Galati 3:17 - Sơ̆p Hlabơar Nơ̆r 'Bok Kei-Dei

¹⁷ Tơdrong inh pơma pơtih gia gah tơdrong pơgơ̆p băl noh hei, inh wă khan thoi âu: Kră Yang 'Bok Kei-Dei pơkă kơ Abraham păng đĭ-đăng lu bơ̆n kon sâu sư sơ̆, khan wă tơgŭm lu bơ̆n, Sư wă tơgŭm tơpă. Na đơ̆ng rŏng kơ 'Bok Kei-Dei pơkă thoi noh sơ̆, truh tơ puăn-hrĕng pêng-jĭt sơnăm, na đei Môis pơkă ăn kơ yă 'bok bơ̆n tơdrong juăt 'Bok Kei-Dei dơ̆ng. Mă 'Bok Kei-Dei ăn kơ Môis pơkă ăn kơ bơ̆n tơdrong juăt đơ̆ng rŏng noh, Sư ưh kơ achăng lê̆ tơdrong Sư pơkă hơdrol khan wă tơgŭm bơ̆n noh ôh.

Galati 3:17 ပူးပေါင်းရင်းမြစ်များ

Bl 15:13

Na Kră Yang khan kơ Abram thoi âu: “Inh khan kơ ih tơpă lu adrĕch adrung ih gô oei tơ lăm minh pôm char ưh kơ trŏ char lu sư, oei tơ ei thoi tơmoi đĕch păng pơm đĭch đam kơ char noh, na char noh gô pơjuă pơđep lu sư lăm puăn-hrĕng sơnăm.

Bl 15:18

Lăm năr noh Kră Yang đei nơ̆r pơkă pơgơ̆p pơkăm hăm Abram, na khan thoi âu: “Inh gô ăn kơ adrĕch adrung ih dêh char âu, đơ̆ng glung Êyiptơb dĭng truh tơ glung tih noh, wă khan glung Ơphrat.

Bl 17:19

Kră Yang 'Bok Kei-Dei khan dơ̆ng thoi âu: “Sĭt tơpă, Sara, akăn ih, gô pơjing kơ minh 'nu hơ'lơ̆p drŏ-nglo, na ih gô krao anăn sư Isăkc Inh gô pơgơ̆p pơkă hăm sư, wă pơgơ̆p pơkă ling-lang hăm adrĕch adrung sư.

Jop 40:8

Ih hăm pơ̆n sơngah hŭt lê̆ tơdrong Inh sek tơlang? Khan jô̆ Inh yoch wă pôk kơdih ih khan tơpăt hă?

Horiso 105:9

Tơdrong Sư pơgơ̆p hăm Abraham. Nơ̆r Sư pơkăm hăm Isăk,

Horiso 33:10

Kră Yang pơrăm lê̆ lu dêh char chă đon wă pơm kơnê̆. Tơhiong lê̆ tơdrong kon bơngai pơđâu wă pơm.

Êsai 14:27

Yua kơ Kră Yang Tih Hloh pơkă bơih na bu gơh sŭt lê̆? Ti Kră Yang yơ̆r bơih na bu gơh gơ̆t lê̆?

Êsai 28:18

Kơplah noh tơdrong pơgơ̆p lu iĕm hăm tơdrong lôch gô ưh pă đei, tơdrong lu iĕm pơgơ̆p hăm dêh atâu gô ưh pă đei, tơdah tơdrong anat anot truh 'bĕnh-'bang sư pơrăm lu iĕm, lu iĕm răm đĭ.

Jo 23:19

Kră Yang ưh kơ trŏ thoi minh 'nu kon bơngai gơh pơma hơlĕnh, Kŭm ưh kơ trŏ thoi kon bơngai mă gơh tơplih tơdrong tơchĕng ôh. Tơdrong mă sư khan boih, mă sư jor kơ pơm hă? Tơdrong mă sư pơkă, sư ưh kơ pơm keh hă?

Jo 30:8

Mă-lei dah klo sư băt tơdrong noh, na khă sư, thoi noh nơ̆r sư pơkă noh ưh pă sĭt, gô hiong tôch mă nơ̆r ayơ sư pơma 'bơm ưh kơ đei tơchĕng đơ̆ng 'bơ̆r sư, yua kơ noh na sư chu pŭ, na Kră Yang gô mơnat ăn kơ sư.

