Esther 8:8 - Sơ̆p Hlabơar Nơ̆r 'Bok Kei-Dei

⁸ Thoi noh măr iĕm chih roi bĕ kiơ̆ kơ măr iĕm tơchĕng lăp gah adrĕch Juđa hăm anăn pơtao păng iŏk tơkhiĕn pơtao pơsĭt; yua kơ lăm tơdrong juăt đei chih hăm anăn pơtao păng chơ̆m pơsĭt boih hăm tơkhiĕn pơtao đe ưh pă gơh tơplih dơ̆ng.

Esther 8:8 ပူးပေါင်းရင်းမြစ်များ

I Pot 21:8

Jêsebel chih hla bơar yua hăm anăn pơtao Ahap păng chơ̆m tơdra đơ̆ng pơtao, đơ̆ng noh gơih ăn kơ lu kră pơlei păng lu bơngai đe pơyom oei hơdai hăm pơlei Nabôt.

Esther 1:19

Tơdah pơtao lăp đon, lei tơjur bĕ nơ̆r pơtao pơkă, na chih lăm sơ̆p hla bơar tơdrong juăt dêh char Phersia păng char Mêdi wă ưh kơ đei bu gơh tơplih, wă kơ yă pơtao Wathi âu ưh pă gơh mơ̆t 'bơ̆t anăp pơtao Asêrus. Pơtao athei rơih chă yă pơtao plơ̆ng 'lơ̆ng hloh tơplih kơ yă Wathi.

Esther 3:12

Lăm năr mơjĭt-pêng khei mă mônh, krao lu bơngai jang chih hla bơar tơbăt kơ tơdrong juăt kiơ̆ kơ Haman tơtă boih kơ lu kuan tih pơtao đĭ-đăng lu kră pơgơ̆r tơring păng đĭ kơ lu kră pơgơ̆r rim kon pơlei lăm jơ̆p kơ dêh, tơring ayơ chih kiơ̆ kơ nơ̆r sư kơdih, adrĕch ayơ chih kiơ̆ nơ̆r pơma sư kơdih. Lu đe chih tơdrong kĭ anăn pơtao Asêrus păng iŏk tơkhiĕn pơtao chơ̆m hla bơar noh.

Esther 8:10

Morđêkai chih hăm anăn pơtao Asêrus păng iŏk tơkhiĕn pơtao chơ̆m pơsĭt hăm chih anăn sư, đơ̆ng noh wơh linh năm ba hla bơar noh hao aseh dăm, pran kuăng.

Esther 8:5

Na sư khan thoi âu: Tơdah ih lăp đon tơdah ih mơnat kơ inh, tơdah ih lăng tơdrong âu lăp 'lơ̆ng 'bơ̆t anăp ih, na apinh chih hla bơar tơjur nơ̆r hŭt lê̆ tơdrong Haman bơngai Agak kon drŏ-nglo Hamadatha chih hla bơar wă pơrăm adrĕch Juđa mă oei jơ̆p kơ lăm dêh char pơtao.

Da 6:8

Dang ei, ơ pơtao, chih pơkăm tơbăt bĕ păng kĭ hloi măt ih lăm noh, wă kơ kĭ huay kơ tơplih, kiơ̆ thoi tơdrong juăt bơngai Mêđi păng bơngai Pherơsơ, ưh pă gơh tơplih boih.

II Tim 2:19

Dôm tơdrong 'Bok Kei-Dei trŏ kơjăp tơpă. Sư pơkă thoi âu: “Inh Kră Yang 'Bok Kei-Dei băt kơnăl kơ đĭ-đăng bơngai lui kơ Inh păng đĭ-đăng bơngai lui kơ Inh sư athei tŭk lê̆ tơdrong yoch.”