Galati 1:22 - Sơ̆p Hlabơar Nơ̆r 'Bok Kei-Dei

²² Kơplah dôm sơnăm noh lu bơngai lui tơ dêh char Juđê tam mă tơ'bơ̆p inh ôh.

Galati 1:22 ပူးပေါင်းရင်းမြစ်များ

Jang 9:31

Yua kơ Sôl lui boih na lu bơngai lui kơ Yêsu oei jơ̆p-jang dêh Juđê păng dêh Galilê, dêh Samri hiôk-hian huay pă đei tơdrong truh tơ lu sư. Lu sư kư̆m rai đunh rai pran. Lu sư lui tơpă kơ Kră Yang păng Yang Bơhngol 'Lơ̆ng tơgŭm lu sư ling-lang, na lu sư rai đunh rai lơ.

Rom 16:10

Inh đei nơ̆r jet gia Apelơ, sư đei tơdrong gleh mă-lei sư oei lui kơ Yêsu Krist kơjăp. Inh kư̆m wă jet gia lăng hnam dơnŏ đe Rihtô sư thoi yơ.

Rom 16:3

Na dang ei inh wă jet gia tôm kơ iĕm tơ âu: Bĭ bre Prisil păng Akila bre sư thoi yơ dang ei? Sơ̆ bre sư jang tơdrong Kră Yang Yêsu Krist hơdai hăm inh.

Rom 16:7

Inh đei nơ̆r jet gia bre Andrônik păng Junnia, bre sư 'nhŏng oh inh; sơ̆ bre sư kư̆m oei tơ lăm hnam phak hơdai hăm inh. Lu jơ̆ng 'bang Yêsu Krist kư̆m ư-ang kơ bre sư mơ̆n. Bre sư lui kơ Yêsu Krist hơdrol kơ inh.

Rom 16:9

Inh kư̆m wă jet gia lăng Uban, sư kư̆m jang tơdrong Yêsu Krist hơdai hăm bơ̆n. Păng inh kư̆m wă jet gia Satach, inh 'mêm kơ sư tơpă.

I Kor 1:30

'Bok Kei-Dei ăn kơ bơ̆n oei hơdai minh jơhngơ̆m minh đon hăm Yêsu Krist. 'Bok Kei-Dei ăn kơ Kon Sư Yêsu Krist tơbăt ăn kơ bơ̆n gơh tơchĕng hơgei gah tơdrong Sư. Yua kơ đơ̆ng Yêsu Krist na 'Bok Kei-Dei huai iŏk bơ̆n đơ̆ng tơdrong yoch, Sư jô̆ bơ̆n jing bơngai tơpăt hăm Sư păng Sư ăn kơ bơ̆n jing bơngai 'lơ̆ng.

I Kor 7:17

Rim 'nu kơ bơ̆n athei pơm kiơ̆ gô mơ̆ng kơ 'Bok Kei-Dei asong. Sơ̆ 'Bok Kei-Dei krao bơ̆n lui kơ Sư kơplah bơ̆n oei pơm đĭch đe dah bơngai rơngei dah bơngai thoi yơ, bơ̆n athei kiơ̆ tơdrong 'noh đĕch. Inh bơtho tơ rim hnam akŭm thoi noh ngăl.

Philip 1:1

Inh Pôl, nhi Timôthê bơngai đĭch đam Yêsu Krist, chih hơpong kơ lu kon 'Bok Kei-Dei tơ Pơlei Philip, lu iĕm pôm đon hăm Yêsu Krist. Nhi chih hơpong kơ lu kră wei-lăng iĕm hăm lu bơngai jang lăm hnam 'Bok Kei-Dei.

I Tes 1:1

Nhôn pêng 'nu, Pôl, Silas, Timôthê, chih hơpong kơ lu bơngai lui tơ pơlei Têsalônik. 'Bă tơm bơ̆n 'Bok Kei-Dei păng Kră Yang bơ̆n Yêsu Krist wei-lăng iĕm ling-lang. Nhôn krao khan apinh Sư tơgŭm iĕm lăm tôm tơdrong wă kơ Sư ăn kơ iĕm hiôk-hian.

I Tes 2:14

Ơ 'nhŏng oh, đe pơm kơnê̆ kơ iĕm kư̆m thoi đe pơm kơnê̆ kơ lu bơngai lui kơ 'Bok Kei-Dei hăm Kon Sư Yêsu Krist tơ dêh char Juđê sơ̆. Lu bơngai khŭl iĕm pơm kơnê̆ tơduă khŭl iĕm kư̆m thoi lu bơngai Juđê pơm kơnê̆ tơduă khŭl lu sư sơ̆ kơ lu bơngai lui kơ Yêsu mơ̆n.

II Tes 1:1

Nhôn pêng 'nu, Pôl, Silas, Timôthê, chih hơpong kơ lu bơngai lui tơ Pơlei Têsalônik. 'Bă tơm bơ̆n 'Bok Kei-Dei păng Kră Yang bơ̆n Yêsu Krist wei-lăng iĕm ling-lang.