Esther 9:18 - Sơ̆p Hlabơar Nơ̆r 'Bok Kei-Dei

¹⁸ Mă-lei lu bơngai oei lăm pơlei Susa akŭm tơblah ayăt sư năr mơjĭt-pêng păng năr mơjĭt-puăn na năr mơjĭt-pơđăm pơdơh, pơm năr sŏng sa chơt hiôk.

Esther 9:18 ပူးပေါင်းရင်းမြစ်များ

Esther 8:11

Lăm hla bơar chih noh pơtao ăn lu bơngai Juđa lăm rim pơlei gơh akŭm băl hơdai wă dŏng tơdrong arih lu sư kơdih wă pơrăm pơlôch wă pơtôch tơhiong lu linh lu pơlei dah mă lu char wă pơrăm lu sư, hăm lu kon akăn lu sư, kư̆m ăn kơ lu sư gơh blah tơgar iŏk mŭk tơmam lu đe ayăt kơ lu sư.

Esther 9:1

Lăm khei mơjĭt-'bar, đe anăn khei Adar, năr mơjĭt-pêng lăm khei âu, kơplah wă jê̆ jơ 'năr nơ̆r pơtao pơkă wă pơsĭt boih, 'bơ̆t năr lu bơngai ayăt kơ adrĕch Juđa khan wă jei lu sư ră, mă-lei tơplih tơdrong lu sư wă noh jing jei lu bơngai Juđa pơgơ̆r plơ̆ lu sư dơ̆ng,

Esther 9:11

Lăm năr noh đe roi kơ pơtao băt hơdôm 'nu bơngai lôch lăm pơlei Susa.

Esther 9:13

Yă pơtao Esther tơl: Tơdah ih lăp đon năr dơning kư̆m thoi năr 'nâu, ăn kơ lu bơngai Juđa iŏk hrek atol mơjĭt 'nu kon drŏ-nglo Haman noh tơ 'long gơ̆ng kơjung to.

Esther 9:15

Lu bơngai Juđa mă oei lăm pơlei Susa akŭm băl dơ̆ng lăm năr mơjĭt-puăn khei Adar, na pơlôch pêng-hrĕng 'nu bơngai drŏ-nglo lăm pơlei Susa; mă-lei lu sư ưh kơ blah iŏk tơmam dah mŭk măk ôh.

Esther 9:2

lu bơngai Juđa akŭm băl tơ rim pơlei lu sư lăm jơ̆p-jang rim tơring dêh char pơtao Asêrus pơgơ̆r wă pơlôch lu bơngai mă wă pơrăm lu sư; ưh kơ đei bơngai bu kĕ găn lu sư, yua kơ đĭ-đăng lu bơngai adrĕch adrung nai hli dêh kơ adrĕch Juđa.

Esther 9:21

Sư tơtă wă kơ lu sư răk 'blŏk lăm rim sơnăm 'bơ̆t năr mơjĭt-puăn păng mơjĭt-pơđăm khei Adar,