Galati 2:15 - Sơ̆p Hlabơar Nơ̆r 'Bok Kei-Dei

¹⁵ Nhôn bơngai Juđê đơ̆ng mĕ bơ̆n tơpŭ. Nhôn ưh kơ sĭ bơngai nai ôh. Nhôn kiơ̆ tơdrong juăt 'Bok Kei-Dei pơkă, lu bơngai nai ưh kơ kiơ̆ ôh.

Galati 2:15 ပူးပေါင်းရင်းမြစ်များ

Mathiơ 9:11

Lu bơngai Pharisi 'bôh thoi noh na jet lu bơngai pơhrăm păng Sư thoi âu: “Yua kơ kiơ Yêsu sŏng sa hơdai păng lu bơngai iŏk jên thuê̆ hăm lu bơngai pơm yoch?”

Luka 24:7

Sư khan đe gô jao Sư Kon Bơngai kơ lu bơngai yoch, na lu sư gô pơlôch Sư tơ 'long pơglang. Mă-lei kơtĕch pêng năr Sư gô iung arih dơ̆ng.”

Jang 22:21

Na Kră Yang Yêsu khan kơ inh: ‘Năm bĕ. Inh wơh ih năm bơtho lu đe pơlei ataih, lu bơngai tơmoi ưh kơ sĭ bơngai Juđê.’ ”

Rom 3:9

Bơ̆n 'nĕ pơang lu bơngai Juđê bơ̆n, khan bơ̆n bơngai ưh kơ yoch thoi lu bơngai nai. Yua kơ inh khan boih, đĭ-đăng kon bơngai yoch ngăl, na mă bơngai Juđê, mă bơngai khŭl nai.

Rom 4:16

'Bok Kei-Dei pơkă khan wă ăn kơ lu kon sâu Abraham pơgơ̆r jơ̆p kơ teh đak. Tơdrong Sư pơkă noh, Sư wă ăn kơ bơngai bu mă lui kơ Sư; yua kơ Sư mơnat, na Sư ăn. Lu bơngai Juđê mă adrin kiơ̆ tơdrong juăt Sư pơkă, wă khan lu bơngai mă gơnang kơ Sư hăm đĭ jơhngơ̆m, lu bơngai noh Sư ăn. Mă-lei ưh kơ sĭ Sư ăn pôm lu đe noh đĕch ôh. Sư ăn kơ đĭ-đăng hăm lu bơngai tơmoi hai, wă khan lu bơngai mă lui 'blep trŏ thoi 'bok bơ̆n Abraham sơ̆. Thoi noh na Abraham boih pơm 'bok kơdră 'bă tơm đĭ-đăng kơ lu bơ̆n sơ̆.

Galati 2:17

Dang ei nhôn lui kơ Yêsu Krist wă kơ 'Bok Kei-Dei jô̆ nhôn bơngai 'lơ̆ng tơpăt hăm Sư, na nhôn huay pă kăl kiơ̆ tôm tơdrong juăt Môis kư̆m lei-lăi thoi bơngai ưh kơ sĭ khŭl Juđê sư ưh kơ kiơ̆ tơdrong juăt Môis ôh. Na iĕm tơchĕng thoi yơ dang ei? Iĕm tơchĕng dôm tơdrong juăt 'Bok Kei-Dei, Yêsu Krist kuă ăn bơ̆n lui hă? Ưh ôh.

Êphêsô 2:3

Mă đĭ kơ nhôn bơngai Juđê kư̆m pơm thoi noh mơ̆n sơ̆. Nhôn kư̆m hưch hanh kơ tơdrong âu tơdrong to, pơm kiơ̆ kơ nhôn wă kơdih kơnê̆ dêh, trŏ kơ 'Bok Kei-Dei hil thoi lu bơngai nai tơpă.

Philip 3:4

Tơ̆ng bơ̆n 'maih pơma băl tơpă kơ tơdrong bơ̆n gơnang kơ akâu bơ̆n kơdih, bu kiơ̆ 'blep bu ưh, đe ưh kơ kĕ kiơ̆ 'blep dang inh. Mă-lei inh ưh kơ gơnang kơ tơdrong inh kiơ̆ 'blep noh ôh.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.

I Sam 15:18

Na, Kră Yang wơh ih năm na khan: Năm bĕ pơlôch đĭ lu bơngai pơm yoch to, noh kon pơlei Amalek păng tơblah hăm lu sư dĭng truh kơ lu iĕm pơlôch đĭ lu sư.