Esther 7:4 - Sơ̆p Hlabơar Nơ̆r 'Bok Kei-Dei

⁴ Yua kơ inh păng adrĕch adrung inh đe đĭ tĕch boih wă pơlôch pơrăm păng wă tơhiong lê̆. Tơdah đe tĕch nhôn wă pơm đĭch đĕch mă drŏ-nglo mă drŏ-kăn, lei rŏ inh kư̆m ngăn mơ̆n, yua kơ tơdrong pơmat-tat lu nhôn ưh kơ dang pơm rŭng răng pơhiơ̆k pơtao.

Esther 7:4 ပူးပေါင်းရင်းမြစ်များ

Ne 5:5

Akâu akar lu nhôn kư̆m nhen akâu akar lu 'nhŏng oh lu nhôn mơ̆n, kon tơdăm lu nhôn kư̆m nhen kon tơdăm lu sư mơ̆n; na dang ei lu nhôn rôp kon tơdăm păng kon adruh lu nhôn pơm đĭch hă păng kư̆m đei boih kon adruh lu nhôn pơm đĭch boih, mă tơpă lu nhôn pă đei gơh wă huai iŏk dơ̆ng; yua kơ chŭn mir păng pơgar hơmu lu nhôn đĭ tơ lu đe nai iŏk boih.

Esther 3:13

Đe gơih hơtă kơ linh năm ba kơ đĭ-đăng tơring lăm char pơtao Asêrus, wă pơrăm pơlôch đĭ lu adrĕch adrung Juđa mă 'lơ̆p mă 'lŏ mă kră, mă drŏ-kăn, lăm năr mơjĭt-pêng khei mơjĭt-'bar khei Adar păng wă tơgar iŏk mŭk tơmam đơ̆ng lu sư.

Esther 3:9

Tơdah ih lăp đon chih hla bơar tơjur nơ̆r tơtă athei pơlôch đi lu sư, inh gô ăn jên apah lăm ti lu kuan pơgơ̆r oei lăm anih pơtao. Wă kơ lu sư tah jên noh lăm hnam tah tơmam pơtao.

Esther 7:5

Pơtao Asêrus khan kơ yă pơtao Esther. Bơngai ei bu, sư oei tơ yơ, mă pơ̆n pơm tơdrong ei.

Esther 7:6

Esther tơl: Minh 'nu bơngai ayăt kơnê̆ noh jơ̆ Haman! Kơplah noh Haman hli dêh 'bơ̆t anăp pơtao păng yă pơtao Esther.

Esther 8:11

Lăm hla bơar chih noh pơtao ăn lu bơngai Juđa lăm rim pơlei gơh akŭm băl hơdai wă dŏng tơdrong arih lu sư kơdih wă pơrăm pơlôch wă pơtôch tơhiong lu linh lu pơlei dah mă lu char wă pơrăm lu sư, hăm lu kon akăn lu sư, kư̆m ăn kơ lu sư gơh blah tơgar iŏk mŭk tơmam lu đe ayăt kơ lu sư.

Esther 8:6

Liơ inh gơh kĕ chu iŏk tơdrong răm truh kơ adrĕch adrung inh? Păng liơ inh gơh kĕ dơ̆ng lăng kon pơlei inh răm rai.

Esther 9:25

Mă-lei kơplah yă Esther năm 'bơ̆t anăp pơtao wă roi tơdrong noh, na pơtao tơjur nơ̆r chih thoi âu: Tơdrong kơnê̆ Haman chă đon wă pơrăm adrĕch Juđa noh thoi tuh plơ̆ tơ kơ̆l sư kơdih, đơ̆ng noh đe hrek atol sư păng lu kon drŏ-nglo sư tơ kơpal 'long gơ̆ng.

Da 6:2

Tơ kơpal 'biơ̆ kơ lu đe noh đei pêng 'nu jing kơiĕng pơtao, lăm noh đei Đaniel. Lu yŏng pơgơ̆r tơring, athei roi tơbăt ăn kơ lu đe pêng 'nu noh băt rim kơ tơdrong kiơ kiơ, na wă kơ pơtao huay pă hiơ̆k kơ minh tơdrong kiơ.

Jôel 3:6

Lu iĕm tĕch boih kon sâu Juđa păng kon sâu Isơrael kơ lu bơngai Grĕk, wă kơ chông anhăk lu sư ataih đơ̆ng anih hnam lu sư.

Am 2:6

Kră Yang khan: Yua kơ đơ̆ng kon pơlei Isơrael rai pơm yoch hloh kơ adrol, na inh ưh kơ lê̆ ôh wă phak lu sư, yua kơ lu sư tĕch boih lu bơngai tơpăt yua kơ jên păng tĕch lu bơngai dơnuh hin yua kơ hơgrop chơkhŏ chuă.

Luka 12:45

Mă-lei dah bơngai kai noh tơchĕng lăm to sư kơdih khan: Yŏng inh wă wih oei đunh, na bơngai kai noh chă tôn teh lu bôl buăl sư mă drŏ-nglo drŏ-kăn, na sư sa et tơ̆p suai,

Both 28:68

Kră Yang gô chông ba iĕm hăm duk hơlơ̆k brŏk tơ dêh Êyiptơ dơ̆ng; mă khan Sư đei pơkă hăm lu iĕm ưh pă đei layơ wă wih brŏk tơ noh dơ̆ng; lu iĕm gô tĕch akâu iĕm kơ lu bơngai ayăt pơm đĭch, đĭ drŏ-nglo dah drŏ-kăn, mă-lei ưh kơ đei bu wă răt.

Jôsuê 9:23

Dang ei đe hiap pơtê̆ boih, đĭ-đăng lu iĕm gô pơm đĭch, mơ'nah lu iĕm chă kăl 'long ŭnh, tung đak, lăm hnam 'Bok Kei-Dei inh.

I Sam 22:23

Oei hơdai inh, 'nĕ kơ hli; bơngai bu chă pơrăm tơdrong arih inh, kư̆m chă pơrăm tơdrong arih ih mơ̆n; ih oei hơdai inh ih gơh đei hiôk hơđơ̆ng.