĕm klaih rơngei đơ̆ng tơdrong yoch boih, iĕm jing đĭch 'Bok Kei-Dei dơ̆ng wă pơm 'lơ̆ng tơpăt.

Galati 4:22

Lăm hla bơar sư chih roi sơ̆ khan Abraham đei 'bar 'nu kon drŏ-nglo. Minh 'nu kon đei đơ̆ng sư iŏk đĭch sư pơm akăn. Na gah minh 'nu kon sư dơ̆ng đơ̆ng akăn tơm sư tơpŭ.

Galati 5:1

Kră Yang Yêsu Krist ăn kơ bơ̆n rơngei đơ̆ng dôm tơdrong juăt kon bơngai boih. Thoi noh bơ̆n gơh rơngei tơpă. Na iĕm 'nĕ ăn kơ đe pơhlŭ pơlung iĕm gơnang kơ akâu iĕm kơdih wă kiơ̆ tôm tơdrong juăt Môis dơ̆ng. Dah iĕm pơm thoi noh iĕm wih jing đĭch dơ̆ng.

Philip 3:20

Mă-lei lu bơ̆n bơngai wă oei tơ plĕnh, lu bơ̆n ưh kơ gơh pơm thoi lu sư ôh, lu bơ̆n minh tơdrong chang gô 'Bok Dŏng Pơklaih wă jur ning-mônh đĕch, wă khan Kră Yang Yêsu Krist boih 'noh.

Hêbrơ 12:22

Mă-lei kông mă 'Bok Kei-Dei wă tơ'bôh kơ bơ̆n, ưh kơ sĭ kơ kông Sinai lu bơngai noh sơ̆ ôh. Bơ̆n gô tŏk truh tơ kông Siôn tơ plĕnh ti mă đe anăn Pơlei Jêrusalem, pơlei tơ'ngla 'Bok Kei-Dei mă arih ling-lang. Tơ ei ưh kơ băt dôm rơbâu rơngan 'nu lu linh jang 'lơ̆ng akŭm kơkuh kơ 'Bok Kei-Dei hiôk chơt.

I Pet 2:16

Tơpă mơ̆n bơ̆n bơngai rơngei boih, mă-lei iĕm 'nĕ kơ tơchĕng khan, rơngei boih pơm tơdrong kiơ kư̆m bưh. Ưh ôh, bơ̆n athei pơm thoi bơngai đĭch đam 'Bok Kei-Dei.

Tơdrông Tơ'bôh 12:1

Klaih kơ noh đei tơdrong tơ plĕnh ti hlĭch tơpă, đei minh 'nu bơngai drŏ-kăn hrŭk ao hơdah dang măt 'năr, tơ jơ̆ng sư đei măt khei. Tơ kơ̆l sư yơ̆l môk đei mơjĭt-'bar tŏ sơnglŏng.

Tơdrông Tơ'bôh 17:5

Klĕng bơngai drŏ-kăn noh đe chih anăn sư, mă đe chih tơwer hrĕp. Đe chih thoi âu: “Pơlei Babilôn pơlei tih dêh mĕ kơ lu drŏ-kăn đi, tơ'bôh kơ đe tơdrong 'mê̆ jơ̆p kơ teh đak.”

Tơdrông Tơ'bôh 21:2

Na inh 'bôh Pơlei Jêrusalem 'nao mă đe anăn Pơlei 'Lơ̆ng 'Bok Kei-Dei jur đơ̆ng plĕnh; pơlei Sư 'nao pơm 'lơ̆ng rŏ dêh dang kơ adruh 'nao đah pơhrôp hơbĕn ao 'lơ̆ng wă tơoei băl.

Tơdrông Tơ'bôh 3:12

‘Tơdrong tơblah păng yang kơnê̆ jei bơngai bu, Inh gô ăn kơ bơngai noh pơm jrăng hnam akŭm 'Bok Kei-Dei 'Bă Inh tơ Pơlei 'Lơ̆ng Sư. Sư pơdơ̆ng wei hnam noh ling-lang. Păng Inh chơ̆m đŏng yâu 'Bok Kei-Dei 'Bă Inh tơ klĕng sư păng anăn Pơlei 'Lơ̆ng 'Bok Kei-Dei 'Bă Inh. Pơlei 'noh wă khan Pơlei Jêrusalem 'nao mă 'Bă Inh gô tơjur đơ̆ng plĕnh ning-mônh. Păng Inh kư̆m chơ̆m đŏng yâu Inh tơ klĕng sư. Đŏng yâu noh chih anăn Inh 'nao pơjing.