Yo 1:17

Môis ată kơ bơ̆n tơdrong juăt đơ̆ng nơ̆r 'Bok Kei-Dei, na Yêsu Krist pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Jang 7:6

'Bok Kei-Dei pơkă kơ sư thoi âu: ‘Lu kon sâu ih gô oei tơ dêh đe puăn-hrĕng sơnăm, kon sâu ih gô oei tơ ei thoi tơmoi đĕch. Đe gô ayăt kơ lu sư, rôp lu sư pơm đĭch đam.’

Rom 3:25

'Bok Kei-Dei Sư sek tơlang kiơ̆ tơdrong tơpăt ngăl, na lu bơngai yoch Sư wă phak tơpă. Mă-lei Sư oei 'mêm kơ kon bơngai, na ăn Kon pôm Sư Yêsu lôch tang kon bơngai tơ 'long pơglang, wă huai iŏk lu bơngai yoch, wă kơ lu bơngai yoch noh lui kơ Kon Sư, gơnang kơ Kon Sư, na 'Bok Kei-Dei jô̆ lu sư jing bơngai 'lơ̆ng rơgoh, Sư huay pă jô̆ yo boih. Kơplah Yêsu tam mă lôch tang sơ̆, đei mơ̆n lu bơngai lui kơ 'Bok Kei-Dei, gơnang kơ 'Bok Kei-Dei, mă-lei Sư huay kơ jô̆ yo ôh dôm tơdrong yoch lu sư, yua kơ Sư wă ăn Yêsu lôch tang lu sư ning-mônh. Tơdrong Sư ăn Kon Sư Yêsu lôch tang kon bơngai noh, Sư wă kơ kon bơngai băt kơ Sư sek tơlang kon bơngai tơpăt.

Rom 3:3

Inh kư̆m băt mơ̆n lu sư mơ'nah ưh kơ wă lui kơ tơdrong 'Bok Kei-Dei ăn kơ lu sư noh; mă lu sư ưh kơ lui, bơ̆n 'nĕ tơchĕng khan 'Bok Kei-Dei wă tŭk dôm tơdrong Sư pơkă wă tơgŭm noh, ưh ôh.

I Kor 1:12

Inh wă roi thoi nơ̆r iĕm khan: “Inh wă kiơ̆ Pôl.” Mơ'nah khan: “Inh wă kiơ̆ Apôlê.” Mơ'nah khan: “Inh wă kiơ̆ Pêtrôs.” Mơ'nah dơ̆ng khan: “Inh wă kiơ̆ Yêsu Krist.”

I Kor 1:17

Mă-lei ưh kơ sĭ Yêsu Krist wơh inh năm chă pơm kơ đe 'batem ôh. Yêsu Krist Sư wơh inh năm chă bơtho đe tơdrong 'nao 'lơ̆ng Sư đĕch păng Sư ưh kơ wă inh bơtho kiơ̆ kơ 'bơ̆r đon inh hơgei ôh. Dah inh bơtho kiơ̆ kơ 'bơ̆r đon inh hơgei lei đe ang inh đĕch, đe ưh kơ đei ang Yêsu mă lôch tơ 'long pơglang mă kăl tơpă, khan wă hiong ngôi đĕch.

I Kor 10:19

Iĕm hăm hlôh inh pơma gah tơdrong kiơ? Păng iĕm 'nĕ tơchĕng gah tơdrong inh pơma gah tơdrong rup yang kơnh iĕm ngêh inh khan 'noh yang tơpă, ưh ôh. Păng tơmam đe sơmah 'noh kơnh iĕm ngêh inh khan 'noh tơmam rup yang tơpă, ưh ôh.

I Kor 7:29

Ơ 'nhŏng oh, inh wă pơma kơ iĕm mă nhên gah tơdrong âu: Năr ei wă jê̆ truh boih na đơ̆ng âu tơ anăp lu bơngai đĭ đei kon akăn athei kiơ̆ tơdrong arih lu bơngai ưh kơ đei kon akăn 'biơ̆, wă kơ gơh adrin jang tơdrong 'Bok Kei-Dei.

II Kor 1:20

Dôm tơdrong 'Bok Kei-Dei pơkă wă tơgŭm, Yêsu Krist năm hloi. Thoi noh na dôm tơdrong bơ̆n krao khan bơ̆n pơma A-men, noh wă khan bơnê kơ 'Bok Kei-Dei tơpăt ling-lang ăn Yêsu Krist jur tơgŭm tơpă.

II Kor 9:6

Iĕm 'nĕ hiơt kơ tơdrong âu: Bơngai bu rei tŏ sĕt gô kĕch tŏ sĕt; bơngai bu rei lơ, sư gô kĕch lơ.

