Galati 4:24 - Sơ̆p Hlabơar Nơ̆r 'Bok Kei-Dei

^24-25 Tơdrong noh sơ̆ wă pơtih gia kơ bơ̆n thoi âu: 'Bar 'nu akăn sư noh wă khan 'bar tơdrong 'Bok Kei-Dei pơgơ̆p hăm bơ̆n. Minh tơdrong pơgơ̆p noh wă khan tơdrong 'Bok Kei-Dei ăn kơ Môis tơdrong juăt tơ kông Sinai lăm dêh Arabia sơ̆. Dôm lu bơngai mă kiơ̆ tơdrong juăt noh sơ̆, lu sư ưh kơ wă gơnang kơ Yêsu ôh. Thoi noh na lu bơngai mă kiơ̆ tơdrong juăt noh lu sư dang lĕ kơ oei đĭch mơ̆n. Tơdrong noh wă pơtih gia kơ yă Hơgar sư đĭch Abraham, na Abraham iŏk pơm akăn kơdih, truh tơ kon sư kư̆m oei dang đĭch mơ̆n. Yă Hơgar kư̆m wă pơtih gia kơ Pơlei Jêrusalem mơ̆n, yua kơ lu kon pơlei Jêrusalem kư̆m oei thoi lĕ kơ đĭch yua kơ lu sư gơnang kơ akâu kơdih wă kiơ̆ tơdrong juăt Môis khan gơh klaih đơ̆ng tơdrong yoch.

Galati 4:24 ပူးပေါင်းရင်းမြစ်များ

Bl 16:8

Na jet: “Hagar đam Sarai, ih đơ̆ng yơ?” Hagar tơl: “Inh weh đơ̆ng muh măt Sarai, yŏng tơ'ngla inh.”

Bl 25:12

'Nâu adrĕch adrung Ismael, kon drŏ-nglo Abraham hăm yă Hagar, bơngai Êyiptơ, đam Sara tơpŭ ăn.

Êsêkiên 20:49

Na inh khan, “Ơ Kră Yang, lu sư khan gah inh. ‘Hăm trŏ 'bok noh pơma pơtih đĕch?’ ”

Hôsia 11:10

Sư gô grĕnh thoi dăm-brang, na lu bơngai Isơrael gô kiơ̆ rŏng Kră Yang, mưh Sư arum, na kon sâu Sư đơ̆ng gah bơmơ̆t gô truh hli tơtơ̆.

Mathiơ 13:35

wă kơ trŏ thoi minh 'nu bơngai pơtruh nơ̆r 'Bok Kei-Dei khan lê̆ hơdrol sơ̆ thoi âu: “Inh iŏk tơdrong mă đe ưh tam kơtơ̆ng đơ̆ng 'Bok Kei-Dei pơjing plĕnh teh sơ̆, Wă bơtho pơtih gia kơ lu sư dang ei.”

Rom 8:15

Ưh kơ sĭ 'Bok Kei-Dei ăn Yang Bơhngol 'Lơ̆ng wă kơ bơ̆n jing bơngai đĭch, dah wă kơ bơ̆n oei hli ôh. Sư ăn kơ bơ̆n Yang Bơhngol 'Lơ̆ng wă kơ bơ̆n jing kon Sư. Thoi noh na bơ̆n gơh krao kơ 'Bok Kei-Dei Aba, 'Bă bơ̆n.

I Kor 10:11

Đe chih roi dôm tơdrong lu yă 'bok bơ̆n pơm ưh kơ lăp kơ 'Bok Kei-Dei, na 'Bok Kei-Dei pơrăm lu sư dang noh sơ̆, 'Bok Kei-Dei Sư wă kơ lu bơ̆n mă kon sâu se lu sư mă hơtuch dang ei băt kơ hli, huay pă pơm kơnê̆, thoi lu yă 'bok bơ̆n mă pơm kơnê̆ kơ 'Bok Kei-Dei sơ̆.

I Kor 10:4

păng đak nhă lu sư đơ̆ng 'Bok Kei-Dei ăn mơ̆n. Đak lĕch đơ̆ng tơmo. Tơmo 'noh kiơ̆ bơwei lu sư khŏm khŏm. Tơmo 'noh wă khan 'Bok Krist.

Galati 4:3

Bơ̆n kư̆m thoi noh mơ̆n sơ̆. Lu bơ̆n thoi lĕ kơ bơngai đĭch đe, chu kiơ̆ tôm tơdrong juăt kon bơngai tơpă.

Galati 5:1

Kră Yang Yêsu Krist ăn kơ bơ̆n rơngei đơ̆ng dôm tơdrong juăt kon bơngai boih. Thoi noh bơ̆n gơh rơngei tơpă. Na iĕm 'nĕ ăn kơ đe pơhlŭ pơlung iĕm gơnang kơ akâu iĕm kơdih wă kiơ̆ tôm tơdrong juăt Môis dơ̆ng. Dah iĕm pơm thoi noh iĕm wih jing đĭch dơ̆ng.

Both 33:2

Sư khan: Kră Yang truh đơ̆ng kông Sinai. Pơchrang hơdah kơpal lu bơ̆n đơ̆ng Seirơ, păng rang mơnhal đơ̆ng Kông Paran; Sư truh hăm lơ rơbâu hơngan linh jang, Rang hơdah kơmlat lĕch đơ̆ng ti 'ma Sư.

Hêbrơ 11:19

Abraham sư băt kơ 'Bok Kei-Dei gơh tơiung arih kon bơngai đơ̆ng lôch, na sư tơchĕng kon sư kư̆m gô iung arih, na sư chu wă soi kơ 'Bok Kei-Dei. Kon sư dang lĕ kơ lôch, dang lĕ kơ 'Bok Kei-Dei tơiung arih boih, yua kơ pă 'biơ̆ đĕch wă lôch boih.

Hêbrơ 12:24

Bơ̆n gô năm truh tơ Yêsu tơ'ngla mă pơm 'long sơlam kơ bơ̆n kiơ̆ kơ tơdrong pơgơ̆p 'nao. Pham Sư pơklaih bơ̆n đơ̆ng tơdrong yoch. Pham Sư noh 'lơ̆ng hloh kơ pham Abel sơ̆ yua kơ pham Abel tơ'bôh kơ đe gah tơdrong pơm tơwih kơ 'nhŏng sư pơlôch sư đĕch.

Hêbrơ 13:20

'Bok Kei-Dei oei hăm bơ̆n, ăn kơ bơ̆n hiôk-hian. Sư tơiung arih Yŏng bơ̆n Yêsu Krist, 'Bok mă wei triu 'lơ̆ng rŏ tơpă, yua kơ 'Bok noh soi kơ 'Bok Kei-Dei pham Sư kơdih wă pơgơ̆p bơ̆n hăm 'Bok Kei-Dei ling-lang.

Hêbrơ 7:22

Thoi noh na bơ̆n băt kơ Yêsu pơgơ̆p bơ̆n kơ 'Bok Kei-Dei dang ei hiôk hloh kơ lu 'bok soi noh pơgơ̆p sơ̆.