Galati 3:16 - Sơ̆p Hlabơar Nơ̆r 'Bok Kei-Dei

¹⁶ Tơdrong 'Bok Kei-Dei pơkă kơ Abraham noh kư̆m thoi tơdrong pơgơ̆p noh hei mơ̆n, tơdrong noh 'Bok Kei-Dei khan wă ăn kơ Abraham păng kon sâu sư tơpă. Lăm sơ̆p hla bơar 'Bok Kei-Dei khan boih thoi âu: “Tơdrong pơkă noh inh wă ăn kơ kon sâu ih tơpă.” Mă-lei ưh kơ đei khan wă ăn đĭ-đăng kơ lu kon sâu sư hloi ôh. Sư wă ăn kơ minh 'nu bơngai đĕch, bơngai noh wă khan Yêsu Krist.

Galati 3:16 ပူးပေါင်းရင်းမြစ်များ

Bl 12:3

Inh gô ăn pŭn hiôk kơ bu mă sơkat kơ ih pŭn hiôk. Inh gô hiap pơtê̆ bơngai bu mă hiap pơtê̆ ih; păng đĭ-đăng adrĕch adrung kon bơngai kơpal teh âu gô đei pŭn hiôk đơ̆ng ih.”

Bl 12:7

Kră Yang pơdah kơ Abram păng pơkă khan: Inh gô ăn adrĕch adrung ih teh đak âu! Đơ̆ng noh, Abram pơm minh pôm chơnang soi kơ Kră Yang, Tơ'ngla mă đei pơdah akâu sư kơ Abram.

Bl 15:5

Na Kră Yang chông sư tơ đaih păng khan: “Ih athei ngoi lăng tơ plĕnh. Dah ih kĕ jô̆ lu sơnglŏng jô̆ bĕ.” Kră Yang khan dơ̆ng: “Adrĕch adrung ih kư̆m gô thoi noh.”

Bl 21:12

Mă-lei Kră Yang 'Bok Kei-Dei khan kơ Abraham thoi âu: “Ih 'nĕ sơ'ngon kơ kon drŏ-nglo ih hăm đĭch ih noh. Sara sư pơma thoi ih athei mơ̆ng sư pơma yua kơ Isăk âu gô pơjing adrĕch adrung ih.

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

Mathiơ 1:1

Yêsu Krist kon sâu pơtao Đawit, mă 'bok kơdră lu sư Abraham. Na tơ ala âu jô̆ tôm lu anăn 'bok kơdră Yêsu Krist sơ̆:

Luka 1:55

Sư pơkă kơ lu 'bok bơ̆n sơ̆, đơ̆ng Abraham truh kơ lu kon sâu sư ning-mônh, khan wă tơgŭm bơ̆n ling-lang.”

Jang 3:25

“Bơ̆n boih kon sâu lu bơngai khan lê̆ hơdrol noh. 'Bok Kei-Dei pơkă ăn kơ lu 'bok kơdră bơ̆n sơ̆, Sư kư̆m pơkă ăn kơ bơ̆n lei-lăi mơ̆n. Sư khan kơ Abraham: ‘Yua kơ đei minh 'nu Kon Sâu ih na đĭ-đăng khŭl bơngai ala teh gô hiôk.’

Rom 12:5

Lu bơ̆n bơngai lui kơ Sư kư̆m thoi noh, lu bơ̆n jing minh jơhngơ̆m minh đon păng Yêsu Krist, tơduă bơ̆n kư̆m pơm minh jơhngơ̆m minh đon lei-lăi.

Rom 4:13

Sơ̆ 'Bok Kei-Dei pơkă khan wă ăn kơ Abraham păng lu kon sâu sư pơgơ̆r jơ̆p kơ teh đak. 'Bok Kei-Dei pơkă kơ Abraham thoi noh sơ̆ yua kơ Abraham lui păng gơnang kơ 'Bok Kei-Dei tơpă, na 'Bok Kei-Dei jô̆ sư bơngai 'lơ̆ng tơpăt; ưh kơ sĭ yua kơ Abraham kĕ kiơ̆ tôm tơdrong juăt Sư pơkă ôh.

Rom 4:16

'Bok Kei-Dei pơkă khan wă ăn kơ lu kon sâu Abraham pơgơ̆r jơ̆p kơ teh đak. Tơdrong Sư pơkă noh, Sư wă ăn kơ bơngai bu mă lui kơ Sư; yua kơ Sư mơnat, na Sư ăn. Lu bơngai Juđê mă adrin kiơ̆ tơdrong juăt Sư pơkă, wă khan lu bơngai mă gơnang kơ Sư hăm đĭ jơhngơ̆m, lu bơngai noh Sư ăn. Mă-lei ưh kơ sĭ Sư ăn pôm lu đe noh đĕch ôh. Sư ăn kơ đĭ-đăng hăm lu bơngai tơmoi hai, wă khan lu bơngai mă lui 'blep trŏ thoi 'bok bơ̆n Abraham sơ̆. Thoi noh na Abraham boih pơm 'bok kơdră 'bă tơm đĭ-đăng kơ lu bơ̆n sơ̆.

