Galati 3:11 - Sơ̆p Hlabơar Nơ̆r 'Bok Kei-Dei

¹¹ Thoi âu dơ̆ng, bơ̆n băt boih dôm lu bơngai mă gơnang kơ akâu sư kơdih pơm kiơ̆ tơdrong juăt Môis, lu sư 'noh 'Bok Kei-Dei ưh kơ jô̆ lu sư bơngai 'lơ̆ng ôh. Bơ̆n băt thoi noh boih yua kơ sơ̆p hla bơar 'Bok Kei-Dei khan boih thoi âu: “Bơngai bu lui păng gơnang kơ 'Bok Kei-Dei, 'Bok Kei-Dei jô̆ sư bơngai 'lơ̆ng tơpăt ăn kơ sư arih ling-lang.”

Galati 3:11 ပူးပေါင်းရင်းမြစ်များ

I Pot 8:46

“Mưh đơ̆ng lu sư pơm yoch 'bơ̆t anăp ih, ưh kơ đei bu ưh kơ pơm yoch, Ih blĕk ơh ăn kơ lu sư đei tơdrong gleh oei lăm ti lu bơngai ayăt, tơdah đe rôp ba lu sư tơ dêh char nai, mă đơ̆ng ataih dah jê̆,

Jop 40:4

Inh bơngai ưh kơ yua kiơ liơ inh gơh tơl Kră Yang? Inh iŏk ti đơ̆p 'bơ̆r ưh kơ pơ̆n pơma.

Jop 42:6

Yua kơ thoi noh, inh mơlâu dêh kơ tơdrong inh pơma păng apinh tơbral lăm 'mui tơnuh.

Jop 9:3

Tơdah wă pơjah hăm Kră Yang 'Bok Kei-Dei, Sư jet rơbâu nơ̆r ưh kơ đei bu gơh tơl minh nơ̆r,

Horiso 143:2

Apinh 'nĕ kơ sek tơlang kơ đĭch đam Ih; Yua kơ 'bơ̆t anăp Ih, ưh kơ đei bơngai bu arih tơpăt.

Horiso 19:12

Bu băt kơdih đei yoch glăi? Apinh Kră Yang mơnat tơdrong yoch mă inh ưh kơ băt.

Bôk Bơthô 7:20

Tơpă, lăm teh đak âu ưh kơ đei minh 'nu tơpăt, pơm 'lơ̆ng ling-lang ưh kơlah pơm yoch.

Êsai 53:6

Đĭ-đăng lu bơ̆n thoi triu jrok trong. Rim 'nu kiơ̆ trong kơdih: Lei na Kră Yang iŏk đĭ tơdrong yoch lu bơ̆n tơpŭ ăn kơ sư.

Êsai 6:5

Inh ôr khan: “Răm-'băm dêh kơ inh! Inh đĭ răm bơih! Yua kơ inh jơ̆ minh 'nu bơngai đei 'bơ̆r kơnê̆ 'mê̆-'mach, oei hơdai hăm kon pơlei đei 'bơ̆r kơnê̆ 'mê̆ mach, yua kơ măt inh lăng 'bôh bơih pơtao, noh bơih Kră Yang Tih Hloh!”

Êsai 64:6

Lu nhôn đĭ-đăng jing nhen thoi bơngai 'mê̆-'mach bơih, dôm tơdrong tơpăt lu nhôn, nhen thoi ao mơgrĭ. Lu nhôn đĭ-đăng tă kơ nhen hla jô, păng tơdrong kơnê̆ lu nhôn nhen thoi kial pơđông đĭ lu nhôn.

Habakuk 2:4

Lu bơngai pơang, lăm jơhngơ̆m sư ưh kơ đei tơpăt, Mă-lei lu bơngai tơpăt gô arih yua đơ̆ng jơhngơ̆m đon lui sư kơdih.

Rom 1:17

Yua kơ bơ̆n lui kơ tơdrong 'nao 'lơ̆ng Yêsu Krist, na 'Bok Kei-Dei jô̆ bơ̆n jing bơngai 'lơ̆ng hăm Sư. Sư jô̆ bơ̆n thoi noh yua kơ minh tơdrong bơ̆n lui kơ Kon Sư đĕch. 'Noh kư̆m thoi đe roi lăm sơ̆p hla bơar Sư sơ̆ thoi âu: “Bơngai bu lui kơ 'Bok Kei-Dei, 'Bok Kei-Dei jô̆ sư bơngai 'lơ̆ng tơpăt ăn kơ sư arih ling-lang.”

Galati 2:16

Mă-lei nhôn lui kơ Yêsu boih, nhôn băt kơdih 'Bok Kei-Dei jô̆ lu nhôn 'lơ̆ng tơpăt hăm Sư noh yua kơ nhôn lui păng gơnang kơ Yêsu Krist, ưh kơ sĭ yua kơ nhôn lui kiơ̆ tơdrong juăt Môis khŏm khŏm na 'Bok Kei-Dei jô̆ bơ̆n 'lơ̆ng tơpăt hăm Sư ôh. Dang ei nhôn lui boih kơ Yêsu Krist, na mă 'Bok Kei-Dei jô̆ nhôn bơngai 'lơ̆ng tơpăt hăm Sư. Ưh kơ đei bu 'Bok Kei-Dei wă jô̆ sư 'lơ̆ng tơpăt, dah sư oei gơnang kơ akâu sư kơdih wă kiơ̆ tơdrong juăt Môis.

Hêbrơ 10:38

Lu bơngai 'lơ̆ng tơpăt kiơ̆ Inh, lu sư gô đei tơdrong arih, yua kơ lu sư đei đon lui. Mă-lei dah bơngai bu lêl kơdŭn tơ rŏng kuă kơ kiơ̆ Inh khŏm khŏm, bơngai noh Inh ưh kơ lăp đon kơ sư ôh.”

Ya 1:27

Bơngai lui bu băt kơ năm ngôi tơ lu kon mơti, lu bơngai adro apo pơmat-tat kơ'bah kơ'bôch păng sư ưh kơ kiơ̆ thoi lu bơngai tơ ala teh ưh kơ lui, bơngai noh boih 'Bă tơm bơ̆n 'Bok Kei-Dei jô̆ sư lui kơjăp hăm pơm tơpăt.

Ya 3:2

Đĭ-đăng kơ kon bơngai bơ̆n tă kơ bơngai yoch ngăl. Pơtih gia, dah bơngai bu ưh kơ đei yoch lăm tơdrong sư pơma, bơngai noh bơ̆n băt kơ sư bơngai 'lơ̆ng 'biơ̆ mơ̆n păng lăm akâu sư gơh găt hăm bôl buăl tơpă.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.