Esther 8:3 - Sơ̆p Hlabơar Nơ̆r 'Bok Kei-Dei

³ Esther pơma dơ̆ng hăm pơtao sư drap 'bơ̆t jơ̆ng pơtao, nhơ̆m apinh hơdrĭ 'bơ̆t pơtao apinh pơtao pơrăm lê̆ tơdrong Haman bơngai Agak chă đon wă pơrăm adrĕch Juđa.

Esther 8:3 ပူးပေါင်းရင်းမြစ်များ

II Pot 4:27

Duch ei tŏk tơ kơpal kông tơkan năm jê̆ na kuăr jơ̆ng Êlisê bơngai mă Kră Yang 'Bok Kei-Dei yua. Gêhasi năm jê̆ wă dui lê̆ duch ei, mă-lei Êlisê bơngai mă Kră Yang 'Bok Kei-Dei yua, khan kơ Gêhasi: “Lê̆ sư thoi noh bơih, yua kơ jơhngơ̆m sư sơ'ngon tơdrong kiơ kiơ, Kră Yang 'Bok Kei-Dei ôn tơdrong noh, ưh kơ ăn inh băt.”

Esther 3:1

Đơ̆ng rŏng kơ tơdrong noh pơtao Asêrus pôk Haman bơngai Agak, kon drŏ-nglo Hamedatha, pơm tih hloh kơ đĭ-đăng lu kuan jang lăm hnam pơtao.

Esther 7:4

Yua kơ inh păng adrĕch adrung inh đe đĭ tĕch boih wă pơlôch pơrăm păng wă tơhiong lê̆. Tơdah đe tĕch nhôn wă pơm đĭch đĕch mă drŏ-nglo mă drŏ-kăn, lei rŏ inh kư̆m ngăn mơ̆n, yua kơ tơdrong pơmat-tat lu nhôn ưh kơ dang pơm rŭng răng pơhiơ̆k pơtao.

Esther 8:2

Pơtao plôh iŏk tơkhiĕn mă đêl sư pơsĭt đơ̆ng Haman jao kơ Morđêkai yă pơtao Esther jao ăn kơ Morđêkai wei-lăng hnam đêl Haman oei.

Esther 8:4

Pơtao yơ̆r 'long jra maih kơ yă Esther. Đơ̆ng noh yă Esther iung dơ̆ng 'bơ̆t anăp pơtao.

Êsai 38:2

Pơtao Hesekia tơwih muh măt sư tơ tơnăr hnam, krao khan kơ Kră Yang:

Hôsia 12:4

Sư đei tơglơ̆m hăm linh jang 'lơ̆ng, păng jei sư; sư nhơ̆m păng krao hơdrĭ apinh Kră Yang mơnat ăn. Sư tơ'bơ̆p boih Kră Yang tơ pơlei Bethel păng tơ noh Kră Yang đei bơtho sư.

Hêbrơ 5:7

Kơplah Yêsu oei tơ teh âu sơ̆, Sư krao pơret 'Bă Sư păng hmoi apơi kơ 'Bă Sư, yua kơ Sư băt kơ 'Bă Sư gơh tơdŏng Sư đơ̆ng tơdrong lôch. Na 'Bok Kei-Dei mơ̆ng Sư, yua kơ Sư chu yom kơ 'Bok Kei-Dei.

I Sam 25:24

Thoi noh sư kŭp kơ̆l 'bơ̆t jơ̆ng na pơma khan thoi âu: Ơ yŏng tơ'ngla, inh glăi, glăi inh! Apinh đĭch đam ih âu gơh pơma roi hăm ih; apinh mơ̆ng bĕ dôm lu nơ̆r đĭch đam ih âu.