Galati 1:24 - Sơ̆p Hlabơar Nơ̆r 'Bok Kei-Dei

²⁴ Thoi noh na lu sư ư-ang 'Bok Kei-Dei ăn kơ inh lui kơ Sư.

Galati 1:24 ပူးပေါင်းရင်းမြစ်များ

Jo 23:23

Ưh kơ đei bơngai pơjâu lăm Jakôp. Lăm Isơrael kư̆m ưh kơ đei bơngai tơwir hơlĕnh yua kơ dang ei trŏ boih đe gô pơma khan gah Jakôp păng Isơrael thoi âu: Lăng đei tơdrong Kră Yang pơm hlĭch tơpă! Pă băt dang yơ.

Mathiơ 9:8

Lu đe oei kiơ̆ ei 'bôh tơdrong noh, lu sư hli na ư-ang kơ 'Bok Kei-Dei khan: “Bơngai âu 'Bok Kei-Dei ăn wă pơklaih yoch păng jĭ jăn kon bơngai tơpă.”

Markôs 2:12

Sư iung hloi iŏk anhŭn sư lĕch brŏk 'bơ̆t anăp đe tơpôl lơ. Thoi noh na đĭ-đăng lu bơngai oei kiơ̆ ei 'bôh hlĭch tơpă păng ư-ang kơ 'Bok Kei-Dei khan: “Đơ̆ng sơ̆ bơ̆n tam 'bôh ôh tơdrong thoi âu iih?”

Luka 15:10

Kư̆m thoi noh mơ̆n lu linh jang 'lơ̆ng 'Bok Kei-Dei hiôk tơpă mă 'bôh minh 'nu bơngai yoch băt băi tơbral kơdih tơdrong yoch.”

Luka 15:32

Trŏ mơ̆n ba ngôi păng oh e, yua kơ sư nhen lôch boih mă-lei dang ei sư arih dơ̆ng; sư hiong đơ̆ng ba, mă-lei dang ei ba 'bôh sư dơ̆ng.’ ”

Luka 2:14

“Ư-ang kơ 'Bok Kei-Dei mă oei tơ plĕnh ti. Sư wă ăn hiôk-hian kơ lu bơngai mă Sư lăp đon tơ ala teh âu.”

Luka 7:16

Đĭ-đăng lu bơngai kiơ̆ ei hli ngăl, na lu sư ư-ang kơ 'Bok Kei-Dei khan: “Bơngai pơtruh nơ̆r 'Bok Kei-Dei mơsêh tơpă năm tơ bơ̆n boih.” Lu sư kư̆m khan dơ̆ng: “Dang ei 'Bok Kei-Dei wă tơgŭm lu bơngai Isơrael tơpă.”

Jang 11:18

Lăp lu bôl Pêtrôs kơtơ̆ng Pêtrôs pơma thoi noh, lu sư chu hloi, huay pă pơjah dơ̆ng. Na lu sư ư-ang kơ 'Bok Kei-Dei păng khan: “'Noh 'Bok Kei-Dei ăn kơ kon tơmoi tơbral tơdrong yoch lu sư, wă kơ lu sư arih ling-lang kư̆m thoi bơ̆n mơ̆n.”

II Kor 9:13

Lu sư gô 'bôh tơdrong iĕm tơgŭm lu sư, na lu sư gô bơnê kơ 'Bok Kei-Dei ăn kơ iĕm lui kơ Yêsu Krist kơjăp băt chu kơ Sư. Lu sư gô ư-ang 'Bok Kei-Dei tơdrong iĕm hơlăng kơ lu sư hăm đe nai tơmam.

II Tes 1:10

Năr 'noh kơnh boih Sư jur tơ ala teh na đĭ-đăng lu bơngai lui kơ Sư lăp 'bôh Sư glêu kơ măt hloi hăm khan kơ Sư: “Bơnê kơ Ih.” Năr ei kơnh iĕm kư̆m khan bơnê kơ Sư hơdai hăm đĭ-đăng bơngai lui mơ̆n kơlih kơ iĕm lui boih kơ tơdrong 'nao 'lơ̆ng Sư nhôn bơtho lu iĕm.

II Tes 1:12

Kơlih kơ iĕm lui kơjăp thoi noh boih na đe ư-ang Kră Yang bơ̆n Yêsu. Păng Sư gô ăn kơ iĕm oei hơdai hăm Sư ning-mônh hiôk hơiă tơpă. Kră Yang bơ̆n 'Bok Kei-Dei păng Yŏng bơ̆n Yêsu Krist, Sư boih ăn kơ lu iĕm lui kơjăp thoi noh.