Galati 4:14 - Sơ̆p Hlabơar Nơ̆r 'Bok Kei-Dei

¹⁴ Inh jĭ dang noh ră sơ̆, mă-lei iĕm ưh kơ đei pơchê inh ôh păng iĕm kư̆m chu mơ̆ng inh bơtho iĕm mơ̆n. Iĕm sơng iŏk inh noh sơ̆ dang iĕm sơng iŏk linh jang 'lơ̆ng 'Bok Kei-Dei đơ̆ng plĕnh păng dang sơng iŏk Yŏng bơ̆n Yêsu Krist.

Galati 4:14 ပူးပေါင်းရင်းမြစ်များ

II Sam 14:17

Đam drŏ-kăn pơtao tơchĕng khan dơ̆ng: ‘Apinh nơ̆r đơ̆ng pơtao yŏng tơ'ngla inh pơma pơkă ăn hiôk-hian, yua kơ pơtao yŏng tơ'ngla inh thoi lĕ minh 'nu linh jang 'lơ̆ng Kră Yang 'Bok Kei-Dei, băt kơ lăng tơdrong 'lơ̆ng păng tơdrong kơnê̆. Apinh Kră Yang 'Bok Kei-Dei ih oei hăm ih!’ ”

II Sam 19:27

Sư roi hơlĕnh kơ inh hăm ih yŏng tơ'ngla inh; mă-lei pơtao yŏng tơ'ngla inh thoi lĕ minh 'nu linh jang 'lơ̆ng Kră Yang 'Bok Kei-Dei. Apinh ih pơm kơ inh kiơ̆ kơ ih tơchĕng trŏ.

Jop 12:5

Bơngai oei hiôk 'lơ̆ng pơjăm bơngai đei gleh truh. Bơngai bu tơpling jơ̆ng gô pơ̆k hloi.

Horiso 119:141

Mă inh bơngai iĕ, đe pơjăm pơjuă, Mă-lei ưh kơ đei layơ hiơt kơ nơ̆r Ih bơtho tơtă.

Bôk Bơthô 9:16

Inh khan bơngai hơgei hloh kơ tơdrong kơtang. Mă-lei tơdrong hơgei bơngai dơnuh hin đe pơjăm. Păng sư pơma ưh kơ đei bu wă mơ̆ng.

Sa 12:8

Lăm năr noh, Kră Yang boih Tơ'ngla dŏng tơgŭm kon pơlei oei lăm Jêrusalem păng lăm năr noh lu bơngai mă tơrăn hloh gô pran thoi Đawit, hnam Đawit gô nhen thoi Kră Yang 'Bok Kei-Dei, gô thoi linh jang 'lơ̆ng Kră Yang oei 'bơ̆t anăp lu sư.

Malachi 2:7

Yua kơ hơkŭng 'bơ̆r 'bok soi athei wei tơdrong hlôh wao, lu đe chă tơdrong juăt đơ̆ng lăm 'bơ̆r lu sư, yua kơ lu sư jơ̆ bơngai đơ̆ng Kră Yang Tih Hloh.

Mathiơ 10:40

“Bu sơng iŏk iĕm, bơngai 'noh dang sơng iŏk Inh; bu sơng iŏk Inh, noh dang sư sơng iŏk 'Bă Inh mă wơh Inh.

Mathiơ 18:5

Bơngai bu sơng iŏk bơngai 'lơ̆p âu yua kơ bơngai 'lơ̆p âu lui kơ Inh, bơngai noh dang sơng iŏk Inh.

Mathiơ 25:40

Na Inh bơngai mă pơm Pơtao iĕm gô khan kơ iĕm thoi âu: ‘Inh khan kơ iĕm tơpă, yua kơ iĕm băt tơgŭm mơnat kơ lu 'nhŏng oh Inh âu mă iĕ hloh kơ lu iĕm đe sơ̆, tơdrong iĕm pơm noh dang iĕm tơgŭm Inh mơ̆n.’

Luka 10:16

Yêsu khan dơ̆ng kơ lu bơngai pơhrăm păng Sư: “Bơngai bu mơ̆ng iĕm, sư 'noh dang mơ̆ng Inh mơ̆n. Bơngai bu ưh kơ wă mơ̆ng iĕm, sư 'noh kư̆m ưh kơ wă mơ̆ng Inh mơ̆n. Bơngai bu ưh kơ wă mơ̆ng Inh, sư 'noh kư̆m dang ưh kơ wă mơ̆ng 'Bok Kei-Dei mă wơh Inh mơ̆n.”

