Esther 8:4 - Sơ̆p Hlabơar Nơ̆r 'Bok Kei-Dei

⁴ Pơtao yơ̆r 'long jra maih kơ yă Esther. Đơ̆ng noh yă Esther iung dơ̆ng 'bơ̆t anăp pơtao.

Esther 8:4 ပူးပေါင်းရင်းမြစ်များ

Esther 4:11

Đĭ-đăng mă lu kuan linh krĕo jang kơ pơtao, dah kon pơlei pơla lăm char pơtao đĭ-đăng băt ngăl mă drŏ-nglo dah drŏ-kăn ưh kơ gơh kơ mơ̆t tơ lăm anih pơtao tơdah pơtao ưh kơ krao, tơdah bu mơ̆t ưh kơ kiơ̆ tơdrong juăt đe gô pơlôch; mă-lei tơdah pơtao yơ̆r 'long jra maih lei bơngai noh arih. Đei pêng-jĭt năr boih pơtao ưh kơ đei krao inh mơ̆t.

Esther 5:2

Lăp pơtao 'bôh yă pơtao Esther dơ̆ng 'bơ̆t anăp 'măng, sư lăng 'brơ̆k mơnat, sư yơ̆r 'long jra maih sư tơ yă Esther, yă Esther năm jê̆ păng pel kơnhŏng 'long jra noh.

Esther 8:3

Esther pơma dơ̆ng hăm pơtao sư drap 'bơ̆t jơ̆ng pơtao, nhơ̆m apinh hơdrĭ 'bơ̆t pơtao apinh pơtao pơrăm lê̆ tơdrong Haman bơngai Agak chă đon wă pơrăm adrĕch Juđa.