Galati 3:25 - Sơ̆p Hlabơar Nơ̆r 'Bok Kei-Dei

²⁵ Na dang ei Yêsu Krist jur tơ bơ̆n boih, bơ̆n lui kơ Sư boih, na 'Bok Kei-Dei jô̆ bơ̆n bơngai 'lơ̆ng tơpăt hăm Sư, bơ̆n huay pă kăl gơnang kơ tơdrong juăt 'Bok Kei-Dei anhăk bơ̆n tơ Yêsu.

Galati 3:25 ပူးပေါင်းရင်းမြစ်များ

Rom 6:14

Bơngai bu oei gơnang kơ akâu sư kơdih kiơ̆ tơdrong juăt 'Bok Kei-Dei pơkă ưh kơ kĕ ôh, lei bơngai 'noh sư oei pơm yoch hơnơ̆ng; bơ̆n athei gơnang kơ tơdrong Yêsu lôch tang bơ̆n păng tơgŭm bơ̆n, na bơ̆n huay pă pơm yoch.

Rom 7:4

Ơ 'nhŏng oh, tơdrong noh wă pơtih gia kơ bơ̆n dang bơ̆n lôch kiơ̆ Yêsu tơ 'long pơglang sơ̆ boih, na bơ̆n huay pă wă gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă dơ̆ng ôh. Yua kơ dang bơ̆n iŏk bơngai nai boih, wă khan bơ̆n iŏk Yêsu Krist mă 'Bok Kei-Dei tơiung arih đơ̆ng lôch. Dang ei bơ̆n jang tơdrong Sư dang bơ̆n pơyua 'Bok Kei-Dei boih.

I Kor 4:15

Mă iĕm đei mơjĭt-rơbâu 'nu thây bơtho iĕm tơdrong Yêsu Krist, mă-lei iĕm ưh kơ đei 'bă nai ôh, yua kơ inh pơm 'bă pơjing iĕm lui kơ Yêsu Krist păng yua kơ inh bơtho iĕm tơdrong 'nao 'lơ̆ng blŭng-a sơ̆.

Galati 3:24

Pơtih gia kơ tơdrong juăt 'Bok Kei-Dei dang lĕ minh 'nu bơngai anhăk ba lu hơ'lơ̆p pơhrăm chư tơ hnam trưng. Na truh tơ hnam trưng boih na lu đe hơ'lơ̆p ưh pă kăl kơ bơngai năm ba boih. 'Noh kư̆m dang lĕ tơdrong juăt 'Bok Kei-Dei anhăk ba kon bơngai bơ̆n tơ Yêsu Krist, na 'Bok Kei-Dei jô̆ bơ̆n bơngai 'lơ̆ng tơpăt hăm sư yua kơ bơ̆n lui kơ Yêsu.