Esther 7:8 - Sơ̆p Hlabơar Nơ̆r 'Bok Kei-Dei

⁸ Kơplah pơtao hơlơ̆k wih đơ̆ng pơgar pơtao, wơ̆t tơ anih lu sư oei et sa na 'bôh Haman oei drap 'bơ̆t tang-dŏ kơjung yă Esther oei ngôi. Pơtao hil khan, lăm hnam pơtao 'bơ̆t anăp inh sư kư̆m pơ̆n pơm kơnê̆ kơ yă pơtao dơ̆ng hă? Kơplah nơ̆r pơtao pơma 'nao wă tôch, đe thar gom hloi muh măt Haman.

Esther 7:8 ပူးပေါင်းရင်းမြစ်များ

Esther 1:5

Đơ̆ng rŏng kơ lu năr noh hlôi boih, pơtao krao đĭ-đăng lu kon pơlei mă oei lăm pơlei tih Susa, mă pơm tih, pơm iĕ sŏng sa lăm tơpơh năr tơ anih lăm pơgar pơkao sư.

Esther 1:6

Tăp dăr kơ pơgar đei dăng che kok, che dreng hla 'long, dreng jơk plĕnh, iŏk tơlei kok păng 'brê hơhĭm chô̆ tơ kong hu păng jrăng tơmo brông, lu giơng pơm păng hu maih, dan kơpal hơnă lơ̆k tơmo gôh kok păng tơmo rang gĭt găm.

Esther 6:12

Đơ̆ng noh Morđêkai wih hơlơ̆k tơ 'măng jang hnam pơtao. Mă-lei Haman hăt hot brŏk tơ hnam sư kơdih, kơlŭk gom kơ̆l sư ơh sơ'ngon.

Esther 7:10

Thoi noh na đe hrek atol Haman tơ 'long gơ̆ng mă sư đei pơdơ̆ng wă hrek atol Morđêkai. Đơ̆ng noh tơdrong pơtao blĕk ưh pă đei boih.

Jop 9:24

Kơplah teh đak jao bơih kơ lu bơngai pơm kơnê̆ pơgơ̆r. Sư chĭt lê̆ măt lu 'bok sek tơlang lăm teh đak. Tơdah ưh kơ trŏ Sư pơm lei bu pơm?

Êsai 22:17

'Nâu, ơ bơngai pran kơtang Kră Yang gô klơ̆m lê̆ ih kơtang mơ̆n. Sư gô rôp ih kơjăp.

Êsai 49:23

Lu pơtao gô pơm 'bă wei rong iĕm, lu akăn pơtao gô pơm bơngai wei rong tơmŏm iĕm. Lu sư gô kŭp drap tơ teh chu kơ iĕm; liah 'mui teh tơ jơ̆ng iĕm; kơplah noh iĕm gô băt kơ Inh bơih Kră Yang, păng lu bơngai gơnang kơ Inh gô ưh kơ đei mơlâu.”

Am 3:12

Kră Yang khan: Thoi lu bơngai wei triu dui pơdŭng iŏk 'bar pah jơ̆ng dah minh pah đon đơ̆ng 'bơ̆r dăm-brang, na lu kon sâu Isơrael kư̆m lei-lăi, lu bơngai mă hơ-oei tơ kơpal giơng tơ dêh Samari păng kơpal 'bi lơ̆k tơ pơlei Đamas, kư̆m gô gơh dŏng pơklaih thoi noh.

Markôs 14:65

Đei lu mơ'nah chă kơsoh pơ'brơh kơ Sư đak hai, đơ̆p muh măt Sư păng che, tŭr akâu Yêsu păng khan: “Roi lăng kơ nhôn wăi, bu tŭr Ih?” Lu linh gak kư̆m tap tơ'bŏk Sư mơ̆n.