Galati 4:18 - Sơ̆p Hlabơar Nơ̆r 'Bok Kei-Dei

¹⁸ Gah lu buăl bơ̆n, dah lu sư 'mêm kơ iĕm tơpă trŏ mơ̆n, dah lu sư wă tơgŭm iĕm tơpă. Inh oei păng iĕm inh wă tơpă tơgŭm iĕm; na dang ei inh oei tơ nai, lê̆ kơ buăl bơ̆n dơ̆ng tơgŭm iĕm.

Galati 4:18 ပူးပေါင်းရင်းမြစ်များ

Horiso 119:139

Tơdrong inh tơnăp soh chhông lăm jơhngơ̆m inh. Yua kơ lu bơngai ayăt kơ inh hiơt boih kơ nơ̆r Ih.

Horiso 69:9

Yua kơ tơdrong hưch hanh kơ Hnam Ih dang luăn sa inh. Tơdrong đe hiĕk pơjăm Ih 'bơm boih tơ inh.

Êsai 59:17

Kră Yang iŏk tơdrong tơpăt hrŭk thoi ao mam păng iŏk tơdrong dŏng pơklaih, yơ̆l thoi môk kơlăm Sư iŏk tơdrong pơm 'mong pơm thoi hơbĕn ao hrŭk, sư iŏk đĭ jơhngơ̆m tơnăp wăn tăp tơ akâu pơm thoi hơbĕn ao.

Yo 2:17

Lu bơngai pơhrăm păng Sư kơtơ̆ng Sư pơma thoi noh lu sư 'blŏk kơ tơdrong đe chih khan lê̆ hơdrol lăm sơ̆p hla bơar 'Bok Kei-Dei thoi âu: “Tơdrong hưch hanh kơ hnam Ih dang luăn sa inh.”

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.

Galati 4:13

Iĕm oei 'blŏk mơ̆n rŏ lăng tơm hmơm sơ̆ inh năm chă bơtho đe tơdrong 'nao 'lơ̆ng 'blep kơ inh jĭ jăn na inh drong tơ pơlei iĕm, bơtho ăn kơ iĕm tơdrong 'nao 'lơ̆ng Yêsu Krist.

Galati 4:17

Lu bơngai mă juăt kơ pơtuah iĕm thoi noh, lu sư lăp đon kơ iĕm mơ̆n, mă-lei lu sư kuă kơ tơgŭm iĕm. Lu sư wă kơ iĕm achăng lê̆ inh, na kiơ̆ lu sư. Lu sư wă kơ iĕm 'mêm kơ lu sư.

Galati 4:20

Inh 'maih ră mơ̆n oei hơdai păng iĕm dang ei, wă kơ gơh pơma dơnuh hăm iĕm. Inh đĭ sơleng kơ đon tơpă, ưh kơ băt pơm thoi yơ boih tơdrong iĕm dang ei.

Philip 1:27

Mă-lei iĕm athei lui mă kơjăp, pơm kiơ̆ mă 'blep trŏ thoi tơdrong Yêsu Krist. Thoi noh na mă inh gơh năm tơ iĕm, mă ưh, inh gô kơtơ̆ng tơdrong iĕm lui kơjăp pơgơ̆p băl minh jơhngơ̆m minh đon jang tơdrong Yêsu Krist na jơhngơ̆m inh hiôk.

Philip 2:12

Ơ lu 'nhŏng oh mă inh 'mêm kơeng, iĕm băt boih Yêsu Krist iŏk đon ala thoi noh na iĕm athei adrin pơm kiơ̆ khŏm khŏm păng adrin pơm mă 'blep thoi 'Bok Kei-Dei wă, hli kơ Sư ưh kơ iŏk iĕm kơplah Yêsu Krist jur ning-mônh. Sơ̆ kơplah inh oei hăm iĕm, inh 'bôh iĕm pơm kiơ̆ 'blep tơpă, mă đơ̆ng kơdrô̆ iĕm dang ei inh ưh kơ băt, na iĕm athei kiơ̆ mă tơpă hloh kơ noh dơ̆ng.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Tơdrông Tơ'bôh 3:19

‘Dôm lu bơngai mă Inh 'mêm, Inh bơtho khan kơ lu sư hăm tơdrong gleh truh, pơm kơ lu sư dang Inh tôn dang Inh teh wă kơ lu sư jah tơbral na jing chu. Na dang ei iĕm athei tơbral kơdih tơdrong yoch păng adrin jang tơdrong Inh mă tơpă.