Galati 2:13 - Sơ̆p Hlabơar Nơ̆r 'Bok Kei-Dei

¹³ Na lu bơngai Juđê mă oei tơ Pơlei Antiôs ei mơ'nah kư̆m lui kơ Yêsu mơ̆n, lu sư kư̆m kiơ̆ Pêtrôs hơdai ưh kơ pơ̆n, kuă kơ sŏng sa thoi Pêtrôs mơ̆n truh tơ 'Barna'ba kư̆m lei-lăi thoi lu sư.

Galati 2:13 ပူးပေါင်းရင်းမြစ်များ

Bl 27:24

Klaih kơ noh sư jet dơ̆ng: 'Nâu e hăm trŏ kơ Êsâu kon kơdră inh? Jakôp tơl: Trŏ boih inh âu.

II Sam 16:19

Hloh kơ noh dơ̆ng. Inh wă bơ̆jang kơ bu, dah ưh kơ bơ̆jang kơ kon drŏ-nglo buăl inh. Thoi inh bơ̆jang kơ 'bă pơtao thoi yơ, inh kư̆m gô bơ̆jang kơ ih thoi noh mơ̆n.”

Jop 15:12

Liơ đon ih tơchĕng thoi noh? Liơ măt ih bơbul lăng ưh kơ 'bôh?a

Bôk Bơthô 10:1

Minh pôm roi lôch pơm kơ đak 'bâu phu jing 'bâu ôm; wơnh 'bơm tŏ sĕt đĕch pơm ăn kơ anăn bơngai hơgei đe ưh pă ư-ang.

Bôk Bơthô 7:20

Tơpă, lăm teh đak âu ưh kơ đei minh 'nu tơpăt, pơm 'lơ̆ng ling-lang ưh kơlah pơm yoch.

Mathiơ 23:28

Đe lăng akâu akar iĕm gah 'ngoaih kư̆m thoi noh mơ̆n, rŏ kơ bơngai pơm 'lơ̆ng kơ đe, mă-lei lăm to iĕm ling-lang kơ hơlĕnh păng pơm kơnê̆ kơ đe.

Jang 4:36

Đei minh 'nu bơngai anăn sư Yôsep mă-lei lu bơngai jơ̆ng 'bang Yêsu anăn sư 'Barna'ba wă khan bơngai pơlung đe, pơhiôk jơhngơ̆m đe. Sư adrĕch adrung Lêwi sơ̆ mă-lei mĕ sư tơpŭ tơ dêh Chiprơ.

I Kor 12:2

Iĕm kư̆m băt mơ̆n hơtai iĕm tam mă lui kơ 'Bok Kei-Dei sơ̆, iĕm ling-lang gô mơ̆ng kơ đe dui ba iĕm kơkuh kơ rup yang mă ưh kơ gơh pơma.

I Kor 15:33

Iĕm 'nĕ kơ lui kơ lu bơngai wă pơlung iĕm, khan 'Bok Kei-Dei ưh kơ wă tơiung arih bơngai lôch, kơnh đơ̆ng bơngai 'lơ̆ng oei hơdai bơngai kơnê̆ sư jing kơnê̆ lei-lăi.

I Kor 5:6

Tơdrong iĕm pơang akâu kơdih ưh kơ 'lơ̆ng ôh. Iĕm ưh kơ băt ôh hă, tơdrong yoch thoi lĕ kơ 'buih pông? Bơ̆n pơjrâu kơ bre sư 'bĕng tơpŭng lăp tŏ sĕt đĕch mă-lei sư pông đĭ kơ 'bĕng tơpŭng.

I Kor 8:9

Iĕm khan iĕm gơh sa kư̆ kă tơmam đe sơmah kơ yang kư̆m bưh, huay kơ kơ̆m ôh; mă-lei iĕm athei kơchăng 'biơ̆ hŏ, iĕm 'nĕ kơ pơm thoi noh hli kơ lu bơngai 'nao lui jing hơwơ̆l na hơdai wang pơm kiơ̆ thoi iĕm.

Galati 2:1

Đơ̆ng rŏng kơ noh mơjĭt-puăn sơnăm nhi 'Barna'ba wih dơ̆ng tơ Pơlei Jêrusalem anhăk ba Tĭt kiơ̆ nhi.

Galati 2:9

Thoi noh na Yakơ, Pêtrôs, Yôhan, lu sư bơngai mă đe pôk pơm tih pơgơ̆r lu bơngai lui đơ̆ng sơ̆ boih, lu sư băt tơpă kơ 'Bok Kei-Dei ăn kơ inh năm chă bơtho kơ lu bơngai mă ưh kơ khŭl Juđê, na lu sư iung rôp ti nhi 'Barna'ba dang wă khan pơgơ̆p băl minh jơhngơ̆m minh đon jang tơdrong 'Bok Kei-Dei. Lu sư bơtho tơdrong 'Bok Kei-Dei kơ lu khŭl sư bơngai Juđê, na nhi bơtho kơ lu khŭl bơngai nai.

Êphêsô 4:14

Thoi noh na bơ̆n ưh pă gơh kiơ̆ thoi lu bơngai hơ'lơ̆p lui kơ đe bơtho tơdrong kư̆ kă boih, pơtih gia đe hơlĕnh kơ bơ̆n, dah pơhlŭ bơ̆n, wă kơ bơ̆n hơwơ̆l jing jrok kư̆ kă.

Hêbrơ 13:9

Iĕm 'nĕ kơ lui kơ tơdrong đe bơtho phara pha, hli kơ iĕm lui chroih tơ nai. Pơtih gia dah đe bơtho khă bơ̆n gah tơdrong sa et tơmam giĕng; tơdrong giĕng noh ưh kơ gơh pơm kơ bơ̆n lui kơjăp ôh. Tơdrong lui kơjăp noh đơ̆ng Yang Bơhngol 'Lơ̆ng gơh pơm kơ bơ̆n.