Galati 3:18 - Sơ̆p Hlabơar Nơ̆r 'Bok Kei-Dei

¹⁸ Mă tơpă 'Bok Kei-Dei wă tơgŭm bơ̆n yua kơ Sư pơkă kơ Abraham bơ̆n sơ̆, ưh kơ sĭ Sư wă tơgŭm bơ̆n yua kơ bơ̆n kiơ̆ tơdrong juăt Sư ôh. Dah 'Bok Kei-Dei tơgŭm bơ̆n yua kơ bơ̆n kiơ̆ tôm tơdrong Sư ată lei bơ̆n ưh kơ kăl kơ tơdrong Sư mơnat kơ bơ̆n tơdrong Sư khan wă tơgŭm kơ bơ̆n dơ̆ng.

Galati 3:18 ပူးပေါင်းရင်းမြစ်များ

Horiso 105:42

Yua kơ Sư 'blŏk kơ nơ̆r pơgơ̆p rơgoh Sư mă đei pơkă hăm Abraham đĭch đam Sư.

Rom 8:17

Pơtih gia kơ 'bă pơjing bơ̆n tơ ala teh âu, sư đei mŭk tơmam sư 'măn lê̆ kơ bơ̆n yua kơ bơ̆n kon sư. Na 'Bă bơ̆n tơ plĕnh ti Sư kư̆m lei-lăi. Sư ăn kơ bơ̆n tơdrong hiôk 'lơ̆ng yua kơ bơ̆n jing kon Sư, kư̆m thoi Sư ăn kơ Kon Sư Yêsu Krist. Mă tơdrong gleh truh kơ bơ̆n kư̆m bưh, noh kư̆m thoi Yêsu sơ̆, ning-mônh bơ̆n gô oei hơdai hăm Yêsu hiôk dêh.

Galati 2:21

Dah 'Bok Kei-Dei jô̆ bơ̆n bơngai 'lơ̆ng tơpăt hăm Sư yua kơ bơ̆n lui kiơ̆ tơdrong juăt Môis đĕch, lei Yêsu Krist lôch tang bơ̆n tơ 'long pơglang noh ưh kơ yua kiơ ôh kơ bơ̆n. Gah inh, inh băt tơpă 'Bok Kei-Dei jô̆ inh bơngai 'lơ̆ng tơpăt hăm Sư yua kơ Kon Sư lôch tang yua kơ tơdrong yoch inh.

Galati 3:10

Mă-lei dôm lu bơngai mă gơnang kơ akâu sư kơdih wă kiơ̆ tơdrong juăt Môis khan gơh klaih đơ̆ng tơdrong yoch păng khan gơh jing bơngai 'lơ̆ng tơpăt hăm 'Bok Kei-Dei, lu bơngai noh kơnh 'Bok Kei-Dei wă phak lu sư, kơlih kơ lăm sơ̆p hla bơar 'Bok Kei-Dei khan boih hơdrol sơ̆ thoi âu: “'Bok Kei-Dei wă phak dôm lu bơngai mă ưh kơ kiơ̆ tôm tơdrong mă chih boih lăm sơ̆p hla bơar tơdrong juăt 'Bok Kei-Dei.”

Galati 3:12

Sơ̆p hla bơar Sư kư̆m đei khan dơ̆ng thoi âu: “Bơngai bu kiơ̆ tôm tơdrong juăt, 'Bok Kei-Dei gô ăn kơ sư arih ling-lang.” Thoi noh na lu bơngai gơnang kơ akâu sư kơdih wă kiơ̆ tơdrong juăt Môis, lu sư kuă kơ gơnang kơ 'Bok Kei-Dei gơh mơnat ăn kơ lu sư arih ling-lang ôh. Lu sư wă gơnang kơ akâu lu sư gơh pơm kiơ̆ tôm tơdrong juăt đĕch khan gơh arih ling-lang, mă-lei lu sư kư̆m ưh kơ kĕ kiơ̆ ôh.

Galati 3:16

Tơdrong 'Bok Kei-Dei pơkă kơ Abraham noh kư̆m thoi tơdrong pơgơ̆p noh hei mơ̆n, tơdrong noh 'Bok Kei-Dei khan wă ăn kơ Abraham păng kon sâu sư tơpă. Lăm sơ̆p hla bơar 'Bok Kei-Dei khan boih thoi âu: “Tơdrong pơkă noh inh wă ăn kơ kon sâu ih tơpă.” Mă-lei ưh kơ đei khan wă ăn đĭ-đăng kơ lu kon sâu sư hloi ôh. Sư wă ăn kơ minh 'nu bơngai đĕch, bơngai noh wă khan Yêsu Krist.

Galati 3:26

Dang ei đĭ-đăng kơ bơ̆n jing kon 'Bok Kei-Dei boih yua kơ bơ̆n lui kơ Yêsu.

Galati 3:29

Dah bơ̆n pôm đon hăm Yêsu Krist, lei lu bơ̆n dang kon sâu Abraham tơpă, na 'Bok Kei-Dei gô tơgŭm bơ̆n dôm tơdrong 'lơ̆ng thoi Sư pơkă kơ Abraham sơ̆.