Galati 3:5 - Sơ̆p Hlabơar Nơ̆r 'Bok Kei-Dei

⁵ Inh wă jet iĕm dơ̆ng: 'Bok Kei-Dei ăn kơ iĕm Yang Bơhngol 'Lơ̆ng păng ăn kơ iĕm gơh pơm tơdrong mơsêh, yua kơ iĕm kiơ̆ tơdrong juăt Môis, dah yua kơ iĕm gơnang kơ Yêsu Krist?

Galati 3:5 ပူးပေါင်းရင်းမြစ်များ

Jang 14:3

Bre Pôl păng 'Barna'ba oei tơ pơlei ei kư̆m đunh 'biơ̆ mơ̆n. Kră Yang tơgŭm bre sư bơtho kư̆m nuih tơpă. Kră Yang ăn kơ bre sư pơm tơdrong mơsêh mơyang wă kơ đe băt kơ bre sư bơtho tơdrong 'Bok Kei-Dei tơpă, wă pơklaih kon bơngai đơ̆ng tơdrong yoch.

Rom 10:17

Gah lu bơ̆n, bơ̆n lui boih, noh đơ̆ng đe năm bơtho tơdrong 'nao 'lơ̆ng Yêsu Krist na bơ̆n lui.

Rom 15:19

Păng dôm tơdrong inh gơh pơm noh đơ̆ng Yang Bơhngol 'Lơ̆ng tơgŭm, mă tơdrong mơsêh, mă tơdrong nai. Thoi noh na inh adrin bơtho tơdrong Yêsu Krist jơ̆p-jang đơ̆ng Pơlei Jêrusalem truh tơ dêh Iliria boih.

I Kor 12:10

Sư ăn kơ bơngai âu gơh pơm tơdrong mơsêh; Sư ăn kơ bơngai to gơh pơtruh nơ̆r 'Bok Kei-Dei. Sư kư̆m ăn kơ bơngai mơ'nah băt kơnăl kơ bơngai bu pơma yua kơ Yang Bơhngol 'Lơ̆ng tơgŭm, bơngai bu ưh. Sư kư̆m đei ăn kơ bơngai mơ'nah gơh pơma nơ̆r hlĭch mă ưh kơ tam băt đơ̆ng sơ̆; Sư kư̆m ăn kơ bơngai nai gơh hlôh nơ̆r 'noh wă kơ tơblơ̆ ăn kơ đe.

II Kor 10:4

Khêl đao nhôn tơblah, ưh kơ thoi khêl đao lu bơngai ala teh âu ôh. Khêl đao nhôn wă khan tơdrong 'bơ̆r mơsêh mơyang 'Bok Kei-Dei, wă pơrăm lê̆ dôm tơdrong kon bơngai gơnang sơđơ̆ng,

II Kor 12:12

Kơplah inh oei hơdai iĕm sơ̆, inh adrin jang tơdrong 'Bok Kei-Dei tơpă, iĕm kư̆m 'bôh lơ tơdrong inh tơbăt kơ iĕm inh pơm jơ̆ng 'bang Yêsu Krist păng iĕm kư̆m 'bôh lơ tơdrong mơsêh mơyang hlĭch hlăch tơpă.

II Kor 13:3

Thoi noh na kơnh pơgê iĕm gô băt kơ Yêsu Krist yua 'bơ̆r inh pơma kơ iĕm. Sư ưh kơ rơdu kơ iĕm ôh, Sư jang lăm lu iĕm kơtang tơpă.

II Kor 3:8

Na bĭ tơdrong Yang Bơhngol 'Lơ̆ng tơgŭm bơ̆n dang ei ưh kơ 'lơ̆ng rŏ tih krưp hloh kơ noh ôh hă?

II Kor 9:10

'Bok Kei-Dei ăn kơ bơngai rei, găr adrĕch păng tơmam sa, sư kư̆m ăn tôm kơ găr adrĕch mă iĕm rei đei plei trem yua kơ iĕm bơngai 'lơ̆ng băt kơ tơgŭm đe.

Galati 3:2

Inh đei tơdrong kăl wă jet iĕm: 'Bok Kei-Dei ăn kơ iĕm Yang Bơhngol 'Lơ̆ng Sư sơ̆, yua kơ iĕm kiơ̆ tơdrong juăt Môis hă? Dah yua kơ iĕm lui kơ Yêsu Krist?

Philip 1:19

Mă đei tơdrong gleh truh kơ inh dang ei jơhngơ̆m inh oei hiôk ling-lang, yua kơ inh băt tơpă inh gô klaih yua kơ iĕm krao khan tơgŭm inh, na Yang Bơhngol 'Lơ̆ng Yêsu Krist gô tơgŭm inh tơpă.