Esther 8:5 - Sơ̆p Hlabơar Nơ̆r 'Bok Kei-Dei

⁵ Na sư khan thoi âu: Tơdah ih lăp đon tơdah ih mơnat kơ inh, tơdah ih lăng tơdrong âu lăp 'lơ̆ng 'bơ̆t anăp ih, na apinh chih hla bơar tơjur nơ̆r hŭt lê̆ tơdrong Haman bơngai Agak kon drŏ-nglo Hamadatha chih hla bơar wă pơrăm adrĕch Juđa mă oei jơ̆p kơ lăm dêh char pơtao.

Esther 8:5 ပူးပေါင်းရင်းမြစ်များ

Esther 2:17

Pơtao 'mêm kơ Esther hloh kơ lu đe hơdruh nai, 'bơ̆t anăp pơtao lăng sư mơnat hloh kơ lu đe hơdruh nai, na pơyơ̆l ăn kơ sư môk pơtao tơ kơ̆l sư, pôk sư jing yă pơtao tơplih kơ yă Wathi.

Esther 2:4

Ăn hơdruh ayơ pơtao lăp đon, pơjing pôk sư pơm yă pơtao tơplih kơ yă Wathi. Nơ̆r noh pơtao lăp đon, na sư pơm hloi thoi noh.

Esther 3:1

Đơ̆ng rŏng kơ tơdrong noh pơtao Asêrus pôk Haman bơngai Agak, kon drŏ-nglo Hamedatha, pơm tih hloh kơ đĭ-đăng lu kuan jang lăm hnam pơtao.

Esther 5:8

Tơdah pơtao mơnat kơ inh păng tơdah pơtao đei jơhngơ̆m 'lơ̆ng na mơ̆ng nơ̆r inh apinh asong kiơ̆ kơ nơ̆r inh hơpơi, lei dơning apinh ih păng Haman năm sŏng sa mă inh gô hơmet dơ̆ng, năr dơning inh gô roi tơdrong kiơ inh wă apinh ih.

Esther 7:3

Yă pơtao Esther tơl sư; tơdah inh đei tơdrong mơnat 'bơ̆t anăp ih păng tơdah ih lăp đon apinh ih ăn kơ inh arih păng ăn kơ adrĕch adrung inh arih, noh tơdrong inh wă apinh?

Le 33:13

Thoi noh dang ei inh krao apinh Ih, tơdah inh đei bơih pŭn hiôk 'bơ̆t anăp Ih, lei inh apinh Ih tơ'bôh ăn kơ inh bĕ trong Ih, wă kơ inh băt kơnăl kơ Ih păng inh đei tơdrong mơnat 'bơ̆t anăp Ih, apinh Ih kư̆m 'blŏk kơ lu adrĕch adrung âu kon pơlei pơla Ih mơ̆n!

Le 33:16

Lei liơ đe gơh băt kơnăl kơ inh hăm lu kon pơlei pơla Ih? Đei tơdrong mơnat 'bơ̆t anăp Ih, Dah Ih ưh kơ năm hơdai hăm nhôn? Mưh Ih năm hơdai inh hăm kon pơlei pơla Ih âu phara kơ kon pơlei pơla nai oei lăm teh đak âu?

I Sam 20:29

Lê̆ inh năm; yua kơ hnam nhôn đei tơdrong pơyơ̆r tơmam soi lăm pơlei, na 'nhŏng inh pơkă kơ inh athei năm tơ noh. Dah inh đei mơnat 'bơ̆t anăp ih, apinh ăn kơ inh năm ngôi tơ lu 'nhŏng oh inh. Yua kơ thoi noh sư ưh kơ gơh truh sŏng sa hơdai.