Esther 9:29 - Sơ̆p Hlabơar Nơ̆r 'Bok Kei-Dei

²⁹ Yă pơtao Esther kon Abihai păng Morđêkai bơngai Juđa chih gơih dơ̆ng kơthơ mă 'bar athei wei răk rim kơ năr Purim.

Esther 9:29 ပူးပေါင်းရင်းမြစ်များ

Esther 2:15

Truh kơ jơ Esther kon hơdruh Abihai ma kơ Morđêkai, bơngai rong sư pơm jing kon kơdih sư, mơ̆t năm tơ anih pơtao, hơdruh noh ưh kơ đei wă apinh tơdrong kiơ, sư apinh pôm tơmam đơ̆ng Hêgai bơngai linh krĕo jang kơ pơtao wei-lăng lu hơdruh, tơ'bôh kơ sư. Esther đei lơ bơngai lăng sư mơnat.

Esther 3:15

Lu bơngai chĕp hla bơar noh hăt hot pơm kiơ̆ kơ tơdrong pơtao tơtă. Nơ̆r tơtă âu kư̆m roi tơbăt lăm kon pơlei Susa. Pơtao păng Haman oei et tơdrô, mă-lei lăm lu kon pơlei Susa hli tơrơ dêh.

Esther 8:10

Morđêkai chih hăm anăn pơtao Asêrus păng iŏk tơkhiĕn pơtao chơ̆m pơsĭt hăm chih anăn sư, đơ̆ng noh wơh linh năm ba hla bơar noh hao aseh dăm, pran kuăng.

Esther 9:20

Morđêkai chih răk dôm tơdrong noh, đơ̆ng noh gơih kơthơ ăn rim 'nu bơngai Juđa oei tơ lăm jơ̆p-jang char pơtao Asêrus pơgơ̆r, mă jê̆ mă ataih.

Esther 9:21

Sư tơtă wă kơ lu sư răk 'blŏk lăm rim sơnăm 'bơ̆t năr mơjĭt-puăn păng mơjĭt-pơđăm khei Adar,

Esther 9:28

Wă kơ đe 'blŏk hơdơ̆r kơ năr noh lăm đĭ jơhnơr, đĭ-đăng adrĕch adrung păng jơ̆p kơ dêh char, rim pơlei, wă kơ năr Purim âu ưh kơ đei bu hiơt lăm adrĕch Juđa păng kư̆m ưh kơ tơhiong lê̆ ôh lăm kon sâu se lu sư.