Galati 3:15

Ơ 'nhŏng oh, inh wă pơma tơdrong pơtih gia ăn kơ iĕm thoi âu: Dah 'bar 'nu bơngai pơgơ̆p dih băl tơdrong kiơ kiơ, na chih anăn bre sư tơ lăm hla bơar pơgơ̆p noh, na lu bơngai nai ưh kơ đei bu gơh sut tơhiong lê̆ dah chih pơthim ăn tơ lăm hla bơar pơgơ̆p noh dơ̆ng.

Galati 3:21

Mă 'Bok Kei-Dei pơkă tơdrong juăt Sư đơ̆ng rŏng noh sơ̆, Sư ưh kơ đei wă achăng lê̆ tơdrong Sư pơkă mă hơdrol khan wă tơgŭm bơ̆n ôh. Sơ̆ dah 'Bok Kei-Dei wă pơkă ăn kơ bơ̆n tơdrong juăt plơ̆ng nai, na bơ̆n kiơ̆ tơdrong juăt noh pran kơtang gơh kĕ pơm kiơ̆ tôm tơdrong 'blep trŏ thoi Sư wă, lei 'Bok Kei-Dei kư̆m jô̆ bơ̆n bơngai 'lơ̆ng tơpăt mơ̆n. Mă-lei sơ̆ 'Bok Kei-Dei ưh kơ ăn bơ̆n pơm kiơ̆ thoi noh ôh.

Galati 5:16

Na inh wă khan kơ iĕm thoi âu: Iĕm athei apinh kơdih Yang Bơhngol 'Lơ̆ng mơ̆t pơgơ̆r iĕm ling-lang. Tơdah iĕm pơm thoi noh jơhngơ̆m đon iĕm huay kơ tơchĕng pơm tơdrong kơnê̆ ôh.

Galati 5:4

Bơngai bu gơnang kơ akâu sư kơdih wă pơm kiơ̆ tơdrong juăt Môis, khan 'Bok Kei-Dei jô̆ sư bơngai 'lơ̆ng tơpăt hăm Sư, bơngai mă tơchĕng thoi noh, sư wă achăng lê̆ Kră Yang Yêsu Krist boih păng 'Bok Kei-Dei ưh kơ jô̆ kơ sư bơngai 'lơ̆ng tơpăt hăm Sư ôh.

Êphêsô 2:12

Sơ̆ iĕm ưh tam mă đei 'Bok Krist, iĕm ưh tam mă jing kon 'Bok Kei-Dei thoi lu bơngai Juđê. Dôm tơdrong 'Bok Kei-Dei pơkă wă tơgŭm lu bơngai Juđê, iĕm kư̆m ưh kơ đei. Iĕm ưh kơ đei bu wă tơgŭm. Iĕm ưh kơ băt kơ 'Bok Kei-Dei Sư thoi yơ.

Êphêsô 4:17

Âu inh wă bơtho kơ lu iĕm tơdrong 'Bok Kei-Dei, wă kơ iĕm mơ̆ng inh păng pơm kiơ̆ kơ nơ̆r inh pơma. Lu iĕm 'nĕ pă pơm thoi lu buăl iĕm mă ưh kơ lui. Lu sư tơchĕng kư̆ kă,

Kôlôsê 2:4

Inh khan lê̆ kơ iĕm hơdrol thoi noh, inh wă kơ iĕm huay kơ lui kơ đe pơhlŭ, khan sư hơgei boih, hlôh tơpă boih.

Hêbrơ 11:13

Đĭ kơ hnam dơnŏ sư oei chang gô truh kơ lôch. Lu sư ưh tam đei tôm tơdrong 'Bok Kei-Dei pơkă, mă-lei dang lu sư 'bôh lê̆ boih, lu sư hiôk tơpă, mă khan sư oei tơ noh dang kơ bơngai tơmoi. Lu sư roi kơ đe kư̆m thoi noh, lu sư oei tơ noh dang kơ bơngai tơmoi.

Hêbrơ 7:18

Thoi noh na tơdrong juăt Môis noh sơ̆, 'Bok Kei-Dei tŭk lê̆ boih, yua kơ tơdrong juăt noh ưh kơ pơyua kon bơngai.

I Pet 1:20

Hơdrol kơ 'Bok Kei-Dei pơjing plĕnh teh sơ̆, 'Bok Kei-Dei pơkă khan wă ăn Yêsu Krist jur huai iŏk bơ̆n boih. Na truh tơ lu bơ̆n dang ei khei 'năr mă hơtuch, bơ̆n 'bôh Yêsu Krist jur huai iŏk lu bơ̆n tơpă boih.