Rom 9:4

Lu sư boih đe anăn bơngai Isơrael, lu sư boih 'Bok Kei-Dei jô̆ khan kon Sư; 'Bok Kei-Dei oei hơdai hăm lu sư, pơkă khan wă tơgŭm lu sư. 'Bok Kei-Dei pơkă kơ lu sư tơdrong juăt wă kơ lu sư kiơ̆ păng bơtho lu sư soi sơmah kơkuh kiơ̆ trŏ thoi Sư wă.

I Kor 12:12

Akâu jăn kon bơngai bơ̆n đei lơ chăl, mă-lei hơdôm tŏ chăl 'noh pơjing kơ minh 'nu bơngai đĕch, thoi noh boih na đĭ-đăng lu bơ̆n bơngai lui kơ Yêsu Krist kư̆m lei-lăi thoi noh mơ̆n, bơ̆n jing minh jơhngơ̆m minh đon akŭm păng Yêsu Krist.

I Kor 12:27

Akâu bơ̆n noh wă pơtih gia kơ dôm lu bơngai mă pơgơ̆p minh jơhngơ̆m minh đon hăm Yêsu Krist, na rim kơ chăl noh pơgơ̆p jing minh pôm akâu bơngai đĕch.

II Kor 11:22

Lu bơngai noh bơngai Hêbrơ hă? Inh kư̆m bơngai Hêbrơ. Lu bơngai noh bơngai Isơrael hă? Inh kư̆m bơngai Isơrael. Lu sư kon sâu Abraham hă? Inh kư̆m kon sâu 'bok noh.

Galati 3:19

Yua kơ kiơ 'Bok Kei-Dei pơkă kơ bơ̆n tơdrong juăt Sư? Yua kơ Sư wă tơbăt ăn kơ bơ̆n tơdrong 'lơ̆ng tơdrong kơnê̆. Mă-lei dôm tơdrong 'lơ̆ng trŏ kơ tơdrong juăt Sư pơkă kơ bơ̆n noh, Sư wă kơ kon bơngai lui kiơ̆ truh tơ kon sâu Abraham đei minh 'nu bơngai mă 'Bă Sư 'Bok Kei-Dei wă tơgŭm Sư noh. Tơdrong juăt 'Bok Kei-Dei pơkă sơ̆, linh jang 'lơ̆ng ăn kơ Môis tơdrong juăt noh na Môis ăn kơ kon bơngai. Thoi noh Môis pơm 'long sơlam kơ kon bơngai hăm 'Bok Kei-Dei.

Galati 3:8

'Bok Kei-Dei băt hơdrol đơ̆ng sơ̆ boih gah tơdrong lu bơngai mă lui kơ Sư, mă bơngai Juđê, mă bơngai khŭl nai, Sư jô̆ 'lơ̆ng tơpăt ngăl. Kơlih kơ thoi noh na Sư roi tơdrong 'nao 'lơ̆ng noh hơdrol kơ Abraham sơ̆ thoi âu: “Ơ Abraham, yua kơ ih, na Inh wă tơgŭm tôm kơ khŭl bơngai oei tơ ala teh.”

Êphêsô 5:32

'Bok Kei-Dei tơbăt ăn kơ bơ̆n tơdrong noh kăl tơpă. Tơdrong noh wă khan Yêsu Krist hăm lu bơngai lui kơ Sư dang lĕ kơ minh sĕch minh akar boih.

Kôlôsê 2:19

Lu bơngai noh ưh kơ pơm pôm đon hăm Yêsu Krist ôh. Yêsu Krist boih pơm tơm kơ bơ̆n; Sư thoi kơ̆l, lu bơ̆n mă lui kơ Sư tơpă, thoi kơ akâu Sư hăm jơ̆ng ti Sư. Yua kơ Sư na đĭ lăm trôm akâu bơ̆n băt kơ pơgơ̆p băl. Sư bơ̆jang lăm trôm akâu Sư noh wă khan lu bơ̆n bơngai lui, thoi lĕ kơ 'me tơmam sa, na bơ̆n rai đunh rai wơ̆, rai gơh tơchĕng trŏ thoi 'Bok Kei-Dei wă.

Kôlôsê 3:11

Đĭ-đăng kơ bơ̆n dang minh khŭl bơngai đĕch; mă bơngai Grĕk, mă bơngai Juđê, mă bơngai kăt tơdra akar, mă bơngai ưh, mă bơngai tơmoi, mă bơngai pơlei kơtă, mă bơngai đĭch đe, mă bơngai rơngei, Yêsu Krist pơgơ̆r đĭ-đăng, hăm oei hơdai đĭ rim khŭl bơngai 'noh.