Galati 1:19 - Sơ̆p Hlabơar Nơ̆r 'Bok Kei-Dei

¹⁹ Inh kư̆m tơ'bơ̆p Yakơ oh Yêsu mơ̆n, mă-lei inh ưh kơ đei tơ'bơ̆p jơ̆ng 'bang Yêsu nai ôh kơplah noh.

Galati 1:19 ပူးပေါင်းရင်းမြစ်များ

Mathiơ 10:3

Đơ̆ng noh lu đe Philip hăm 'Barthôlêmi; Thôm hăm Mathiơ, bơngai mă iŏk jên thuê̆ sơ̆; Yakơ kon Alphê hăm Thađê;

Mathiơ 12:46

Kơplah Yêsu oei bơtho lu đe ei, na đei oh Sư hăm mĕ Sư dơ̆ng tơ 'ngoaih chă Sư wă pơma dơnuh.

Mathiơ 13:55

Sư kon 'bok ot 'long đĕch lah, mĕ Sư Mari păng lu oh Sư Yakơ, Yôsep, Simôn, Jut.

Markôs 3:18

Đơ̆ng noh lu đe Andrê, Philip, 'Barthôlêmi, Mathiơ, Thôm, Yakơ kon Alphê, Thađê, Simôn mă kiơ̆ khŭl đe Sêlôt sơ̆;

Markôs 6:3

Bơngai âu Sư jang ot 'long đĕch lah. Sư kon Mari, 'nhŏng đe Yakơ, Jôsê, Jut, Simôn. Lu oh Sư drŏ-kăn oei tơ âu mơ̆n. Na lơliơ Sư gơh pơm dôm tơdrong noh?” Lu đe ei klai kơ Sư hơgei na jing kuă lui kơ Sư.

Luka 6:15

Mathiơ, Thôm, Yakơ kon Alphê, Simôn mă kiơ̆ khŭl đe Sêlôt sơ̆,

Luka 8:20

Na đe khan kơ Yêsu: “Mĕ Ih hăm oh Ih dơ̆ng tơ 'ngoaih hnam to. Lu sư chă Ih.”

Jang 1:13

Lăp lu sư truh tơ Pơlei Jêrusalem boih na lu sư tŏk tơ hnam anih gah kơpal. Na anăn lu sư oei tơ ei: Pêtrôs, Yôhan, Yakơ, Andrê, Philip, Thôm, 'Barthôlêmi, Mathiơ, Yakơ kon Alphê, Simôn mă kiơ̆ khŭl đe Sêlôt sơ̆, Juđa kon Yakơ bơngai nai.

Jang 12:17

Na Pêtrôs yơ̆r ti khă lu sư pơma, na oei thĕng huay pă pơma boih. Na Pêtrôs roi kơ lu bơngai oei lăm hnam ei kơ tơdrong 'Bok Kei-Dei tơlĕch sư. Pêtrôs athei lu bơngai oei lăm hnam ei năm khan kơ 'bok Yakơ păng lu bơngai lui wă roi tơdrong sư lĕch. Đang kơ sư roi tơdrong ei Pêtrôs jăk oei tơ nai dơ̆ng.

I Kor 9:5

Dah nhi đei akăn kư̆m bơngai lui, na juăt kơ anhăk thoi đe Pêtrôs, thoi lu đe oh Yêsu, thoi lĕ lu jơ̆ng 'bang Yêsu nai, lê̆ kơ lu bơngai lui 'me sa sư, kư̆m gơh mơ̆n dah kiơ?

Ya 1:1

Inh Yakơ đĭch đam 'Bok Kei-Dei hăm đĭch đam Kră Yang bơ̆n Yêsu Krist chih hơpong kơ mơjĭt-'bar khŭl bơngai Isơrael đĭ tơklah tơklang, tơ kông minh hlak tơ đak minh găr jơ̆p kơ teh đak, kơkuh hmach tôm kơ iĕm.

Ju 1:1

Inh Jut, oh Yakơ, hăm đĭch đam Yêsu Krist, chih hơpong kơ lu bơngai mă 'Bă tơm bơ̆n 'Bok Kei-Dei 'mêm rơih iŏk sư boih, wă khan lu bơngai mă Yêsu Krist wei-lăng.