Esther 8:10 - Sơ̆p Hlabơar Nơ̆r 'Bok Kei-Dei

¹⁰ Morđêkai chih hăm anăn pơtao Asêrus păng iŏk tơkhiĕn pơtao chơ̆m pơsĭt hăm chih anăn sư, đơ̆ng noh wơh linh năm ba hla bơar noh hao aseh dăm, pran kuăng.

Esther 8:10 ပူးပေါင်းရင်းမြစ်များ

I Pot 21:8

Jêsebel chih hla bơar yua hăm anăn pơtao Ahap păng chơ̆m tơdra đơ̆ng pơtao, đơ̆ng noh gơih ăn kơ lu kră pơlei păng lu bơngai đe pơyom oei hơdai hăm pơlei Nabôt.

I Pot 4:28

Lu sư chă hơmet 'ba tơ'bâu păng hơnong 'ba ăn kơ aseh hor gre păng aseh bơngai hao noh sa, kiơ̆ hloi đêl hơgăt bơih

II Ho 30:6

Thoi noh lu bơngai năm tơbăt tơ jơ̆p kơ dêh char Isơrael păng char Juđa năm ba hla bơar pơtao păng lu yŏng pơgơ̆r sư, kiơ̆ thoi pơtao đei pơkă khan: “Ơ kon sâu adrĕch Isơrael, wih brŏk bĕ tơ Kră Yang 'Bok Kei-Dei Abraham, Isăk păng Isơrael, wă kơ Sư kư̆m wih tơ lu iĕm bơngai mă oei hlot klaih đơ̆ng ti lu pơtao Asiri.

Esther 8:8

Thoi noh măr iĕm chih roi bĕ kiơ̆ kơ măr iĕm tơchĕng lăp gah adrĕch Juđa hăm anăn pơtao păng iŏk tơkhiĕn pơtao pơsĭt; yua kơ lăm tơdrong juăt đei chih hăm anăn pơtao păng chơ̆m pơsĭt boih hăm tơkhiĕn pơtao đe ưh pă gơh tơplih dơ̆ng.

Jop 9:25

Năr chăl arih inh năm hrĕnh hloh kơ bơngai kơdâu năm roi tơbăt, Lu năr chăl arih inh kơdâu ôn bơih ưh kơ đei tơdrong pŭn hiôk.

Bôk Bơthô 8:4

Mă loi, nơ̆r pơtao pơma đei tơdrong gơh kĕ; hăm đei bu pơ̆n pơma plơ̆ kơ sư khan: Ih pơm kiơ?

Êsai 60:6

Khŭl aseh lăk-đa gô 'bĕnh-'bang kơ dêh char ih, kon aseh lăk-đa đơ̆ng dêh char Mađian păng Êpha. Lu bơngai mơdro đơ̆ng Sêba truh, chĕp ba maih păng tơmam 'bâu phu păng hơri ư-ang kơ Kră Yang.

Êsai 66:20

Kră Yang khan: “Lu sư gô chông ba đĭ-đăng 'nhŏng oh lu iĕm đơ̆ng jơ̆p-jang kơ dêh char thoi tơmam pơyơ̆r soi sơmah kơ Kră Yang ba lu sư hăm aseh, gre aseh, gre tŭn hơnhŭn hơbang, aseh iĕ, aseh lăk-đa truh tơ kông rơgoh Inh tơ pơlei Jêrusalem.” Lu sư chông ba lu sư hăm gre tŭn, gre aseh, aseh, aseh iĕ lăk-đa: ‘Kŭm thoi kon pơlei Isơrael chĕp tơmam soi phe 'ba lăm ge mong tơmam rơgoh lăm hnam akŭm Kră Yang.

Je 2:23

“Liơ ih gơh khan: ‘Nhôn ưh kơ đei 'mê̆-'mach. Inh ưh kơlah kiơ̆ yang Baal ôh?’ Lăng lăng bĕ trong gơlong iĕm pơm lăm thŭng; ăn kơ iĕm băt iĕm đei pơm kiơ boih, iĕm thoi lăk-đa thông đai kư̆ kă tơ âu tơ to,

Je 51:21

Inh yua ih wă teh pơrăm lu linh hao aseh păng aseh, wă teh pơrăm gre aseh păng bơngai hao.

Da 4:1

Pơtao Nebukatnessar roi tơbăt ăn kơ đĭ-đăng kon pơlei, lu dêh char, rim nơ̆r pơma, oei tơ jơ̆p kơpal teh thoi âu: Hơpơi kơ iĕm đei hiôk-hian rai dêh!

Da 6:8

Dang ei, ơ pơtao, chih pơkăm tơbăt bĕ păng kĭ hloi măt ih lăm noh, wă kơ kĭ huay kơ tơplih, kiơ̆ thoi tơdrong juăt bơngai Mêđi păng bơngai Pherơsơ, ưh pă gơh tơplih boih.