Esther 7:9 - Sơ̆p Hlabơar Nơ̆r 'Bok Kei-Dei

⁹ Kơplah noh Harbôna minh 'nu lăm lu linh krĕo wei pơtao khan: To đei boih 'long gơ̆ng mă Haman đei pơdơ̆ng lê̆ boih wă atol Morđêkai, Morđêkai bơngai mă dŏng pơrih pơtao, 'long gơ̆ng noh kơjung pơđăm-jĭt hơgăt, pơtao khan, hrek atol bĕ sư tơ kơpal noh.

Esther 7:9 ပူးပေါင်းရင်းမြစ်များ

II Pot 9:32

Jêhu ngơk lăng tơ 'măng-'mŏk na jet: “Tơ kơpal 'noh, bu gah ĭnh? Bu? Na 'bar pêng 'nu kuan krĕo nger lăng tơ sư.

Esther 1:10

Truh lăm năr mă tơpơh jơhngơ̆m pơtao hiôk dêh đơ̆ng huch tơdrô na sư pơkă kơ Mêhuman, Bistha, Harbôna, Biktha, Abaktha, Sethar păng Karkas. Tơpơh 'nu linh krĕo bơ̆jang lăm hnam pơtao Asêrus,

Esther 5:14

Akăn sư Sêrêt păng đĭ-đăng lu buăl sư wang khan kơ sư: Athei bĕ đe pơdơ̆ng gơ̆ng atol bơngai kơjung pơđăm-jĭt hơgăt, na pơgê dơning athei pơtao ăn đe rôp hrek atol Morđêkai tơ noh. Đơ̆ng noh hiôk bĕ năm sŏng sa hơdai hăm pơtao. Tơdrong noh pơm ăn kơ Haman lăp, na sư ăn hloi đe pơdơ̆ng 'long gơ̆ng wă hrek atol đe.

Esther 6:14

Kơplah lu đe noh oei pơma dơnuh hăm sư đei lu linh bơ̆jang kơ pơtao truh, hăt hot chông Haman năm sŏng sa mă yă pơtao Esther đei hơmet lê̆ boih.

Esther 6:2

Đe đŏk 'bôh đei chih boih Morđêkai đei roi boih kơ tơdrong Bikthana păng Têres, 'bar 'nu kuan gak 'măng jang pơtao chă đon wă pơrăm pơtao Asêrus.

Esther 8:7

Pơtao Asêrus khan kơ yă pơtao Esther păng Morđêkai bơngai Juđa thoi âu: 'Nâu inh jao boih hnam Haman kơ yă pơtao Esther, đe hrek atol boih Haman tơ kơpal gơ̆ng, yua kơ sư wă pơrăm bơngai Juđa.

Esther 9:14

Pơtao ăn kơ đe pơm kiơ̆ thoi noh, chih hla bơar roi tơbăt lăm pơlei Susa, na đe atol akâu mơjĭt 'nu kon drŏ-nglo Haman.

Esther 9:25

Mă-lei kơplah yă Esther năm 'bơ̆t anăp pơtao wă roi tơdrong noh, na pơtao tơjur nơ̆r chih thoi âu: Tơdrong kơnê̆ Haman chă đon wă pơrăm adrĕch Juđa noh thoi tuh plơ̆ tơ kơ̆l sư kơdih, đơ̆ng noh đe hrek atol sư păng lu kon drŏ-nglo sư tơ kơpal 'long gơ̆ng.

Horiso 141:10

Lê̆ lu bơngai pơm kơnê̆ hrơ̆p tơ hơnhuăl lu sư kơdih gah inh gơh klaih

Horiso 35:8

Ăn tơdrong răm truh kơ lu sư ưh kơ tam băt. Rŏ kơ hơnhuăl lu sư dăng 'leh lu sư kơdih. Ăn kơ lu sư huŏng tơ sơlŭng noh păng lôch đĭ.

Horiso 73:19

Ơ lăng deh, lu sư răm hloi 'bônh đĕch! Tơdrong hli krưp hơpuih pơgoh lu sư.

Da 6:24

Kiơ̆ thoi pơtao đei athei, dôm lu bơngai đêl kêng Đaniel noh hăm lu kon akăn sư, athei đe klơ̆m lê̆ tơ lăm sơlŭng dăm-brang noh. Lu sư tam mă truh tơ kơđĕl sơlŭng ră mă-lei kơplah noh lu dăm-brang plŏng rôp hek hok kơting đĭ hloi.

Da 6:7

Đĭ kơ lu yŏng kơiĕng pơtao păng yŏng linh păng yŏng pơgơ̆r tơring lăm dêh char, lu bơngai bơ̆jang tih, lu sư pơđâu băl lăp đon boih wă apinh ih ăn tơdrong pơkăm gơret tơpă lăm pêng-jĭt năr, bơngai bu mă krao khan kơ yang nai dah krao apinh bu nai 'nguaih kơ pơtao, na, ơ pơtao, lu bơngai noh klơ̆m hơtat lê̆ sư tơ lăm war dăm-brang.

I Sam 17:51

Na Đawit kơdâu juă kơpal akâu bơngai Philistin iŏk đao sư toh đơ̆ng hơnglop, 'bet pơlôch sư, păng kăt kơ̆l sư hloi. Kon pơlei Philistin 'bôh bơngai pran tih kơjung sư lôch bơih, na kơdâu.