Yo 13:20

Inh khan kơ iĕm tơpă wă kơ iĕm băt: Bơngai bu sơng iŏk bơngai mă Inh wơh, bơngai 'noh dang sơng iŏk Inh. Bơngai bu sơng iŏk Inh, noh dang sư sơng iŏk 'Bă Inh mă wơh Inh.”

I Kor 1:28

păng 'Bok Kei-Dei rơih iŏk boih lu bơngai mă pă jing jat pă-tat tơdrong wă pơthuơ lu bơngai pơm tih pơm yŏng.

I Kor 4:10

Đe lăng nhôn jang tơdrong Yêsu Krist thoi bơngai kơtul, đe lăng iĕm thoi lĕ bơngai hơgei tôm tơdrong Yêsu Krist. Nhôn bơngai tơrăn, iĕm bơngai pran. Đe pơjĭp pơjăm nhôn, gah iĕm đe ư-ang.

II Kor 5:20

Dang ei nhôn jang tang Yêsu Krist năm chă bơtho đe. 'Bok Kei-Dei yua nhôn wă pơlung kon bơngai wih tơ Sư. Nhôn jang tang Yêsu Krist khan kơ đe thoi âu: “Bĕ wih tơ 'Bok Kei-Dei.”

Galati 3:26

Dang ei đĭ-đăng kơ bơ̆n jing kon 'Bok Kei-Dei boih yua kơ bơ̆n lui kơ Yêsu.

Galati 3:28

Kră Yang Yêsu Krist đih sơng glơng iŏk đĭ-đăng bơngai lui kơ Sư, ưh kơ đei achăng lê̆ bu bu ôh, mă khan bơngai Juđê, bơngai tơmoi nai, mă bơngai đĭch đe, mă bơngai rơngei, bơngai drŏ-nglo dah drŏ-kăn, đĭ-đăng kơ bơ̆n pôm đon dih băl păng pôm đon hăm Yêsu Krist.

Galati 4:13

Iĕm oei 'blŏk mơ̆n rŏ lăng tơm hmơm sơ̆ inh năm chă bơtho đe tơdrong 'nao 'lơ̆ng 'blep kơ inh jĭ jăn na inh drong tơ pơlei iĕm, bơtho ăn kơ iĕm tơdrong 'nao 'lơ̆ng Yêsu Krist.

Galati 4:15

Inh lăng iĕm chơt hiôk tơpă kơplah inh bơtho iĕm sơ̆. Na lơliơ dang ei iĕm ưh kơ wă kơ inh dơ̆ng? Sơ̆ iĕm 'mêm kơ inh dêh, iĕm 'mêm kơ inh dang wă kuek klong măt iĕm tah tơ klong măt inh.

I Tes 2:13

Nhôn bơnê kơ 'Bok Kei-Dei yua kơ iĕm mơ̆ng nhôn bơtho tơdrong Sư na iĕm kơnăl kơ tơdrong 'Bok Kei-Dei tơpă, iĕm lui hloi. Iĕm ưh kơ đei tơchĕng khan nhôn bơtho tơdrong kon bơngai đĕch ôh. Nơ̆r 'Bok Kei-Dei boih ăn kơ bơngai bơ̆n lui kơ Sư, hăm ăn jơhngơ̆m bơ̆n pran kơtang jang kơ Sư.

I Tes 4:8

Thoi noh boih na bơngai bu mă ưh kơ chu iŏk nơ̆r nhôn bơtho âu, bơngai 'noh sư ưh kơ chu nơ̆r 'Bok Kei-Dei, yua kơ nhôn bơtho nơ̆r 'Bok Kei-Dei tơpă. 'Bok Kei-Dei ăn kơ iĕm Yang Bơhngol 'Lơ̆ng Sư, na iĕm athei pơm 'lơ̆ng tơpăt.

Hêbrơ 13:2

Tơmoi truh athei băt kơ sơng iŏk tơ hnam bơ̆n, mă khan bơ̆n ưh tam mă juăt kơ sư đơ̆ng sơ̆. Đei lu yă 'bok sơ̆, sư sơng iŏk bơngai tơmoi kư̆m thoi noh mơ̆n. Đơ̆ng sơ̆ sư ưh tam mă tơ'bơ̆p lu bơngai tơmoi noh ôh, sư ngêh kơ lu bơngai tơmoi noh kon bơngai bơ̆n đĕch, mă tă kơ lu linh jang 'lơ̆ng 'Bok Kei-Dei đơ̆ng plĕnh.